ان شاء الله مقدم على شراء كروز 2013 وعندى شوية استفسارات

**mido** · 31-12-2012 10:08 AM

اعتقد كلهم من جوه بقوا لون واحد رمادي و اسود
اللون الخارجي اسود حلو بس بيبهت و التراب بيبان فيه الفضي حلو و احسن في المشكلتين دول
و الف مبروك :)

**hossam_elwani** · 31-12-2012 12:17 PM

المشاركة الأصلية كتبت بواسطة mido

اعتقد كلهم من جوه بقوا لون واحد رمادي و اسود
اللون الخارجي اسود حلو بس بيبهت و التراب بيبان فيه الفضي حلو و احسن في المشكلتين دول
و الف مبروك :)

فعلا الاسود لما بينطفى بيبقى شكله وحش اوى

بس ياريت تأكيد لللاوان الداخليه ومنها الطابلوه بيبقى كام لون؟؟

**hossam_elwani** · 31-12-2012 01:00 PM

كمان سؤال

ايه افضل نوع دواسات للكروز فى رأيكم هل فيه شكل او نوع محدد؟؟ وهل فى دواسات خلفيه من الى هيا حته واحده للارضيه الخلفيه ؟؟

**Hosam_Optrawy** · 31-12-2012 10:49 PM

الف مبروك مقدما

انا شخصيا بافضل الفيرانى

اعتقد الفرش الداخلى والتابلوه رمادى هايبقى لايق

بخصوص منصور والموزعين , زمان ايام ماكنت باشترى الاوبترا روحت منصور جامعة الدول قاللى احجز والاستلام بعد شهر ومفيش ولا جنيه تخفيض , الموزعين المعتمدين غالبا هاتلاقى العربيه متوفره وممكن يعملك خصم 500 او الف

**A_M_T** · 31-12-2012 11:45 PM

اة ومبرووووك مقدما وربنا يديك خيرها ويكفيك شرها ان شاء الله

**hossam_elwani** · 01-01-2013 12:25 AM

المشاركة الأصلية كتبت بواسطة a_m_t

بالنسبة للون منصحكش ابدا بالاسود انا معايا منها الاسود والسيلفر فرق بين السما والارض

الاسود مينفعش فى بلدنا ومهما حافظت علية بيتبهدل بطريقة غريبة ومبينضفش

السيلفر بجد اكتر لون عملى ولا بينان فية تراب ولا خرابيش ولا اى حاجة بصراحة لون جميل ولايق اوى ع العربية

اكتر لون انا بحبة شخصيا النبيتى ميتالك رووعة عليها وكان نفسى فية بس مكنش موجود ايامى غير اسود وسلفر وسماوى

مفيش اى علاقة للاسف عندنا ما بين اللون الخارجى والداخلى فى الغالب منصور بيجبهم دفعات بظروفها يعنى

يعنى من الاخر حتة الالوان الداخلية دى بمزاج منصور ( زى ما كان منزل المكنة بمزاجة كدة فى الموديل القديم )

وبعدين مش عاوزك تقلق من الموضوع دة انت لما تيجى تعمل كسوة للعربية طبيعى هتعملها علشان تحافظ عليها غير لون الى جوة باللون الى تحبة (سهلة جدا ع فكرة )

الى بيجى مع العربية الكتالوج وكتاب الصيانة وبيجو فى شنطة جلد شيك ...
بيحى معاها مفتاحين بالشفرة
بيجى معاها طقم دواسات موكيت اصلى
بيجى معاها مثلث عاكس فى علبة لونها اذرق
بيجى معاها مسمار الشد ( فى حال الاعطال لقدر الله)
بيجى معاها كوريك ومفتاح عجل وحديدة كدة بتركب فى المفتاح كتطويلة

بالنسبة اية الافضل انك تشترى من الوكيل او من الموزع ؟

فانا ولا افضل دة ولا دة وانا رأى انك تجيبها من برة مباشرة دة احسن حاجة ودة الى انا عملتة

