تركيب مثبت سرعة وصيانة وهمية فى منصور

**nagy wassef** · 31-12-2012 03:22 PM

انا عملت الصيانة الوهمية ديه فى شهر سبعة حسب الموضوع اللى كنت كاتبه ده (يعنى خمس شهور كمان مش سته)

http://www.nilemotors.net/Nile/298492-a.html

**temeey** · 31-12-2012 05:07 PM

تقدم بشكوى لجهاز حماية المستهلك
يمكنك القيام بتقديم الشكوى من خلال إحدى الطرق التالية:

1- الاتصال بالخط الساخن الخاص بنا (19588) من خلال أي خط أرضى
( الخط الساخن يغطى القاهرة الكبرى – الإسكندرية ).

2- إرسال شكواك من خلال الفاكس على رقم 35380384

3- الاتجاه لأقرب مكتب بريد لملء استمارة شكوى مجانية.

4- الاتجاه إلى مقر الجهاز بالعنوان 96 شارع أحمد عرابي – المهندسين لتقديم الشكوى باليد.

5- إرسال شكواك إلكترونياً بالضغط هنا.

* في جميع الأحوال يرجى إرفاق صورة من فاتورة الشراء عند تقديم الشكوى أو إرسال صورة
الفاتورة مدون عليها رقم الشكوى إلى بريد الجهاز الإلكتروني info@cpa.gov.eg

**nagy wassef** · 31-12-2012 05:38 PM

طب اثبت كلامى ازاى يا باشمهندس

**ENG\AHMED** · 31-12-2012 05:41 PM

المشاركة الأصلية كتبت بواسطة nagy wassef

ازاى يا باشمهندس احمد انا اللى اعرفه زى كل الناس انه سنة مش 6 شهور ثانيا ماينزلش اسود محروق بالطريقة ديه ثالثا حتى الفلتر لم يتم تغييره و بعدين هو صيانة العشريين ديه مش فيها حاجات تانية غير تغيير الزيت

الزيت خواصة بتتغير مع الوقت نتيجة لظروف التشغيل ويفضل انه ميقعدش اكتر من 6 شهور فى العربية
حصل معايا فى الفكترا ان العربية مبتتحركش كتير والزيت قعد اكتر من 6 شهور والعربية مكملتش 5 الاف كيلو بالزيت الجديد وكانت مع السرعة تحس انها كراكة والسحب قل ولما غيرت الزيت بالرغم من ان شكله كـ لون كويس كل حاجة رجعت لطبيعتها

انا مشوفتش عربيتك ولا شوفت هم عملوا ايه ووارد يكونوا معملوش حاجة بدليل ان الفاتورة مش مكتوب فيها حاجة وممكن تتأكد من الـ record فى التوكيل قلهم انا عايز اعرف تاريخ العربية فى التوكيل وهيطلعولك كل الصيانات اللى اتعملت ومواعيدها

بالنسبة لصيانة الـ 20 واللى بيتم فيها هيبقى حسب الـ checklist فيها اية وان كان الحاجة الاساسية هى تغيير الزيت والفلتر والباقى كله كشف وتربيط عفشة

**ENG\AHMED** · 31-12-2012 05:45 PM

المشاركة الأصلية كتبت بواسطة nagy wassef

طب اثبت كلامى ازاى يا باشمهندس

لو الـ record عندهم مش متسجل فيها صيانة الـ20 والفاتورة معاك فيها صيانة الـ 20 ممكن يبقى فيها كلام غير كده مفيش حاجة وخصوصا انك غيرت الزيت

**temeey** · 31-12-2012 05:53 PM

المشاركة الأصلية كتبت بواسطة ENG\AHMED

لو الـ record عندهم مش متسجل فيها صيانة الـ20 والفاتورة معاك فيها صيانة الـ 20 ممكن يبقى فيها كلام غير كده مفيش حاجة وخصوصا انك غيرت الزيت

**nagy wassef** · 31-12-2012 07:05 PM

الفاتورة مش مكتوب فيها حاجة وانا من اول مانا غيرت عندهم الزيت وانا بمشى بيها كل يوم عادى

**TRABYA** · 01-01-2013 12:10 PM

المشاركة الأصلية كتبت بواسطة eng\ahmed

الزيت ميقعدش اكتر من 6 شهور حتى لو مامشيتش كيلو واحد
وواضح كدة من موديل العربية والعداد انه بيقعد كتير اوى ودة غلط

مع احترامي الشديد لكلام حضرتك لو الكلام ده سليم يبقي ليه شركات الزيوت بتفرق بين الزيوت بال كيلو متر يعني في زيوت 3000 و 5000 و 10000 ، و لو قلنا ان الزيت اتحط في العربيه و ماتحركتش ليه لازم يتغير بعد 6 شهور مع ان الجيركن بتاع الزيت بيكون مكتوب عليه فترة صلاحيه و انا دايما بركز علي موضوع الصلاحية ده و انا بشتري الزيت

**ENG\AHMED** · 01-01-2013 04:22 PM

المشاركة الأصلية كتبت بواسطة trabya

مع احترامي الشديد لكلام حضرتك لو الكلام ده سليم يبقي ليه شركات الزيوت بتفرق بين الزيوت بال كيلو متر يعني في زيوت 3000 و 5000 و 10000 ، و لو قلنا ان الزيت اتحط في العربيه و ماتحركتش ليه لازم يتغير بعد 6 شهور مع ان الجيركن بتاع الزيت بيكون مكتوب عليه فترة صلاحيه و انا دايما بركز علي موضوع الصلاحية ده و انا بشتري الزيت

حضرتك تقدر تراجع كتالوج العربية هتلاقى الكشف على السوائل بالمسافة والوقت
فترة الصلاحية اللى على الجركن دى صلاحية الزيت والجركن متبرشم غير لما يتفتح ويتحط الزيت فى العربية ويتعرض لظروف التشغيل المعتادة

**هيثم الدسوقى** · 01-01-2013 06:10 PM

الزيوت دى بيكون فيها حاجة اسمها مثبطات البخر , عامة السوائل مهما بلغت درجة لزوجتها بتميل للبخر حتى فى ظروف التشغيل العادية وقلة درجة الحرارة لان الجزيئات بتلاقى وسط مختلف ممكن تتحد معاه وتنشئ روابط كيميائية وفى حالة الزيوت بتلاقى الزيت بيحصله عملية بخر وينشئ رابطة تساهمية ويكون أول او ثانى اكسيد الكربون وساعات الكربون يتحد مع الرصاص والنيتروجين .ولذلك بتتعمد الشركات انها تحط مثبطات البخر دى عشان تقلل من فترة البخر وتزود عمر الزيت فى المحرك وخصوصا انه بيشتغل فى درجات حرارة عالية نسبيا. مثبطات البخر دى طبعا مركبات كيمائية واكيد بتتأثر بالفترة اللى بيكون فيها التشغيل . وغير كدا كمان مجرد ما اى عبوة تتفتح بيحصل تفاعل بين المنتج اللى فيها والهواء الجوى بأى ما فيه من عناصر كيميائية غير مستقرة وحتى الزيوت اللى عندك فى البيت طالما اتفتح ومر عليه 6 شهور وما اتحطش فى العربية نصيحة منى ترميه او تسيبه عشان تزيت بيه قفل او حاجة خارجية لكن جوا المحرك لاء .

هذا على حد علمى وعلى حد ما قرأتها فى دراسة ماجيستير لطالب فى جامعة شيربوك - كندا