الموضوع: يا جمـــاعة بيجو 308 ولا كورولا 2008 انا بجد محتارة

مش فاهم أنا بتكلم على مبيعات رينو فى الدول العربية مالها و مال أخبار السيارات

شوف مبيعات رينو في العالم كله كام من كلامهم

أبو عبدالله أنا كان معايا قبا الميجان لانسر 98 و عملت معايا 160 الف و عارف انا بقول إيه تم تغيير الأتى فيها :
1- زيوت فلاتر كل 10 الاف فى التوكيل
2- تيل فرامل تقريبا كل 20 أو 30 الف فى التوكيل برضه
3- سيور السيارة بالكامل عن 100 الف كم
4- تيش دريكسون مرة عند 40 الف و مرة أخرة عند 100 الف كم .
5- علبة دريكسون عند 120 الف كم بعد ما زهقت من تيش الدريكسيون
6- المساعدين الامامين عند 120 الف كم

كل دا من صيانة دائمة فى التوكيل و كل دا حاجات أصلية من التوكيل و كنت بحافظ على العربية جدا

حلو قوي

اولا سيور العربيه تفرق يعني مثلا الكورولا مش بتغير سير الكاتينة لأنه جنزير ده مبلغ وقدره اهه
- تيش دركسيون عمره ما يتغير في الكورولا في الوقت ده
-علبة دركسيون كذلك ده لو اتغيرت اصلا في 300 الف كم
-المساعدين برضه مع ان انا متاكد ان استخدامك مش هرس يعني

انا بقه معايا كورولا اتهرست وركبها طوب الأرض وكانت شغاله في مصنع وبتلف الجمهورية وعملت اكتر من 300 الف ومغيرتشي الحاجات دي خالص

وهو ده الفرق اللي احجنا بنتكلم فيه

ليه يا باشا دى مقارنة صحيحة لغن اليابانى لما بدا ينزل تكنولوجيا نزلها فى الموديلات الجديدة لكن الميجان الجديدة حيكون فيها تنكنولوجى أعلى من إللى موجودة فى الكرولا الحالية كالعادة و بالتالى حتمون المقارنة ظالمة

لا مش مقارنة صحيحه لأن اي عربيه الموديل لما بيبقى بقاله فتره كبيره اسعار قطع غياره بتنزل مش بتطلع او بتبقى زي ما نلزت اول مره

والعكس لما العربيه بتبقى جديده اسعار قطع غيارها بتبقى عاليه عن الطبيعي وبعدين تنزل

ده غير ان قطع غيار تويوتا بتطلع من اكبر مصنعي قطع الغيار في العالم مثل دينسو

أديك قلت للبودى فقط مش قطع غيار لكن معروف جدا إن معظم ملاك اليابانى بيتجهوا للتايوانى و دى حقيقة و معروفة و دا إللى مخلى أسعار قطع غيار اليابانى و صيانته رخيصة نوعا ما و خلاص الجديد كله حيبقى لازم تروح التوكيل يعنى مش حيبقى فيه تايوناى خلاص و كلاه بعد كده حبحس بغلو أسعار صيانة و قطع الغيار فى توكيلات اليابانى

ده اللي انا اعرفه بس

اما مسألة ان كله هيتوجه للتوكيل
فده من سابع المستحيلات
يا احمد الكورولا والانسر مثلا اللي اتباعوا في مصر لو كلهم الزموا علشان يروحوا التوكيل عمر ما التوكيل هيستوعب عددهم

وبعدين انت بتتكلم في عربيات عامه يعني قطع غيارها لازم هتبقى بره وليس من مصلحة الوكيل انه يبقى محتكر الموضوع عنده لنه هيأثر على سوق العربيه بتاعته

والمحلات اللي بره دي بقه تقفل

المسالة مش زي ما انت متخيل يعني خالص
في عربيات ماركه مسجله في السوق وقطع غيارها لازم تبقى في كل حته

راجع مداخلتى فى الموضوع و حتعرف إنى جربت اليابانى من لمدة 7 سنوات و عارف بقول أنا بقول بعد سواقة الميجان
وعلى تقييم لسبعاوى لمشكلة اللانسر مجرد تخمين و ليس نهائى

كلام سبعاوي انا بأؤكده لك وهو ليس تخمين ولكن ده الاحتمال الأكبر
وانا معه لأني مجرب الموضوع ده في النوبيرا برضه

وعمر ما حد يقدر يحدد السخونية اللي هو حاسسها دي منين او ببساطة على الأقل عمره ما يقدر يأكد انها من الفتيس لأن ببساطة الفتيس ليس مكانه تحت العصاية وانما بجوار الماتور وبعيد عن الراكب تماما

فمين اللي يقدر يأكد انها من الفتيس لوحده وليست حرارة الفرن بتاع الشكمان

أبو عبدالله ياريت تطلع الرينو من مكلامك عن الفرنساوى لإنها خارج كل إللى بتقول عليه ملاكها مبسوطين منها و أنت عارف كده

