المقارنة بين الانسر 1600 و التويوتا 1600

**Dr Ahmed** · 01-07-2007 02:14 AM

الكرولا لا أوسع ولا أجمد ولا معمرة عن الانسر

أبعادهم تقريبا زى بعض بالظبط بخصوص الطول والعرض ومساحة الشنطة تبقى الكرولا أوسع ازاى؟؟؟ ولو أوسع أضمن لك ان الفرق لن يتعدى 3 سم يعنى سمك بلوفر شتوى، وبالنسبة لأجمد يعنى إيه أجمد؟؟؟؟ الكرولا من الحاجات اللى بتتطبق على نفسها علشان تحمى سائقها زى ما بيقولو.. لانسر بتحمى نفسها وتحمى سائقها... ، فيه عمود حديد ورا الاكصدام بيوفر حماية اضافية للكبوت والكابينة غير موجود فى كرولا ، وصاج كرولا أقدر أفعصه بالإبهام ولانسر لأ....
ومن ناحية معمرة ياترى عمر كل واحدة الإفتراضى كام؟؟ حد يعرف؟ انا ماعرفش وماظنش حد هيقول أى فرق يذكر...

يبقى الكلام دا فيه ظلم للانسر ومجد لكرولا لا تستحقه..
قول عليها موتورها أنعم ماشى، قول عفشتها أنعم ماشى ، قول برستيج ماشى ، وان كانت فروق بسيطة.. انما أجمد وأوسع و أطول عمرا فلا والف لا..

**معاذ الشرباصى** · 01-07-2007 03:44 AM

على فكرة الأيرباجز فى مصر بتفتح عادى

انا يا فهد بتكلم على التويوتا و كذا ماركو

لكن انا شفتها فتحت فى الاوكتافيا, 307, مرسيدس و بى ام طبعا, كريسلر, فولكس

لكن عمرى ما شفتها فى تويوتا او عربية اسيوى عموما, و الموضوع ده كان شادد انتباهى فترة, و فعلا شفت حوادث جامدة لعربيات زى تويوتا و لانسر و الايرباج لم يفتح.

انا مرة شفت بيجو 307 عاملة حادثة كانت جامدة شوية على البحر فى الأسكندرية و كان ال Curtain airbags فاتحين و انا بصراحة مش عارف البيجو الى بتنزل هنا فيها Curtain airbags ولا كان جيبها من برة حد ياريت يقولى البيجو بتاعت مصر ال 307 Xt فيها Curtain airbags ولا لأ و كمان كانو الأتنين القدمانيين فاتحيب و كانت الخبطة من الجمب و من الأمام

ال 307 فيها 6 ايرباج

الأيرباج الأمامى بيفتح لما الخبطة تكون قدام و مش اى خبطة يفتح

لازم تكون خبطة جامدة فا مثلا لو كانت الخبطة من الجمب حتلاقى الأيرباجز الجانبية بس هية الى فتحت و ممكن تلاحظ الكلام دة فى اختبارات الحوادث

يبقى انا المعلومة دى عندى كانت غلط, بس لازلت على رأى ان الخبطة الامامية او الخلفية المفروض تفتح الايرباج للسائق و الراكب الامامى, لأن الاتنين معرضيين لخطر الاصطدام بالتابلوه و الدركسيون, صح و لا لأ؟

**د.أحمد سمير** · 01-07-2007 04:52 AM

طيب إيه رأيكم لو الإيرباج كان هو السبب في الحادثة . لي أحد أصدقائي عنده سيارة كورولا 1600 الإيرباج فتح لوحده في وشه ، وهو يقسم أنه حتى لم يكن على مطب ولكنها كانت عملية مفاجئة جداً ، وكان السبب إنه لبس في رصيف وخبط عربيتين ، والعربية اتبهدلت .

**hazem_khidr** · 01-07-2007 07:00 AM

لكن عمرى ما شفتها فى تويوتا او عربية اسيوى عموما, و الموضوع ده كان شادد انتباهى فترة, و فعلا شفت حوادث جامدة لعربيات زى تويوتا و لانسر و الايرباج لم يفتح

الاير باجز في الياباني بيبقي الحساس بتاعها تحت الاكصدام الامامي و دي شوفتها في النيسان ساني يعني لا قدر الله لو نزلت تحت ربيه مقطوره كمان مش حتفتح !!! الله اعلم في الماركات الباقيه عامل ازاي

**tamohsen** · 01-07-2007 04:17 PM

لأن فى حادثة من سنتين حصلت فى المعادى, فى شارع الجزائر بنفس العربية و اللون ده, و الايرباج مفتحش, ده غير ان واحد مات و السواق اتبهدل

الحادثه دي حسب اللي اتقلي عنها أن العربيه دخلت تحت مقطوره ووشها فضل سليم علشان كده الايرباج مفتحتش
وحتي لو كانت فتحت للأسف ماكنتش هاتفرق حاجه
بس أنا مش متأكد لأني مشفتهاش بنفسي

**Karim_Monir** · 01-07-2007 04:29 PM

المشاركة الأصلية كتبت بواسطة Dr Ahmed

الكرولا لا أوسع ولا أجمد ولا معمرة عن الانسر

أبعادهم تقريبا زى بعض بالظبط بخصوص الطول والعرض ومساحة الشنطة تبقى الكرولا أوسع ازاى؟؟؟ ولو أوسع أضمن لك ان الفرق لن يتعدى 3 سم يعنى سمك بلوفر شتوى، وبالنسبة لأجمد يعنى إيه أجمد؟؟؟؟ الكرولا من الحاجات اللى بتتطبق على نفسها علشان تحمى سائقها زى ما بيقولو.. لانسر بتحمى نفسها وتحمى سائقها... ، فيه عمود حديد ورا الاكصدام بيوفر حماية اضافية للكبوت والكابينة غير موجود فى كرولا ، وصاج كرولا أقدر أفعصه بالإبهام ولانسر لأ....
ومن ناحية معمرة ياترى عمر كل واحدة الإفتراضى كام؟؟ حد يعرف؟ انا ماعرفش وماظنش حد هيقول أى فرق يذكر...

