الموضوع: مشكلة بالفرامل وبعد زيارة التوكيل اتضح أن الموضوع أكبر بكتييييييييييير من تيل وبس

المشاركة الأصلية كتبت بواسطة eng_amrnabil

السلام عليكم أعضاء منتدى نيسان الكرام .. تحية طيبة وبعد..

كنت اشتريت سيارة نيسان صنى 2008 تقريبا من شهرين ولكن لظروف السفر المفاجيء لم اتمكن من استخدامها كثيرا ولكن تقريبا من أسبوعين ومع بداية استخدامها كنت باسمع صوت حكة عالي مع كل ضغطة على دواسة الفرامل .. اتصلت بمركز صيانة السبع بزهراء المعادي أمس الخميس وذهبت إليهم فى الساعة الرابعة عصرا واستقبلتني مهندسة رؤى وذكرت لها المشكلة وكذلك مشكلة فى صوت الطارة عند الدوران يمين أو يسار خصوصا فى الصباح .. مع العلم أن عداد السيارة سبعين الف كم فقالت لي أنهم سوف يقومون بالكشف على سبب المشكلة وعمل صيانة السبعين ألف بالكشف على الزيوت.. وسوف تتكلف 165 جنيه بالضريبة.

انتظرت تقريبا خمسة عشر دقيقة عقب استلام السيارة وبعدها اتصلت بيا المهندسة وبلغتني بأنه بعد الكشف على السيارة تم اكتشاف أن السيارة تحتاج الآتي:
تيل أمامي = 300 جنيه + طنابير أمامي = 1092 جنيه + مصنعيات 150 = 1550 جنيه
كاوتشات تراب مساعد امامي + مصنعية = 340 جنيه
كاوتشات تراب مساعد خلفي + مصنعية = 590 جنيه
قاعدة محرك أمامي + مصنعية = 344 جنيه
2 مقص أمامي + مصنعية = 1320 جنيه

بالاضافة إلى قطع أخرى غير أصلية ولكن يمكن تغييرها مع صيانة تمانين ألف:
بوجيهات + مصنعية = 100 جنيه
سيور + مصنعيات = 360 جنيه
فلتر هواء = 135 جنيه

وقبل الكشف على السيارة نصحتني بتغيير الزيت مع أني أخبرتها أني غيرت الزيت بنوع فالفولين 15000 كم من حوالي 2000 كم وكذلك فلتر الزيت.

طبعا لعدم استعدادي ماديا قبل الذهاب إلى المركز حيث كنت فى الشغل ثم إلى المركز مباشرة فلم أتمكن من دفع القطع وطلبت تحديد موعد آخر لعمل اللازم.. فقامت بالاتصال بالفنيين وابلغتهم بعمل حل مؤقت حتى أتمكن من السير بالسيارة حتى المنزل فى حلوان.

يا ريت حد يساعدني فى الآتي :
هل يوجد مركز صيانة لنيسان غير السبع أفضل من حيث كفاءة الخدمة وجودتها وأسعار قطع الغيار ؟
هل من الممكن شراء قطع الغيار هذه من خارج التوكيل (لو أصلية وأرخص) وتركيبها فى التوكيل؟
ما نصيحتكم لأولويات التنفيذ من البنود التي ذكرتها مهندسة المركز؟
ما رأيكم بالنسبة لموضوع الزيت وهل يحتاج لتغيير أم لا؟

شكرا لكم لمساعدتكم

عالفكره اعراض حضرتك مالهاش اي علاقه بالمساعدين ولا كاوتشه التراب ده اولا
ده ممكن يكون تيل سئ وده الأرجح فقط والزيت طبعا ماتغيروش لسه قدامه مش اقل من 7000 كم او 6000 على تغييره
هقولك حاجه انت تجيب تيل وعند اي حد كويس تغييره وبس وجرب لو الدنيا ظبطت يبقى تيل ماكنش يبقى تيل وطنابير بس ماستعجلش وشوف التيل الأول وقبل ماتغيير وتجيب تيل جديد برده فك القديم وصنفره وركبه تاني وشوف لو ظبط يبقى 100% تيل وقاعده المحرك بتبان بأنك تجيب اول وانت رافع الهاند بريك لو الماتور منفوق بيتحرك جامد يبقى قواع اما لو هزه بس العاديه يبقى القواعد سليمه 100%

