الفانتازيا مش بتجرى ..

**lanos2004** · 01-01-2013 02:34 PM

المشاركة الأصلية كتبت بواسطة moaaz

الاتنين سواء 195 200 بيجيبوها بصعوبة علشان الوزن ...الكروز عندى بتجيب 200 بس ممكن تقول شعار الوصول للسرعة (الصبر مفتاح الفرج ) الكروز 107 حصان و الفانتازيا 101 ...الفرق بينهم مش كبير خالص ... بس ف النهاية مينفعش نقول الفانتازيا وحشة علشان مبتجريش لانها حلوة ف كل الجوانب الاخرى

شوف انا جريت مع الاتنين كتير جدا جدا الكروز تتفوق علي اوكتافيا ١٦٠٠ سي سي

**deeda** · 01-01-2013 02:42 PM

جدعان مش كل حاجة جرى و خلاص حتى لو اخرها ١٩٠ ايه يعنى على الاقل مش هحتاج اهدى في الملفات زي معظم العربيات اللي بتقارنوها بيها و لما ادوس فرامل بتكلبش فى الارض

**الع العمدة مدة** · 01-01-2013 02:49 PM

المشاركة الأصلية كتبت بواسطة deeda

جدعان مش كل حاجة جرى و خلاص حتى لو اخرها ١٩٠ ايه يعنى على الاقل مش هحتاج اهدى في الملفات زي معظم العربيات اللي بتقارنوها بيها و لما ادوس فرامل بتكلبش فى الارض

انا مبتكلمش علي العربية
العربية ديه من احسن العربيات بالسعر ده
بس انا عاوز لاند كروزر يحكيلنا عن تجربة تقفيل العداد :b4_039:
بليز يا لاند

**Moratoz** · 01-01-2013 03:10 PM

المشاركة الأصلية كتبت بواسطة dozo

يا اخوانا مفيش عربيه كامله اللهم الا البى ام و المرسيدس.
حتى دول عشان بتاخد منهم كل حاجه فى مقابل قطع غيار نار . و بعدين فى اعضاء هنا جابوا بالفانتازيا 200 او 210 فمش فارقه اوى من 240 يعنى لما عربيه بالوزن ده و الموتور ده تجيب السرعه دى تبقى عربيه ممتازه و مافيش داعى نمسك لبعض على الكلمه احنا كلنا هنا اخوات مش ناقصين انقسامات كفايه السياسه مش حتبقى سياسه و عربيات

+1111111
عندك حق طبعا الموضوع مش مستاهل الكلام دا بس ممكن يكون ئل غاظ العمدة كلمه عن تجربه وليس المعلومه نفسها لأنها ممكن تكون مغلوطه اما التجربه فأحنا بنصدق كلام بعض ونشوف تجارب الأخرين وعلشان كدة استاذ/ عمدة مش فادر يصدق التجربه دي
وممكن نلاقي اعضاء يمتلكون السيارة يؤكدوا او ينفوا هذه المعلومه
واحنا كلنا في هذا المنتدي هدفنا الصالح العام للأعضاء ولنا عن طريق نقل التجارب والخبرات

**mohammedrefaat** · 01-01-2013 03:41 PM

والله عيب عليكم لما تقعدوا تعملوا كده فى بعض
يا عم هو واحد بيمجد فى العربيه بتاعته من كتر اعجابه بيها
و انت متضايق ان العربيه مش بتسحب معاك
تقوم تطلعه عليه بالشكل ده ... دانا كنت فاكركم بتتخانقوا

العربيه فى المجمل حلوه ... اه حلوه
سعرها مناسب ... انا بصراحه شايف انه غالى شويه عليها ( بس شويه صغيرين بتاع 10 او 20 الف )

بمناسبه الفتى بقى خد انت اخر فتوه

انا سمعت ان فيه فيوز فى العربيه هو اللى بيخليها ماتزيدش عن 200 كم و الفيوز ده ممكن يتشال و العربيه تمشى معاك زى الفل و تعدى بعد الى 200 كم

