أستاذى العزيز
أولاً الكلام اللى قلته قبل كده مكنتش أقصد بيه حضرتك فأعذرنى لو حضرتك أفتكرت أنى أقصدك
المهم
أنا شكرت فى شكل ال308 مش فى العربية نفسها و مش معنى أن شكل العربية عاجبنى أن العربية دة حلوة........ ولا أيه ؟
و بعدين أيه التكنولوجيا الزايدة فى الميجان مثلاً عن الكورولا الجديدة ؟
ِالكارت , الستبترونيك, الأير باجز ولا ال ABS ؟
كل ده موجود فى كل العربيات الجديدة ما عادا الكورى والصينى بيفتقدوا بعض الحاجات دى
التكنولوجيا دى نزلت دلوقتى فى كل العربيات الجديدة الغالية
الميجان بس كان ليها السبق فى أنها تنزلها قبل ماركات كتير تانية ودى حاجة تحسب لها مش تحسب عليها.
وعموماً ممكن التكنولوجيا تكون مفيدة جداً فى حالات معينة......يا ريت تراجع اللينك ده
http://www.nilemotors.net/Nile/showp...65&postcount=1
معظم الشركات اللى بتنزل موديلات جديدة وارد جداً أن يكتشفوا فيها عيوب و أذكر منهم
1- BMW 318 مو 99 ومشكلة الفتيس الشهيرة
2- البيتلز الجديدة ومشكلة ضفيرة الكهرباء واللى بسببها تم سحب عدد كبير من الموديل ده بعد بيعهم
3- المرسيدس ال A150 وبرضه كان فيها مشكلة مش فاكرها و برضه بسببها تم سحب عدد كبير من الموديل ده بعد بيعهم
ودول على سبيا المثال لا الحصر وكلهم شركات ألمانية محترمة جداً
وبعدين لما يكون فى واحد عنده مشكلة فى عربية و ييجى يقولها ده مش معناه أن العربية وحشة
يعنى مثلاً فى هنا زميل كان عنده مشكلة فى نيسان صنى و زميل تانى كان عنده مشكله فى فورد فوكاس دول طبعاً غير المشاكل اللى اتقالت عن رينو وبيجو غيره وغيره وغيره فهل ده معناه أن كل الشركات دى وحشة؟
القياس بيكون الموديل ده أتباع منه أد أيه و كام منهم فيهم نفس المشكلة
موضوع المشترى المصرى بيدور على أيه ده مش مقياس لأن المشترى فى مصر بيدور على العربية اللى يشتريها وتقعد معاه 50 سنة ويا ريت ميبوظش فيها حاجة خلال الفترة دى ويا ريت كمان لو ميحطش فيها بنزين لكن الموضوع ده بره مختلف تماماً بس برضه متطلبات المشترى المصرى متعيبش عربية معينة..........ده موضوع وده موضوع.
فكرة أن الفرنساوى ملهوش سوق فى السوق الشرق أوسطى دى مش صحيحة تماماً لأن كل دول المغرب العربى منتشر فيها الفرنساوى بشكل كبير....يمكن عشان كانوا أحتلال فرنسى؟ جايز بس لو مكنتش عربيات كويسة مكنوش جابوها برضه
وكمان الأستاذ سبعاوى فى مقالته عن العربيات فى سوريا قال أن الرينو اللوجان منتشرة هناك بس تحت أسم داتشيا.
لكن قى الخليج الأمر مختلف تماماً لأن المشترى هناك أول حاجة بيدور عليها تكييف قوى جداً ولذلك أول حاجة بيروحلها بيكون اليابانى لأن مفيش أختلاف أنه أقوى تكييف ولذلك هتلاقى نسبة مبيعات الأوروبى عموماً قليلة حتى الألمانى
بالنسبة لموضوع الثبات: أنا أولوياتى فى العربية اللى بيجبها بيكون الثبات يمكن فى ناس كتير مش زيي بس أنا مبحسش أنى مستريح فى عربية و أنا حاسس أنها مش ماسكة نفسها على الأرض
و الثبات بالنسبالى مهم عشان أنا كل يوم على الطريق الدائرى وفى العادى بمشى من 100 الى 150 ولما بكون مسافر العادى بتاعى بيبقى 140 و أنت طالع
و ممكن حضرتك تسأل زميل لينا هنا كان معاه ميجان 2005 وشاء ربنا أنه يعمل حادثة جامدة وكان معاد 3 غيره فى العربية والميجان أتدمرت تماماً وبعد لما خرج هو والناس اللى معاه سُلام بفضل الله وقرر انه يشترى عربية جاب ميجان 2007 مع علمه التام بسعر أعادة البيع ....... تفتكر ليه ؟؟؟
عشان عامل الأمان اللى عادةً موجود فى الأوروبى أكتر شوية من اليابانى
بالمناسبة هو أسمه رامى طنطاوى عشان لو حضرتك تحب تسأله
و أخيراً يا استاذى العزيز لو حضرتك عندك متسع من الوقت ممكن تراجع سلسلة المقالات اللى كاتبها زميلنا فرحات وأسمها " أسباب ســوء سمعة الميــجان II "
وهتلاقيها فى اللينك التالى
المفضلات