هطلع رينو ماشي من الكلام بس علشان خاطرك مش علشان العربيه

واوعدك اني لما افكر اشتري عربيه كمان ابقى اشتري ياباني ومش فرنساوي برضه

المشاركة الأصلية كتبت بواسطة tote_ide

أنا عاوز أفهم حاجة واحدة سألت سؤال
بتجاوبوا عليها بخناقة وكلام طويل عريض ولا هيفيدها ولا هينفعها
فيه ايه يا جماعة؟؟؟؟
وبعدين هيا سألت عن الكورلا وال 308مجيتش سيرة الميجان

maroooooooo haty dmx 2 kabena gamda gedan,,akeeed bahzar

يا عم خناقة ايه بس افتكرلنا حاجه حلوه يا اخي
انت داخل تهدي النفوس بس ولا ايه

احمد اخويا وانا بحب اناكشه وهو بيحب يناكشني
ايه مشكلتك بس
وبعدين كله بيصب في مصلحة السائل

بس انت بس اطلع بالدبل كابينة بتاعتك دي وهيا هتمشي كويس

ومتبقاش تركب حد في الصندوق اصله مخالف

وشطبنا خلاص

شركة رينو رقم 4 على العالم من حيث المبيعات

جبت الرقم ده منين يا احمد بس
وبعدين ده اتوبيسات ونقل ولا ملاكي

مش بتنزل قوى زى ما إنت متخيل يا أبو عبدالله لكن مثلا أسعار الصيانات الدورية بتبقى ثابتة ما بتتغيرش بالعكس بتزيد بتغير اسعار الصرف و الزيوت و مافيش عمر توكيل نزل أسعار صيانته الدورية بالعكس تقريبا فى زيادة كل سنة

و مازلت شايف إنها مقارنة سليمة طالما اليابانى بيتأخر فى نزول التكنولوجى فى العربيات

لا بتنزل وشوف فواتيرك وانت تعرف

يبقى إزاى حضرتك و سبعاوى عرفته هى منين ؟؟ !!!!
يا أبو عبدالله كلامك معناه برضه إنه تخمين ليس تأكيد

يا اعم الحاج مش تخمين ولا حاجه ابقى بس افتح الكابوت بتاع العربيه وشوف الجير بوكس فين مكانه وقولي انت بقه ازاي تعرف ان الحرارة اللي انت بتحسها داخل العربيه جايه من الجير بوكس وليست من الفرن بتاع الشكمان

ابقى شوف وقولي انت التأكيد

وانا مش بخمن على فكره لأن انا اتحدى ان احد يركب عربيه اتوماتيك جر امامي ويقولي ان حاسس بحرارة الفتيس دي

الفكره ان الحرارة لو العزل مش مظبوط في مكانه بتيجي من الفرن بتاع الشكمان لداخل الكابينه عن طريق مدخل عصاية الفتيس مش اكتر
يعني مش محتاجه تخمين

لأ مش علشان خاطرى يا باشا علشان مافيهاش عيوب و دا من كلام ملاكها إللى معجبين بيها ب

و انا كمان أوعدك إنى عربيتى الجاية عمرها ما تبيقى دايهاتسو لحد ما التوكيل يوفر قطع الغيار و يفتح مراكز صيانة محترمة و يعرف يحل عيوب العربية بأسرع وقت :laugh::laugh::laugh:

لأ علشان مصاريفها العاليه وقصر عمرها الأفتراضي وهيا متذيلة قائمة الجي دي باور كل سنه في كل حته في العالم

الثلاثة ورا بعض بيجو رينو سيتروين
كل سنه

اما عن دايهاتسو فهيا عربيات كومباكت يعني لأستخدام معين ومحدود
ولذلك لما افكر اشتري عربيه تانيه اكيد مفيش في دايهاتسو اكبر من كده لأنها متخصصة في كده بس

وربنا يهدي التوكيل علشان متزعلشي وتشتري انت بس

للعلم فقط
تيل اللانسر 2005 ب 300 جنيه من غير الضريبة والمصنعية فى التوكيل ( من موضوع مثبت فى قسم ميتسوبيشى بالمنتدى )
تيل الهوندا سيفيك 2007 ب 380 جم و مش مذكور بالضريبة والمصنعية ولا لأ ( برضه من موضوع مثبت فى قسم هوندا بالمنتدى )
تيل الميجان 2005 الى 2009 ب 340 بالضريبة والمصنعية ( برضه من موضوع مثبت فى قسم رينو بالمنتدى )


سعر فلتر بنزين اللانسر 2005 فى التوكيل ب 350 جم
http://www.nilemotors.net/Nile/showt...?t=1241&page=2

سعر فلتر بنزين الميجان 60 جم فى التوكيل

صيانة ال 20000 للميجان ب 750 جم بينما فى الكورولا 2005 من 700 الى 900 حسب اللينك اللى فات برضه

يا احمد ما انا قولت شوف الفلاتر عندك دي اهميتها اد ايه في العربيه وبتتغير كل اد ايه في العربيه

يعني بمعنى اصح ايه تاني في دورة البنزين بيتغير وبكام وكل اد ايه

انا قريبي لسه مغير طرمبة البنزين على 120 الف
انا مشوفتش الكلام ده في الكورولا ابدا

فأعذرني كل قطعه غيار لها عمر واداء معين
ممكن تكون مهمشه على حساب قطعه اخري

زي فلاتر الهواء ممكن تلاقيها عندك رخيصه ولكن بتتغير كل 20 الف مثلا
وممكن يكون تنقيتها اقل من الأغلى

يعني المقصد ان في عوامل كتير مؤثرة

وفي النهاية الحاسم في الأخر

انت بعد 200 الف كيلو هتدفع كام وغيرت ايه
والكورولا مثلا هتدفعلها كام وغيرت اد ايه

هو ده المقياس الفعلي الصح