يعني أيه راحة بال !!!!!!

**friendship7897** · 26-12-2012 10:41 AM

المشاركة الأصلية كتبت بواسطة SHNORY

جوزك يتجوز عليكي واحده تانيه تبقي قاعده في البيت
----------------------------------------------------------
طريقك مسدود مسدود مسدود يا ابنتي

ياخسارة لاغيتوا الديس لايك
البوست الوحيد اللي جاب لي إكتئاب زيادة

والبوست الوحيد اللي علقت عليه

روح يا شيخ ربنا يرزقك بزوجتين مش واحدة والإتنين يكونوا بيشتغلوا

**zrzr1** · 26-12-2012 11:11 AM

علشان تطلعي من مود الكئابه دا وتحسي بالسعاده طبقي المثل بتاع (ساعه لقلبك وساعه لربك)
وعلي فكره شغل بيتك واولادك وزوجك يعتبروا من ضمن الساعه لربك..ربنا يفرج عن كل مهموم ويوفقك

**Moe Ahmad** · 26-12-2012 12:44 PM

متخليش الحياة تسرقك بالشكل ده ومفيش كلام يتقال بعد اللى الناس هنا قالوه انتى بس محتاجة شوية تنظيم فى حياتك
انتى ممكن تعتمدى على الاكل الجاهز مرتين فى الاسبوع و تنضيف الشقة يكون تلميع سريع يوم الجمعة او اوضة كل يوم بسرعة وكل اخر شهر هاتى واحده تقلبلك الشقة
لازم ابنك يلعب اى رياضة هيفرق معاكى و معاه و ممكن تستغلى الوقت الى بيتمرن فيه انك تتمشى شوية و انتى كمان كده هتعملى رياضة و ده هيخرج الطاقة السلبية و هيعدل مزاجك

**friendship7897** · 26-12-2012 01:01 PM

المشاركة الأصلية كتبت بواسطة Moe Ahmad

متخليش الحياة تسرقك بالشكل ده ومفيش كلام يتقال بعد اللى الناس هنا قالوه انتى بس محتاجة شوية تنظيم فى حياتك
انتى ممكن تعتمدى على الاكل الجاهز مرتين فى الاسبوع و تنضيف الشقة يكون تلميع سريع يوم الجمعة او اوضة كل يوم بسرعة وكل اخر شهر هاتى واحده تقلبلك الشقة
لازم ابنك يلعب اى رياضة هيفرق معاكى و معاه و ممكن تستغلى الوقت الى بيتمرن فيه انك تتمشى شوية و انتى كمان كده هتعملى رياضة و ده هيخرج الطاقة السلبية و هيعدل مزاجك

أنا فعلاً بشتري يومين سمك مشوي جاهز وجمبري طاجن ( مش في حبي للسمك - لأ هروب من المطبخ

)
ومقتنعة جداً باللي قولته عن موضوع رياضة أبني
بس المشكلة إن التمرينات في النادي ( سباحة / كرة قدم / كارتية / كونغوفو ) كل مواعيد التدريبات آخرها الساعة 6 علشان بعد 6 تمارين البطولات .
وعملت له برايفت في السباحة بعد 7 والحمد لله أتعلم شوية الصيف اللي فات
وبحاول دلوقتي في البرايفت مع واحد أو أتنين بعد الساعة 7 في الكراتية أو الكونغوفو ، لكن طبعاً كرة القدم مينفعش برافيت

( هيلعب لوحدة - هههههه )

**Moe Ahmad** · 26-12-2012 02:11 PM

المشاركة الأصلية كتبت بواسطة friendship7897

أنا فعلاً بشتري يومين سمك مشوي جاهز وجمبري طاجن ( مش في حبي للسمك - لأ هروب من المطبخ

)
ومقتنعة جداً باللي قولته عن موضوع رياضة أبني
بس المشكلة إن التمرينات في النادي ( سباحة / كرة قدم / كارتية / كونغوفو ) كل مواعيد التدريبات آخرها الساعة 6 علشان بعد 6 تمارين البطولات .
وعملت له برايفت في السباحة بعد 7 والحمد لله أتعلم شوية الصيف اللي فات
وبحاول دلوقتي في البرايفت مع واحد أو أتنين بعد الساعة 7 في الكراتية أو الكونغوفو ، لكن طبعاً كرة القدم مينفعش برافيت

( هيلعب لوحدة - هههههه )

ان شاء الله يتمرن مع بتوع البطولات و ترتاحى من البرايفت بس صح كده اللى بتعملية و خليه يكمل سباحة و يا ستى لو على لعب الكورة احنا نعمله فريق من هنا ميرضناش بردة انه يلعب لوحده

**Ghosts** · 26-12-2012 06:23 PM

يعني أيه راحة بال !!!!!!
سؤال جميل أوى يا Friendship و الكلام اللى كتباة 99% من الستات المتجوزة حاسين بية و بيعانوا منة ....

راحة البال هى الحاجة اللى مش ممكن تحسى بيها طول ما أنتى عايشة ....
من الأخر كدة محدش مرتاح ....