يبقى الكلام دا فيه ظلم للانسر ومجد لكرولا لا تستحقه..
قول عليها موتورها أنعم ماشى، قول عفشتها أنعم ماشى ، قول برستيج ماشى ، وان كانت فروق بسيطة.. انما أجمد وأوسع و أطول عمرا فلا والف لا..

يا دكتور احمد بس من غير تحيز
الكرولا صالونها اوسع من لانسر وعن تجربة قيادة ومتاكد قوي من كلامي
الشنطة ممكن تكون هيا هيا لكن مرتفعة بما يكفي تاخد شنط عالية
بس وسع الكنبة الخلفية ما تتخيلهوش مش زي الانسر فعلا
عما عن العمر الافتراضي مش هاقولك غير قارن بين
لانسر 95 وكرولا 95
شوف حالتهم وشوف دي بيكام ودي بيكام
شوف لانسر 99 وكرولا 99
شوف لانسر 2003 وكرولا 2003
بعد كدة احكم بنفسك
كلامي مش عشان معايا كرولا
كلامي دع بقولوة من زمان
وان كان هناك خطأ في تسعير تويوتا بما لا يقل عن 15 الف جنية
بس الشعب المصري هو اللي خلي التوكيل يعمل كدة

**Hossam Mounir** · 01-07-2007 05:49 PM

من غير ما حد يزعل من حد ... عملتلكوا حاجة كدة عمولة علشان خاطر عيون الجميع ...

مقارنة ال Dimension فى الكورولا والانسر وكمان الالنترا 2007 علشان ما حدش يقول ما حطيتش عربيتك ليه ...

أساس المقارنة هو الكتالوجات بتاعة الثلاثة ... وهأعتمد فيها على المقاسات الخاصة بتحديد أتساع الصالون وهما :

1- العرض من سنتر الكاوتش اليمين إلى سنتر الكاوتش الشمال ...
الكورولا 1480mm ... الانسر 1470mm ... الالنترا 1543mm

2- طول قاعدة العجلات :
الكورولا 2600mm ... الانسر 2600mm ... الالنترا 2650mm

3- وبالنسبة للشنطة وأتساعها بيفرق فيه العرض و الطول الإجمالي للعربية اللي هو ...
الكورولا 4410mm ... الانسر 4535mm ... الالنترا 4505mm

وكل واحد يستنتج ... بقى اللي هوه عايزة ... ومرفق ملف من إنتاجي به كل الابعاد الخاصة بالثلاث سيارات ...

هذه المشاركة أهداء إلى واحد حبيبي ... هو عارف نفسه ...

تحياتي للجميع ...

م / حسام منير

**3mr Farrag** · 01-07-2007 06:16 PM

انا مش معاك خالص يا دكتور احمد...بأن اللانسر صاجها اجمد من الكورولا.....مع احترامي لحضرتك الكلام ده غلط لأن مع والدي كورولا 2002 و مع صاحبي لانسر 98 ....و اللي انا شايفه ان الانسر صاجها ضعيف جدا و تلاقي الكبوت في عربيات لانسر كيتير متعوج ...و عملت انا و صاحبي حادثه بالانسر و استغربت جدا لن لقيت الكبوت عامل ذي الورقه و داخل في بعضه بطريق غريبه....
اما الكورولا انا مره عربيه شاهين لبس فيه من واره ...كل اللي حصل عندي الرفرف دخل جوه شويه و الفانوس اتكسر اما الشاهين لقتها متقاربه في الخسائر ..مع انها المفروض اجمد...
و علي فكره الكورولا بجد اوسع من اللانسر بفرق...يعني بنوعد 4 كبار ورا و بجد بتكون عادي...اما الانسر فبنكون شبه فوق بعضنا

**Kisho** · 01-07-2007 11:49 PM

يا جماعه مافيش خلاف على ان الكورولا عربيه كويسه جدا بس برضه مشكلتها انها مش STABLE
4 اصحايى كانوا راكبينها مع بعض و ماشيين بها 120 كم على محور المنيب و كانوا ماشيين طوالى ولا فى ملف و لا غيره
و بدون سابق انذار هووووب مطب هواء العربيه طارت بيهم و نزلت مقلوبه على جنبها
بس الحمد الله كلها كدمات و اصابات مش خطيره و ربنا ستر

و شكرا

الموضوع: المقارنة بين الانسر 1600 و التويوتا 1600

LinkBack

أدوات الموضوع

عرض

-

-

-

-

-

المواضيع المتشابهه

ارجو المقارنة بين شاهين 1600 و فيرنا 1600

الفرق بين 1600 و1300 فى التويوتا

المقارنة بين الانسر 1600 نيسان 1600

ارجو المقارنة بين دايهاتسو تيروس 2 و سوزوكي فيتارا 1600

الكلمات الدلالية لهذا الموضوع

المفضلات

المفضلات

ضوابط المشاركة