نيسان ولا لانسر ولا إلنترا أرجوكم الوقت قرب جدا على الشراء

**الريس** · 27-06-2007 03:25 AM

كل كلام كريم ممتاز, ممكن اختلف بس في سعر قطع الغيار لان الصني ارخصهم مش العكس
او انا فهمت الترتيب غلط
انا كنت في نفس الحيرة مع بابا
و شفنا و ركبنا كله
و الحمد لله استقرينا على الصني
الصني تديني ايه
برستيج و شكلها عاجب بابا اكتر من الالنترا (عيالي من وجهة نظره)و اللانسر (مرطرطة)
موتور قوي و ناجح و جير بوكس ناعم و ممتاز
ثبات افضل من اللانسر و يوازي الالانترا
ارخص من الجوز ب 8 او 10 الاف
التقفيل الخارجي ممتاز فعلا
الداخلي فيه عيوب بس لا توازي ال 8 الاف دول و الدنيا حسابات طبعا
يعني بلاستك التابلوه مش نمرة واحد و الكاسيت عيان شوية هو و السماعات
غير كده كله في المعقول
الصاج .... احسنهم
قطع الغيار ارخصهم زي مانا قلت
العربية عليها سحب رهيب من يوم ما نزلو الاسعار شوية
وقفت نص اللي سايقينها شكرو فيها
العيب الوحيد الممل هو انها واطية
و بتحك في المطبات
بس ده مش بعيد اوي عن اللانسر
و يمكن الالانترا تكسب هنا
بس كده

**Hossam Mounir** · 27-06-2007 10:40 AM

بصوا ياجماعة كريم عمل أيه ...

كل"لو" من بتاعت كريم هنعتبر الأجابة الأولى عليها ب 3 نقاط ، والأجابة الثانية ب 2 نقطة والأجابة الثالثة ب نقطة واحدة فقط ...

هو حط ثمانية "لو" وجاءات الأجابات كالتالي :

(1)

لو عايز وسع يبقي الترتيب كالاتي : النترا-لانسر-صني

الألنترا =3 ... لانسر =2 ... صني =1

(2)

لو موتور وتسارع وثبات علي السرعات(اتوماتيك) :النترا-صني-لانسر

الالنترا=3 ... صني =2 ... لانسر =1

(3)

لو جودة تقفيل وخامات : لانسر-النترا-صني

لانسر =3 ... الالنترا =2 ... صني =1

(4)

لوسعر اعادة بيع: لانسر-صني-النترا

لانسر =3 ... صني =2 ...الالنترا =1

(5)

لو عمر افتراضي : صني-لانسر-النترا

صني =3 ... لانسر =2 ... الالتنرا =1

(6)

لو شياكة وشكل حديث : النترا- (مرتبة واحدة للصني واللانسر)

الالنترا =3 ... صني =2 ... لانسر =2

(7)

لو توكيل يبقي: صني -لانسر-النترا

صني =3 ... لانسر =2 ... الالنترا =1

(8

لو سعر قطع غيار(مش بتكلم في معمرة ولا لاء): لانسر-النترا-صني

لانسر =3 ... الالنترا =2 ... صني =1

وتكون النتيجة كالأتي :

1- الانسر تحصل على 18 نقطة من 24
2- الالنترا تحصل على 16 نقطة من 24
3- الصني تحصل على 15 نقطة من 24

وعلشان كده طبعاً كريم جاب... تويوتا كرولا ....

بجد ... كدة الانسر تفوز بحسبة كريم ... بس أحب أيضاً أسجل أعتراضي على الأتي :

"لو" رقم (3) ... فى جودة التقفيل ... الانسر زى الالنترا بالضبط ...

"لو" رقم (7) ... غبور توكيل مش وحش وأتظلم لما أتحط فى الأخر (ذيل القائمة) وهو بيبيع فى السنة 28 % من حجم مبيعات السيارات فى مصر والسنة اللي فاتت بايع 30% من حجم السوق ...

وكل مسابقة كريمية ( نسبة إلى كريم منير) وانتوا طيبين ...بس كريم نسي يقول على الجوايز .... هو يقولكم بقى ...

ألف مبروك يا كريم مرة تانية على الكرولا ...

تحياتي للجميع ...

م/ حسام منير

**Driver** · 27-06-2007 10:59 AM

Driver.....says...Lancer

**Hossam Mounir** · 27-06-2007 11:29 AM

وتكون النتيجة كالأتي :

1- الانسر تحصل على 18 نقطة من 24
2- الالنترا تحصل على 16 نقطة من 24
3- الصني تحصل على 15 نقطة من 24

يا ريت يا باشمهندس كريم تنقل المشاركة إلى المنتدى العام ... علشان أكيد المنتدى الأجتماعي ليس مكانها المناسب ...

تحياتي للجميع ...

