حادثة بسبب فرامل برسونا 2012 والمصيبة مفيش قطع غيار فى التوكيل المحترم

**Raul_7** · 21-12-2012 01:37 PM

المشاركة الأصلية كتبت بواسطة NourElmansy

توفر قطع الغيار لو مستعجل اسأل في الحرفيين حتلاقي كل حاجة .. لو مش مستعجل يبقي حتستني تقريبا شهر لحد الشحنة الجاية لأن قطع الغيار بتيجي مرة كل شهر / شهر و نص و بتيجي بشكل محدود زي كل الوكلاء بالظبط .

و بما ان هي بتيجي بكميات محدودة بتلاقي نفسك بتستني بالخمس شهور عشان في ناس حاجزة قبلك.

**alaa_sms** · 29-04-2013 05:40 PM

انا كمان حصل معايا نفس الي حصل معاك وذياده كمان
معايا جين ٢ ٢٠١٢
اشتريتها في شهر خمسه
وعملت حادثه زيك كده بالظبط بنفس التفصيل الي انت حكيته
والحمد لله علي كل حال بس الي مزعلني لحد دلوقتي اني مش عارف احل مشكله الفرامل دي خالص
غيرت كل حاجه في النظام ماستر وسيرفو وتيل وخرطت التنابير وغيرت الوحده بتاعت الabs وبردو العربيه وقفتها زفت
وعملت قضيه وحمايه مستهلك وبعت لماليزيا اكتر من ٢٠ ايميل
لكن للأسف عز العرب طلع تقيل لدرجه محدش يتخيلها
حقي عند ربنا وحسبي الله ونعم الوكيل

بس الي بطلبه منكو لو حد عنده حل لموضوع الفرامل ده يقلنا عمل ايه ويبقي كتر خيركو

**Motarjim** · 29-04-2013 10:22 PM

المشاركة الأصلية كتبت بواسطة alaa_sms

انا كمان حصل معايا نفس الي حصل معاك وذياده كمان
معايا جين ٢ ٢٠١٢
اشتريتها في شهر خمسه
وعملت حادثه زيك كده بالظبط بنفس التفصيل الي انت حكيته
والحمد لله علي كل حال بس الي مزعلني لحد دلوقتي اني مش عارف احل مشكله الفرامل دي خالص
غيرت كل حاجه في النظام ماستر وسيرفو وتيل وخرطت التنابير وغيرت الوحده بتاعت الabs وبردو العربيه وقفتها زفت
وعملت قضيه وحمايه مستهلك وبعت لماليزيا اكتر من ٢٠ ايميل
لكن للأسف عز العرب طلع تقيل لدرجه محدش يتخيلها
حقي عند ربنا وحسبي الله ونعم الوكيل

بس الي بطلبه منكو لو حد عنده حل لموضوع الفرامل ده يقلنا عمل ايه ويبقي كتر خيركو

السلام عليكم أستاذ علاء

اتفق مع حضرتك أن فرامل بروتون عمومًا سيئة، وليست بالمستوى المطلوب.

ممكن حضرتك تركب طنابير/ديسكات رياضية مثل: ماركة vttr أو ebs أو غيرهما.

وفيما يلي تجربة العضو المحترم Mido Soliman لطنابير vttr في الجين تو.

http://www.nilemotors.net/Nile/288996-vttr-2-a.html

وربُنا ييسر لك الحال، وتلاقي حل.

**alaa_sms** · 30-04-2013 09:49 AM

شكرا لحضرتك وشكرا لأهتمامك

**amrseif** · 30-04-2013 10:24 AM

المشاركة الأصلية كتبت بواسطة gadieb

باشا عربيتك اكيد فيها مشكله فى الفرامل
على فكره انا معايا بيرسونا برضوا وفراملها كويسه مش ممتازه بس كويسه الى حضرتك بتقوله ده مهزله
ربنا يعوض عليك والف مليون حمدالله على سلامتك وانا من انصار انك فبل ما تصلح العربيه روح ارفع عليهم قضيه وطالب بالتعويض لان اى ضرر مستحق التعويض وهو مبدا عام فى القانون المدنى المصرى
وماتنساش تكلم حمايه المستهلك وهما شدين حيلهم اليومين دول
وممكن تشوف اى صحفى او ناشر باى جريده يعملك مقاله تعكنن عليهم
وربنا ستر وحمد الله على سلامتك

الله ينور عليك يا شيخ.....

و بالنسبة لموضوع قطع الغيار هتلاقى محل اسمه الراعى فى الحرفيين و فى محل اخر اسمه ملك البروتون عندهم قطع غيار استيراد باذن الله يكون عندهم الحاجات اللى انت محتاجها و برده ممكن تاخدلك لفة كدة فى الحرفيين لو ملقتش عندهم
فى محل اسمه اشرف منصور فى الجيزة فى شارع المحطة - و محل المدينة و محل مكة فى شارع دمشق عندهم قطع غيار اصلية و قطع غيار تانيه ممكن تقضى الغرض معاك بس مش اصليه

بس انت فعلا لازم تعكنن على التوكيل ده و تاخد حقك منه و تاخدلنا حقنا منه كمان .....

**D . a .\ AYMAN** · 06-05-2013 10:20 PM

المشاركة الأصلية كتبت بواسطة alaa_sms

انا كمان حصل معايا نفس الي حصل معاك وذياده كمان
معايا جين ٢ ٢٠١٢
اشتريتها في شهر خمسه
وعملت حادثه زيك كده بالظبط بنفس التفصيل الي انت حكيته
والحمد لله علي كل حال بس الي مزعلني لحد دلوقتي اني مش عارف احل مشكله الفرامل دي خالص
غيرت كل حاجه في النظام ماستر وسيرفو وتيل وخرطت التنابير وغيرت الوحده بتاعت الabs وبردو العربيه وقفتها زفت
وعملت قضيه وحمايه مستهلك وبعت لماليزيا اكتر من ٢٠ ايميل
لكن للأسف عز العرب طلع تقيل لدرجه محدش يتخيلها
حقي عند ربنا وحسبي الله ونعم الوكيل

بس الي بطلبه منكو لو حد عنده حل لموضوع الفرامل ده يقلنا عمل ايه ويبقي كتر خيركو

طيب حضرتك بجملة المصاريف الرهيبة اللى صرفتها دي جربت تغير الأربع فرد كاوتش اللى راكبين ... لأن مشكلة الأخ العزيز صاحب الموضوع كانت في الكاوتش وليس في منظومة الفرامل ... وده بعد ما هو نفسه شرحلنا في موضوع منفصل إنه بعد ما غير ترتيب الكاوتش فقط , الفرامل فرقت ...

لو المشكلة عند حضرتك إن الإيه بي إس بيشتغل كتير وبدون مبرر وبيطول زمن التوقف ... يبقى من غير نقاش العيب في الكاوتش وليس الفرامل ... دي القاعدة رقم واحد في منظومة الفرامل

لو غيرت الكاوتش وبرضه زمن التوقف طويل يبقى نتكلم بعد كدة في الأسباب التاينة

لكن للأسف حضراتكوا مشيتوا الترتيب بالعكس