رقم العضوية : 42730
تاريخ التسجيل : 19Jun2009
المشاركات : 6,353
النوع : ذكر
الاقامة : Riyadh - KSA // Banha - Egypt
السيارة: NISSAN ALTIMA 2.5 SL '13
السيارة[2]: FSO Polonez '88 - NISSAN SUNNY EX Saloon '10
دراجة بخارية: 000
الحالة :
اسمحلى اضيف ردى على حضرتك هنا للافادة..
اولا: 1000 مبروك على انضمامك لنادى ملاك الصنى فى مصر
ثانيا: لى عتاب على حضرتك يا باشمهندس انك ما كشفتش على العربية قبل الشراء فى اى توكيل من نيسان لأن كل الاجزاء التالفة نتيجة لاستخدام واحد (صاحبها الاول) غير مهتم بعمل صيانات دورية او حتى تركيب قطع غيار اصلية علاوة على أنه هانها وطلع عينيها وفى الاخر باعها وكسب راحة باله وما صرفش عليها اى حاجة !!!!!
واشك ان حضرتك ممكن تمشى على دربه ان كنت مقرر تبقى على العربية دى بعد اصلاحها باذن الله او الاجدر انك تبيعها وتشوف عربية تانية حالتها افضل
ثالثا: لو عاوز تتأكد من كلام السبع صحيح ولا لأ .. فيه مركز اتوايجيبت ابو رواش او اى مركز آخر معتمد من نيسان (انا شخصيا اتعاملت مع 4 مراكز خدمة نيسان فى عربيتى احسنهم فى سرعة اتمام الصيانة واتقان العمل الفنى السبع يليه اتوايجيبت فى الكشف الدقيق على العربية وبيان حالتها بكل تفصيل وتوافر قطع الغيار)
رابعا: اسعار قطع الغيار الاصلية كلها متساوية فى كل مراكز خدمة نيسان المعتمدة وقريبة من المباعة خارج التوكيل طبعا بدون حساب المصنعيات ..
واشك ان التوكيل يوافق انه يركب كل القطع دى لو حضرتك اشترتها من برة .. وانا شايف العكس هو الاقرب للحدوث والمفروض يحصل (يعنى تشترى قطع الغيار الاصلية من التوكيل او مركز قطع غيار معتمد وتركبها برة عند عفشجى وورشة نضيفة افضل 100 مرة من العكس)
خامسا: اولوية الاصلاح لو عربيتك معايا كما يلى:
1. تغيير التيل والطنابير بأخرى اصلية من التوكيل لأن سبب تلف الطنابير هو استخدام تيل غير اصلى رخيص (انا تيل عربيتى 2010 ماشية 70 الف كم لسه فيه 6 مللى سمك وبتاع الفابريقة ما غيرتوش حتى الان )
2. تغيير البوجيهات + فلتر الهواء فورررررررررا
3. تغيير السيور وكامل الزيوت (فتيس اذا كانت اتوماتيك + زيت محرك + باور + فرامل) والسوائل (مياه الراديتير) فى صيانة ال80.000 كم
4. تغيير كاوتشات تراب المساعدين الاماميين للحفاظ عليها
5. تغيير المقصات (والسبب هنا هو تلف الجلب وليس المقص .. لأن جلب مقصات الصنى كبس ولابد من تغيير المقصات بالكامل عند تلفها) ثم تغيير قاعدة الموتور الامامية وكاوتشات تراب المساعدين الخلفيين
6. تغيير زيت المحرك الحالى بانتظام عند 10 الاف كم او مرور سنة ايهما اقرب بغض النظر عن الكليومترات مهما كان نوعه وخواصه ومواصفاته (ان شاء الله يكون بيقعد حتى 40 الف كم)
سادسا: هتلاقى موضوعات كتير فى موضوع مكتبة القسم المثبت تفيدك باسعار قطع الغيار وتوافرها سواء داخل أو خارج التوكيل وتجارب الاعضاء فى الاثنين
سابعا: اوعى تقفل من العربية لأنها جديرة بالاحترام ولكن سوء حظك هو الذى اوقعك فى حالة غير جيدة من وراء واحد مهمل وسيىء الاستخدام وده واضح جداااا من حالة العفشة كلها والفرامل
تحياتى
Y2Y1500 سابقا
رقم العضوية : 21820
تاريخ التسجيل : 11Oct2008
المشاركات : 1,542
النوع : ذكر
الاقامة : القاهرة
السيارة: renault fluence 2014
السيارة[2]: sunny EX 2010 auto
الحالة :
رديت فوفيت يابشمهندس يوسف
بارك الله فيك وجعلك عونا للضعفاء
بالنسبة لمالك السيارة المشكلة ليست بنيسان
المشكلة بيبان حالة العربية من كشوفات الصيانة السابقة
ربنا يوفقك ويبعد عنك كل مكروه وخليها على الله وإبعد عن جو التشاؤم
المفضلات