الموضوع: جديد في القسم وارجو المساعده

ربنا يبارك لكل واحد اضاف ليه معلومه فى هذا الموضوع
ملحوظه :
انا واخد العربيه والي اشترتها منه قلى عاملها سرفيس كامل بس وانا ببص من كام يوم لقيت زيت الموتور غامق جدا وتحس انه محروق بس مش ناقص وفيه حاجه تاني وانا ببص جنب غطا الموتور لقيت الأسبراتير وداخل ليه بفيشه 4 اسلاك 2 منهم ملحومين بشكرتون و2 فيهم قطع بسيط هل ده يعمل حاجه وانا بلاحظ انها احيانا بتسقف كاني حاطط 80
واحد صاحبي قالي اوديك عند الحاج سيد الي في جسر السويس وهوا بشكر فيه جدا وكان مسقط عنده موتور قبل كده فهل فعلا ده كويس ولاااااااااااااااا لاني مش ناقص اتعور وانا لسه شاري العربيه
واااااسف للاطاله

السلام عليكم
انا روحت عملت صيانه للعربيه من يومين عند الحاج سيد في اول سنان والي حصل كالأتي:
غيرت زيت الموتور شل ال5+الفلتر (120+35)0
غيرت طقم بوجيهات 3شمعه 85 وقالي هوا ده الفبريقه بتاعهاngk
فلتر بنزين 65
والحمد لله الي اشتريت منه العربيه كان مغير السيور وكشفت عليها لقتها فعلا لسه متغيره
وحطيت العربيه على الجهاز طلع في خطأ في اسلاك البوجيهات او الأسلاك الي داخله للموبينه اوالاسبرتير لان كما شرحت سابقا
الأسلاك الي داخله قبل الفيشه فيهم قطع في عزل الأسلاك
ورحت بعد كده غيرت زيت الفتيس في محطه شل 3*25=75
وبرده لسه في شحط مع الغيار الخامس
قولت يمكن في تراب وطين على الفتيس من فوق وعايز ينضف قولت بكره بأذن الله هروح اربط عفشه واظبط زوايا وارصص وبالمرهاغسل الموتور
وقد كان :
الراجل ظبطلي الزوايا وجيت ارصص لقيت الراجل بيقولي الكاوتش ده منتهي الصلاحيه وعلى دخله الصيف هاتلك 4فرد ورصصت 2قدام بس وقالي ماتزودش عن 100
وهل فعلا مقاس الكاوتش 14/195/60 ولاايه
ورحت بعد كده قولت اغسل شاسيه وحوض بس 44جــ
بس الراجل الله يعمر بيته بدل مايغسل بكيماوي زي ما كنا متفئيين راح مروئها جاز وصباح الفل يابوووولللللللللللللللله
واول مامشيت ما حستش اوي بحاجه وفي نص المسافه بدأ الألم العربيه ماشه مبرجله وبتكركر وحاجه اجارك الله
المهم روحت البيت وفكيت اسلاك البوجيهات ونضفتها على قد مقدر والنتيجه كانت 50%
والنهارده بقا روحت الشغل وعملت زي امبارح بالظبط وبعد الشغل روحت نفس البنزينه وكنت مستحلفله بس حظه حلو مالئتهوش وقابلني واحد محترم واستقبلني كويس
وقالي شاورلي عليه قولتله انا مش شايفه وبعدين انا جاي انفخ الموتور مطرح الجاز بالهوا وامشي وفي نفس الوقت عشان ميعملش كده مع حد تاني قالي ولا يهمك لو تطللب الأمر اني اغسلهولك مره تانيه بكيماوي بجد من غير فلوس
قولت طيب ما فيش مشكله وفعلا غسله بالكيماوي وركز على اسلاك البوجيهات والاسلاك قبل الفيشه رغم انها عليها شكرتون بس الجاز طالها برده
وبعد ما خرجت شكرته جدا ورجعت كويسه الحمد لله (بس انا عايز حل جزري للاسلاك المقطوعه ديه)
واكيد دلوقتي الكنترول بعد ما كنت مظبته كلير قرا اخطاء تاني وهل الأخطاء ديه تؤثر على اداء العربيه
وبعدين العربيه في المطبات الصغيره بسمع زن من السقف يا ترا ده من خوص السقف وحلها ايه
وجاري تفحص السياره بعد الشراء .................وربنا يستر
انا اسف يا اخواني للتطويل وموضوع التعبير البايظ ده