بلاش توقفوا نفسى عن العربيه دانا بدور على واحده زيرو او كسر زيرو

ماتخلونيش اغير رايى

**lanos2004** · 01-01-2013 04:00 PM

المشاركة الأصلية كتبت بواسطة mohammedrefaat

والله عيب عليكم لما تقعدوا تعملوا كده فى بعض
يا عم هو واحد بيمجد فى العربيه بتاعته من كتر اعجابه بيها
و انت متضايق ان العربيه مش بتسحب معاك
تقوم تطلعه عليه بالشكل ده ... دانا كنت فاكركم بتتخانقوا

العربيه فى المجمل حلوه ... اه حلوه
سعرها مناسب ... انا بصراحه شايف انه غالى شويه عليها ( بس شويه صغيرين بتاع 10 او 20 الف )

بمناسبه الفتى بقى خد انت اخر فتوه

انا سمعت ان فيه فيوز فى العربيه هو اللى بيخليها ماتزيدش عن 200 كم و الفيوز ده ممكن يتشال و العربيه تمشى معاك زى الفل و تعدى بعد الى 200 كم

بلاش توقفوا نفسى عن العربيه دانا بدور على واحده زيرو او كسر زيرو

ماتخلونيش اغير رايى

العربيه مش جري وبس--اصلا معظم الوقت الواحد ماشي علي سرعه ٥ كيلو في الساعه ولما بتفرج بتكون ٦٠ كيلو في الساعه

**hany63** · 01-01-2013 08:05 PM

عوده للموضوع الاصلي
طبعا الفنتازيا تقيله بس مش للدرجه اللي حضرتك ذاكرها
و العربيه دي لازم تتفتح صح فكرتني قبل ما اجيب الهوندا سقت عربية واحد صاحبي لقيتها بتجري قلت خلاص هاجيب فانتازيا تاني يوم سقت عربية مديري لقيتها زي ما حضرتك واصف غيرت رايي و جبت السيفيك و السبب طبعا ان الاولانيه راكبها شاب و التانيه راجل عجوز و العربيه كانت لسه بتلين
على العموم غير محطة البنزين و حط منظف انجيكشن stp و اقعد سبوع سقها على ال s عشان تحرق على الغيار و ادعيلي
بالمناسبه واحد صاحبي بيسوق الباسات بقاله ٥ سنين على الs و العربيه زي الفل

**AmrEVO** · 01-01-2013 10:07 PM

انا معايا فانتازيا موديل 2011 العربية بسم لله ماشاء لله عليها ثبات عالى جدا جدا وتحس بية اكتر على الملفات فرامل فوق الممتازة بصراحة فيها اوبشين عالى بالنسبة لموضوع الشد مع العربيات التانية والكلام دة العربية فعلا تقيلة ف الطلعه بس دة عشان العربية 1600 سى سى و102 حصان بس بعد كدة ولله العربية بتسحب حلو بس هى عايزة مسايسة بمعنى اصح عايزة حد يفهمها (................................) انا عن نفسى جبت بيها 200 مستريح بس مجربتش بعد كده بس بصراحة انا ماعتقدش انا تقفل عداد صعبة بس ممكن لانى مجربتش بغد ال 200 لو حد عدى بيها ال 200 ياريت يقولنا عاملة اية مع العلم انها بتجيب 200 مستريح::

يرجى مراعاة اداب الحوار
م ع 6

**magedkahla** · 01-01-2013 10:47 PM

هي فعلا في الطلعة تقيلة شوية بس اول لما بتعدي ال 40 الله على السحب والجري وهي بتجري بتجيب لحد 160 و 190 ده اكتر حاجة جبتها وعملتها 190 قبل ما اشتري العربية علشان اجربها لما كنت بجربها والراجل صاحب العربية كانت قلبو هيقع على العربية مرضتش أضغط عليه الصراااااااااحة بس وانا عامة مش بجري اوي وكمان حتى لو فكرت اجري انتو عارفين بلدنا الفاضية 24 ساعة وكمان الإسفلت الحرير إل مفيهوش لا حفر ولا نقر ولا أي حاجة فالواحد يعني بيخاف يجري يبزظ الطرق