وده فيديو بيوضح الكلام اللي بقوله بالنسبه للقواعد سليمه ولا لأ
http://www.youtube.com/watch?v=RVwZHn6ISr4

ثم حضرتك بتقول فيه قطع هتركبها غير اصليه زي:
البوجيهات
والسيور
الحجات ديه لازم اصلي البوجيهات لو مش اصلي هتلاقي العربيه بعد فتره بتنتش او عاوزه تبطل لأن سن البوجيه اتحرق والسيور ده لو سير مش اصلي اكيد في نص مدته او اقل هيتقطع وهايبهدلك الدنيا ده لو سير المجموعه الكبيره اما لو سير الماتور الأساسي الكاتينه فده لو اتقطع باي باي للماتور وتحتاج لعمره ماتور وبرده الماتور مش هيرجع لحالته ده احنا بنجيب اي حاجه مش اصلي يهون بس السيور والبلي لازم اصلييييييييييييي من الوكيل مش بره لأن لو جيبتها من بره 90% بتبقى درجه تانيه او مضروبه

المشاركة الأصلية كتبت بواسطة hmada9009_99

ثم حضرتك بتقول فيه قطع هتركبها غير اصليه زي:
البوجيهات
والسيور
الحجات ديه لازم اصلي البوجيهات لو مش اصلي هتلاقي العربيه بعد فتره بتنتش او عاوزه تبطل لأن سن البوجيه اتحرق والسيور ده لو سير مش اصلي اكيد في نص مدته او اقل هيتقطع وهايبهدلك الدنيا ده لو سير المجموعه الكبيره اما لو سير الماتور الأساسي الكاتينه فده لو اتقطع باي باي للماتور وتحتاج لعمره ماتور وبرده الماتور مش هيرجع لحالته ده احنا بنجيب اي حاجه مش اصلي يهون بس السيور والبلي لازم اصلييييييييييييي من الوكيل مش بره لأن لو جيبتها من بره 90% بتبقى درجه تانيه او مضروبه

شكرا لحضرتك على ردك السريع وتفاعلك
أولا بالنسبة للسيارة فهي أتوماتيك مش مانيوال فكيف اختبر قاعدة الموتور
ثانيا بالنسبة للطلبات الأخرى فهي فعلا ليست لها علاقة بالمشكلة الأاساسية ولكن ظهرت عند الكشف العام على السيارة
بالنسبة للبوجيهات والسيور فقد تم تركيبها من المالك الاسبق ولكن عند الكشف عليها اتضح انها غير اصلية

المشاركة الأصلية كتبت بواسطة eng_amrnabil

شكرا لحضرتك على ردك السريع وتفاعلك
أولا بالنسبة للسيارة فهي أتوماتيك مش مانيوال فكيف اختبر قاعدة الموتور
ثانيا بالنسبة للطلبات الأخرى فهي فعلا ليست لها علاقة بالمشكلة الأاساسية ولكن ظهرت عند الكشف العام على السيارة
بالنسبة للبوجيهات والسيور فقد تم تركيبها من المالك الاسبق ولكن عند الكشف عليها اتضح انها غير اصلية

ولاللهي لللأتوماتيك معرفش بس بيتهيألي ان تجيب d او d1 اللي هو1 في الفتيس علشان تطلع بعزم عالي علشان تشوف الماتور بيتحرك ولا لأ بس
اما سيور نصيحه متستناش عليها كتير هتكلفك في تغيرها بس مهمه و اساسيه

شكرا للأستاذ / حمادة على رده وفى انتظار رد باقي الصقور

حضرتك هات كاوتشات التراب من برة الاربعة مش فى حدود 70-80 وتركيبهم 80 جم فقط عند أى عفشجة يكون كويس انا لسة مركبهم من كام شهر ودول برضوا ملهمش علاقة بالتيل والتابيير وأضم صوتى للاخ hmada9009_99 هات تيل من بردة اليبانى فى حدود 180 جم والكورى 55-80 جم على حسب وجرب وتركيبهم 25 جم أضبطط الدنيا خير مكنش هات طنابير اصلية من التوكيل أفضل

متابع