شكرا جزيلا على المعلومات القيمه دى

بالنسبه للون الخاص بالفرش والطابلوه انا عندى جارى عربيته سماوى والفرش ازرق والتابلوه ازرق بس هل بينزل منها او حد شاف الطابلوه كله اسود ؟؟

وايه قصدك انى اجبها من بره مباشراً ؟؟؟

على فكره العربيه لسه نزله الوزعين ميوم الخميس بس ومش كلهم كمان ومنصور لسه مابعش وبيقول حيبيع ن يوم 2/1 وحتكون معروضه

**A_M_T** · 01-01-2013 12:41 AM

بص يا سيدى بالنسبة للفرش الى معايا نبيتى فى العربيت السودة والسيلفر وشوفت واحدة من اليكس بس صاحبها بلدياتى كان لونها رمادى وفرشها اسود طبعا خلى بالك انا بتكلم عن الفرش الجلد

يعنى تستورد انت العربية من برة لحسابك تجيبها من برة وتخلص جماركها دة الافضل وهتيجى بمواصفات احسن من هنا مليون مرة

بالنسبة للتوكيل او الموزعين انا بالنسبالى بكرهم ومش بفضلهم انا عندى شارك وكنت جايبها من التوكيل (رهبة الزيرو ولازم صيانة فى التوكيل والضمان وخلافة )

وهى اول صيانة بس الى عملتها فى التوكيل ومقررتهاش تانى وخرجت العربية برة الضمان

لان انا بالنسبالى اعرف ناس محترمة وثقة لو حصل حاجة هيحلولى المشكلة دى وبالنسبة لحكاية الضمان فالضامن هو الله

**A_M_T** · 01-01-2013 12:49 AM

بس انا عاوزك تفكر فى الاسترا تانى وبالنسبة لموضوع اعادة البيع مش عاوزك تقلق منة لسبب

الاوبل زمان اختلف عن دلوقتى فى حجات كتير اتغيرت والسوق فى مصر بقى مفتوح والمستهلك بقى عندة وعى اكبر من زمان

حتى سمعة الاوبل القديمة فى قطع الغيار ومشاكل التكيف والتكيف بالذات مشاكلة انتهت مع الموديل الجديد للفيكترا

وقطع الغيار احب اقول حاجة لحضرتك .. عفشة الكروز او اللاستى هى هى نفس عفشة الاوبل استرا

وحصل معايا مرة ان حساس الاية بى اس باظ وروحت علشان اجيب واحد من التوكيل وجيبت بتاع اوبل

شوف بقى المسخرة ( حساس الاية بى اس فى الاوبل هو هو الكروز ) بتاع الكروز كان موجود بسعر 125 وبتاع الاوبل بسعر 115

والاتنين واحد لكن الناس دى بتبيع ع اساس ان الكروز لسة جديدة فلازم قطع غيارها تبقى غالية

وبالنسبة لاعادة سعر البيع عاوز اقول لحضرتك انا شايف واكيد حضرتك شايف ان العربية دى هتحقق نجاح كبير فى مصر وهتحقق انتشار اول مرة يذكر فى صالح اوبل فانا شايف ان مستقبلها احسن

وعموما عاوزك بردة تفكر لوحدك تانى وتستخير ربنا والى فية الخير ربنا هيولهلوك ان شاء الله

**abou-yahia** · 01-01-2013 08:29 AM

الفيراني تحفه

ومبروك

مشاهدة نتائج الإستطلاع: افضل واحلى لون للكروز

الموضوع: ان شاء الله مقدم على شراء كروز 2013 وعندى شوية استفسارات

LinkBack

أدوات الموضوع

عرض

-

-

-

المواضيع المتشابهه

انضميت ليكم باسكورت وعندى شوية استفسارات

هشترى كروز وعندى شويه استفسارات

شوية استفسارات و حاجات مش مريحاني !(كروز)

مقدم على شراء شاش تلفزيون lcd وعندى شوية استفسارات ارجو الاجابه عليها

الكلمات الدلالية لهذا الموضوع

المفضلات

المفضلات

ضوابط المشاركة