م/ حسام منير

**Karim_Monir** · 27-06-2007 03:10 PM

المشاركة الأصلية كتبت بواسطة Hossam Mounir

وتكون النتيجة كالأتي :

1- الانسر تحصل على 18 نقطة من 24
2- الالنترا تحصل على 16 نقطة من 24
3- الصني تحصل على 15 نقطة من 24

وعلشان كده طبعاً كريم جاب... تويوتا كرولا ....

بجد ... كدة الانسر تفوز بحسبة كريم ... بس أحب أيضاً أسجل أعتراضي على الأتي :

"لو" رقم (3) ... فى جودة التقفيل ... الانسر زى الالنترا بالضبط ...

"لو" رقم (7) ... غبور توكيل مش وحش وأتظلم لما أتحط فى الأخر (ذيل القائمة) وهو بيبيع فى السنة 28 % من حجم مبيعات السيارات فى مصر والسنة اللي فاتت بايع 30% من حجم السوق ...

وكل مسابقة كريمية ( نسبة إلى كريم منير) وانتوا طيبين ...بس كريم نسي يقول على الجوايز .... هو يقولكم بقى ...

ألف مبروك يا كريم مرة تانية على الكرولا ...

تحياتي للجميع ...

م/ حسام منير

انا ما ظلمتش الالنترا والله يا حسام لاني في حاجات في تقفيلها معجبتنيش
وتصدق بقي ان في حاجات في تقفيل الكرولا ماعجبتنيشمنهم شطفة الباب من فوق
بس انا لما قولت التشطيب كان عشان كذا نقطة وخاصة لما تشيل فرش الشنطة وشوية حاجات كدة بس الالنترا تكسب مثلا في شياكة وتقفيل الحوض بس دي ماتهمش المستهلك كتير

اما غبور بقي انا شوفت منه الامرين فعلا فعي عربيتين يخصوني وحوالي 10 بتوع اصحابي
لدرجة انهم كنوا بيخادوني معاهم كل صيانة عشان اتخانقلهم لو مارضيوش يركبوا حاجات في الصيانة
انا مش بقول وحش قوي بس المركزية وحشة قوي قوي
لازم اي تغيير يبقي في قليوب او ابو رواش مش عند مراكز الصيانة المعتمدة
وطبعا انا حكيت قبل كدة عن العربية اللي بعد ما خرجت من الضمان لقيناها مفيهاش فلتر تكييف وهما كانوا بياوحو معانا انها فيها

اما عن الكرولا هيا حاجة تانية يا حسام بس سحبها طبعا مش عاجبني خاصة ان الريو كان سحبها طلقة
بس تكييف ووسع واعادة بيع وشوية حاجات خلاها تعدي ال 20 في الاسكور
وانا مرضيتش اكتب الاسكور دي احسن حد يقولي احنا تهنا
بس الله ينور عليك
اما الجايزة بقي ان احنا شوفناك منورنا في المشاركة دي
:) :) :) [/
===========
تم النقل للمنتدي العام بمعرفتي لعدم مناسبتة للمنتدي الاجتماعي

**محمد السكري** · 28-06-2007 06:18 PM

استاذ طارق زي ما انت شايف كل واحد له راي مختلف عن الاخر البعض يستدل بالارقام والاسلوب العلمي في ابداء رايه الخاص والبعض الاخر يستند الي واقع السوق و قوه او ضعف الطلب علي سياره ليرشحها اما البعض الاخر فانه مع الاغلبيه ان قالوا لانسر فهو منهم وان هتفو للالنترا فلا باس عموما ياسيدي مش هتلاقي واحد عنده لانسر وبيقول لك اشتري صني او العكس لان كل واحد فينا مقتنع تماما ان السياره اللي معاه ما فيش احسن منها والا ما كنش اشتراها انا هاكلمك عن نفسي وبالمناسبه انا مغترب زيك انا عندي كورولا 2007 1800 سي سي فول اوبشن ومع ذلك عجبتني جدا الالنترا لما ركبتها من جميع النواحي وبالفعل اشتريتها من كام يوم ومش عاوز اقولك اني باستريح في صالونها وقيادتها اكتر من الكورولا مع العلم انهم الاتنين اوتوماتيك في نفس الوقت انا ركبت الصني واللانسر وبصراحه عربيات هايله برده.فبالاضافه للي قالوه الاخوه الافاضل من محدداتك لشراء سياره كسعر قطع الغيار ومعدل استهلاك الوقود وسهوله اعاده البيع وامكانيات السياره الفنيه يبقي جانب نفسي زي ساعات ما تشوف واحده وتعجبك وتفضلها غلي غيرها من البنات رغم انها مش الاحلي وتقرر ترتبط بها اهي العربيات كده بالظبط.......... توكل علي الله واشتري دايهاتسو .......تحياتي