الموضوع: رحلتى بالداتشيا نوفا من اسكندرية لاسوان

صباح الخير
سنه سعيده على كل الداتشاوية
واحشتونى كلكم واخصهم صديقى م وائل وحبيبى حازم بيك عواض واخويا محسن وطبعا الغائب الحاضر دكنور اسلام فياض انت فين ياباشا ابقى زورنا فى المنتدى

المهم حبيت اشحرلكم تجربتى مع الداتشيا نوفا فى مشوار من القاهرة حتى اسكندرية الشهر الى فات وبعديها مباشرة مشوار من القاهرة حتى اسوان فى رحلة جميلة استمرت عده ايام فى جو بارد جدا فى الليل وممطر على طريق اسكندرية الزراعى والصحرواى فى العودة اثبتت فيه السيارة قدرتها الرهيبة على العمل تحت اى ظروف وللعلم السيارة كان فيها بعض المشاكل تفاقمت بصورة سريعة بعد مشوار اسكندرية ولكن اكملت مشوارها على خير لحد اسوان وكانت رائعة فى منحيات ادفو الصعبة قبل اسواد ومنحيات قنا الاقصر وكان اداء الفرامل على قدر المسئولية عند منحبات طريق سفاجا قنا بسرعه كبيرة على الاتجاه المقابل بسيارة نقل صاحبها منور النور العالى فؤجت به على اتجاهى والفرامل عملت الواجب معايا فعلا والحمد لله

ونفس الشئ فى طريق ادفو اسوان كانت نفس المهزلة بعد اول منحنى خطر على سرعة 120 كم/س فؤجت نفس الشئ بس المرة ديه سيارة ميكروباص بس الراجل طفى النور بسرعه ونور الانتظار علشان افادية وقد كان بس الاستهتار عندهم عالى جداا

بس الرحلة كانت جميلة فعلا السيارة ثابته على الطريق سريعة جدا مع انى كان عندى مشكلة فى الكوبلن اليمين وغيرته بالكامل بـ 200 جنيه اسيتراد وحاجة نضيفه

وكانت عندى مشاكل فى البليه اليمين والشمال قدام واشترتهم كوري ب 65 جنيه

بس كل الشغل ده اتعمل بعد الرحلة ما انتهت معنى كده ان العربية راحت مسافة اكثر من 3000 كم ماشى بيها متواصل على الطوالى بكوبلن بايظ وبلي يمين وشمال خشن جدا وصوته مسمع جدا
بس عايز اقولك ان العربية ممتازة جدا وقابلت اكتر من واحد شبها فى الطريق الزراعى اسكندرية القاهرة وماشاء الله جرى وشد ومفيش احلى من كده


المهم المشاكل الى كانت معايا مظهرتش الا بعد مشوار اسكندرية بس كملت ووصلت وسط عدم تصديق كل الى شافوها


التلفيات الى كانت فى العربية


كوبلن يمين كامل اتغير استيراد

اترفعت العربية وعملنها صيانة عامة فرامل وزيوت وكده وطبعا الرداخ عندى مغرق المكنة زيت علشان فيه تسريب اتعمله جوان

البلي اتغير ببلي كورى نضيف واتركب عند خراط اتكبس

فرامل يد استيراد بس طلعت تعبانة قوى مكلملتش اسبوع بس حسب كلام اخويا الى راح اشتراها مفيش غيرها عند الراجل

دراعات نور ومساحات وطبعا ماتور مساحة علشان الماتور بتاعى اتحرق بس هو السؤال المطروح هيا الداتشيا نوفا مفيها رعاش ولا ايه لان دراع النور فعلا مفيهوش رعاش

عوامة بنزين جديدة علشان لاقيتها جديدة واشتريتها

طبعا تلين ماستر قدام علشان طلعوا ناشفين قدام

وطبعا غسلت العربية كلها بنفسى

طبعا التكلفة كانت عالية بس الاسعار كالاتى

1- كوبلن استيراد كامل 200 جنيه كامل من الاول للاخر وحسب كلام الراجل لو سواقتك هاديه هايقعد معاك اكثر من 3 سنين ولو زى الشباب اليومين ابقى قابلنى لو قعد سنه

2- عوامة بنزين جديدة من عند ارزاق الله يكرمه ب 200 جنيه مش عارف ليه بس اشتريتها علشان العوامة الى عندى بايظة من بدرى

3- ماتور مساحات سرعتين غير الضغطة الى تحت من عند ارزاق برضة استيراد ب 65 جنيه

4 - دراعات نور ودراع مساحات كاملين بـ 100 جنيه استيراد برضة

5- فرامل يد كاملة استيراد ملهاش اى لازمة ب 80 لانها باظت تانى وهاحاول اصلحها ان شاء الله

6- بلى قدام جديد بقيمة 130 جنيه وتركبية ب 20 جنيه

7- وش فانوس جديد علشات وش الفانوس الشمال ب 30 جنيه

8- لمبتين شبورة ولمبة ازرق فوق بقيمة 40 جنيه

ناقص بس شوية تظبط فى العفشة علشان اكلت مطبات كتير قوى والمية عملت عمايلها معايا من تحت العربية فمنتظر اشوف العفشجى هايقول ايه

نسيت بس اسال عن الشبكة بتاعت الاستبن علشان اركبها بس يوم الاثنين علشان اشوفهم