كلامك على فكرة بيضايق بنات كتييييييييييييييييييير أوى فاتهم قطر الجواز وبيتمنوا أنهم يحسوا بالضغط والتوتر اللى أنتى حاسة بية و لو حتى يوم وااااااااااحد ....

يعنى المش متجوزة مكتئبة و المتجوزة مخنوقة وعصبية علطول من الولاد و جوزها و أهلة وأهلها و الشغل والمواصلات والعيش و العيشة واللى عايشينها ... طب نعمل أأأأأأأأأأأأأية؟؟!!

أية اللى ممكن نعملة عشان نبسطكم و نرضيكم؟؟!!
و عايز أقولك أن الراجل بردوة بيحس بنفس اللى بتحسى بية ....

يفضل الشاب من دول يشقى ويتعب و يتمرمط و يحرم نفسة من كل حاجة عشان يحوش ويتجوز و بعد الجواز يلعن اليوم اللى أتجوز فية من كتر الضغوط اللى علية و بيبقى أدامة حاجة من أتنين يا أما يستحمل و يكمل يا أما يطلق مراتة و غالبآ بيطلق ....

**SHNORY** · 26-12-2012 07:07 PM

المشاركة الأصلية كتبت بواسطة friendship7897

ياخسارة لاغيتوا الديس لايك
البوست الوحيد اللي جاب لي إكتئاب زيادة

والبوست الوحيد اللي علقت عليه

روح يا شيخ ربنا يرزقك بزوجتين مش واحدة والإتنين يكونوا بيشتغلوا

ههههههههههههههههههههههههه ههههه
ايوه وكل واحده يكون مرتبها 10 -15 باكو كل شهر
وانا اقعد في البيت اربي العيال
ونجيب بيبي سييتر روسيه من اللي شبه باربي دي العيال بيحبوها اوي
واهي تسلي العيال وامهاتهم في الشغل

**friendship7897** · 27-12-2012 09:16 AM

المشاركة الأصلية كتبت بواسطة Ghosts

يعني أيه راحة بال !!!!!!
يعنى المش متجوزة مكتئبة

و المتجوزة مخنوقة وعصبية

يفضل الشاب من دول يشقى ويتعب و يتمرمط و يحرم نفسة من كل حاجة عشان يحوش ويتجوز

و بعد الجواز يلعن اليوم اللى أتجوز فية من كتر الضغوط اللى علية و بيبقى أدامة حاجة من أتنين يا أما يستحمل و يكمل يا أما يطلق مراتة و غالبآ بيطلق

....

إزايك يا Ghosts - بقالي كتير مش شايفة لك مشاركات في الإجتماعي - شيفاك في أحوال الشارع بس

وشكراً لمشاركتك - وفعلاً فيه بنات كتير من سنى في شغلي ومتجوزوش - ولما أقابلهم وأبني يتصل أدامهم وأشد معاه على حاجة غلط عملها - بحس بحصرة في عينهم - وعلشان الحسد - أقول : أوف أرفني - تقول : يكفى إنك ليك أبن ياخد بإيدك لما تكبري
ربنا يرزق كل واحد كل اللي نفسه فيه
وعارفة طبعاً إن الرجالة مضغوطة وأكتر مننا كمان لأن الضغوط بتكون بدأة معاه من قبل الجواز .
فواضح إن الموضوع مش عن الإحتياجات النفسية والأسرية - أبسلوتلي - الموضوع دا عن المشاكل الإقتصادية

**friendship7897** · 27-12-2012 09:34 AM

المشاركة الأصلية كتبت بواسطة omaroof

1- صلى واحمدى الله تعالى دائما واسئليه ماتريدى تجدى دائما راحة البال
2- حبى ما تفعلى مهما كان واستمتعى بعمله ستتغير نظرتك له

والله يا omaroof أن راضية وبحمد ربنا ومتفائلة - بس هي جت لي فترة كآبة ، والحمد لله إني أتكلمت مع أخوة خرجوني من الفترة دي بدعواتهم ومشاركتهم معي في مشكلتي وعرفوني إني حد كويس وحد من المشاركين جميل أسمه ahmed_m_ashraf قال : يتعملك تمثال - شكراً ليه طبعاً على المجاملة المريحة للنفس دي .
وكمان في حد بعت لي على الخاص بدعاء فك الكرب جزاه الله خير - أنا قريت الدعاء دا كتير ودعيت به كتير

لكن أول مرة يمسني كدة - ويمكن علشان كنت مخنوقة زيادة ، والدعاء :
لا إله إلا الله الحليم الكريم لا إله إلا الله العلي العظيم لا إله إلا الله رب السموات السبع ورب العرش العظيم

شكراً ليكو جميعاً

-

الموضوع: يعني أيه راحة بال !!!!!!

LinkBack

أدوات الموضوع

عرض

-

-

-

-

-

-

المواضيع المتشابهه

سيارة مسروقة تعبر 6 كمائن بكل راحة

الاكثر راحة

من اجل راحة البال

الكلمات الدلالية لهذا الموضوع

المفضلات

المفضلات

ضوابط المشاركة