المقارنة بين الانسر 1600 و التويوتا 1600

**Dr Ahmed** · 02-07-2007 12:03 AM

ياجماعة احنا بنقارن وبنتناقش وكلنا بنستفيد ، أنا غير متحيز إلى أى سيارة و أقول عيوب سيارتى قبل غيرها بدون أى مشاكل ..
بخصوص الاتساع هيكون فيه فرصة حقيقية للمقارنة يوم المقابلة بإذن الله ، وبخصوص متانة الصاج لا يمكن مقارنة خبطة من الأمام بخبطة من الخلف ومهما قلنا غالبا الفروقات فى الصاج هتكون بسيطة.

الكرولا سيارة جميلة وتستحق الإعجاب إجمالا وتفصيلا ، كل اعتراضى كان على بعض الملاحظات التى لم أقتنع بها عن الانسر وفى الآخر السيارتين زى الفل ...

**Nile Heart** · 02-07-2007 11:44 AM

عل الرغم انى معايا كورولا ومقتنع عموما بالتويوتا الف مره عن النيسان والميتسوبيشى

الا اننى مضطر ان أقول ان فرق السعر فى ال1600 يرجح كفة الانسر بلا نقاش!

دول 28 الف جنيه فرق ياجماعه!! يعتى تجدد نصف عفش بيتك من افخم محل!!

**Karim_Monir** · 02-07-2007 12:14 PM

تسلم يا حسام علي المقارنة الجميلة دي
بس انت عارف ان مصصمين العربيات ليهم لعب تاني
زي ارتفاع الكنبة ونوعية التنجيد وحاجات كدة بتحسسنا بفرق الوسع
وانا مهندس وعارف اللعب ده كويس
مبروك علي الالبين هو حراق شوية بس تجيبة وتنساه فعلا
وماقولتش عملت ايه في الفرش

**amrnader** · 03-07-2007 12:04 AM

انا على حسب ما انا فاكر ان فى 2004 قبل ما الجمارك تنزل كانت اللانسر و الكورولا بنفس السعر و كان فى حدود ال 115 الف، انا الحكاية دية فاكرها لأن عمتى اشترت وقتها و كانوا الاتنين بنفس السعر و كانت محتارة بينهم بس معجبهاش منظر الكورولا، فوانيسها واخدة الكبوت كله، و جابت اللانسر، لو حد عنده تصحيح يقوله، لأن ده معناه ان فرق السعر هو استهبال من التوكيل لا غير، وعلى فكرة كمان لو حد فاكر، وقتها كانت الكورولا زى ال 128، وكانت اللانسر وجودها ضعيف لكن دلوقتى الوضع اتعكس و الناس بقت بتقول برستيج :lol:

اما بقى عن موضوع الصاج، العربيتين ميجوش حاجة جنب القديم، لكن فعلا الصاج بتاع الكورولا اضعف، جرب روح دوس على الرفرف الخلفى، ضعيف جدا، مش عارف ده صاج و لا بلاستيك زى الكليو لكن بيستجيب لأيدى زى الفل، بالنسبة للعفشة فأنا اعترف ان الانسر عفشتها ناشفة و طبعا ده اللى يقولك عليه Trade-off بين الراحة و الثبات. موضوع الوسع مقدرش افتى فيه اوى لأنى لما ركبت الكورولا كنت لوحدى فى الكنبة، لكن معتقدش ان فى فرق يذكر فى الوسع، هى اكتر حاجة بتدى ايحاء بالوسع هى قاعدة العجلات و ارتفاع السقف، قاعدة العجلات واحدة 2600mm ودية بتخلى اللى راكب ورا ميلزقش ركبته فى الكرسى الامامى، بالنسبة للأرتفاع، طبعا الكورولا ارتفاعها اكبر و ده اكيد السبب اللى مدى ايحاء بالوسع، انما بقى عرض العربية ده ميفرقش ببصله، الا اذا قارنتهم بعرية كبيرة زى مرسيديس s ولا حاجة، لكن غير كدة كله بيتأرجح حوالين ال 1700mm.

**أبو عبدالله** · 03-07-2007 11:45 AM

انما أجمد وأوسع و أطول عمرا فلا والف لا..

أختلف معاك يا أستاذ أحمد تماما
والموضوع مش مسالة لا والف لا
ولكن انا جربت الاتنين وكان معايا كورولا 2001 الشكل الجديد
الكورولا اوسع بكتير بالزات من الخلف وانا مش عارف انت شوفت الاتنين ولا لأ
الكورولا معمره وده شئ معروف عند الناس كلها ولا يختلف عليه اتنين
الكورولا ممكن تكون مش أجمد قوي ولكن من حيث الصاج والدهان الكورولا تكسب لأني انا شوفت العربيتين عند السمكرية وشوفت صاجهم وعضمهم والكورولا تكسب حضرتك لو شوفت اللانسر وهيا عمله حادثه لقدر الله هتلاقيها متبهدلة خالص مش زي الكورولا ....... واحن مش معنى ان احنا بنقول أجمد يبقى زي العربيات القديمه يعني ........... لأ طبعا فالجديد كله كده علشان خفت الوزن