الموضوع: الفانتازيا مش بتجرى ..

المشاركة الأصلية كتبت بواسطة طارق _عبد السلام

الفنتازيا بسم الله ماشاءالله على ثباتها وعلى فراملها وعلى متانتها
انا مش عارف الفرق بين 200 و240 كيلو دى هى اللى هتوصلنا القمر بالعكس اظن فعلا هتوصلنا السماء ان شاء الله عند رب كريم اظنه انتحار من يمشى بالسرعات دى فى طرق مصرنا العزيزه وبعدين فيه بشر تانيين معانا على الطرق ذنبهم ايه من تهور وطيش غيرهم
انا مش عارف بصراحه عربيه بالاجماع انها الاول فى فئتها هتفرق فى ايه الكيلوات اللى بنتكلم عليها هو احنا شاريين عربيات علشان ندخل بيها رالى الفراعنه انا بركب عربيتى علشان اقضى شغلى واحافظ على بيتى واولادى من بهدله المواصلات مش علشان كل ما الاقى واحد راكب ماركه اخرى (هعلم عليه) !!!!!!!! هى لو كده بناقص ركوب العربيات من الاصل وأسئلو اللى ركبوا مسامير وجالهم شلل وحياتهم ادمرت بسبب حركات صبيانيه مثل موضوع الشد والطرقعه على الطريق والتعليم على فلان وعلان
وبعدين كل واحد راكب عربيه مقتنع بيها جدا وبيحبها جدا ليه نكون سبب اننا نعكنن على واحد مش عارف هنستفيد

ايه احنا هنا المفروض فى منتدى سيارات شغلتنا نساعد بعض واللى عنده مشكله نحاول بقدر الاستطاعه حلها لغيرنا حتى لايحزن على مشكلته مش ندور اننا نحزن الناس ونقولهم انتم مغفلين واشتريتوا الترماى وراكبين عربيه بنت ستين ك................ وفلوسكم رميتوها ليه كده مش عارف
لاحول ولا قوه الابالله

يسلم بقك يا طارق باشا هو ده الكلام

انا مش هتكلم كتير فى الموضوع
الموضوع بيتلخص اننا كل يومين نطلع نلاقى حد يقولك الفانتازيا (185000 ) لحد ( 215000 ) عربيه بطه !!
انت مش سامع السعر!! دى اول نقطه .. !!

تانى نقطه هو السواقه بالنسبالك ايه ؟ رزع دواسه البنزين على الاخر و خلاص !
انت بتجرى بعربيه 6 غيارات .. الدواسه عايزه واحد عارف هو بيدوس عليها ازاى و اخره فين فيها عشان يطلع القوه كلها

انت لو راكبلى النترا ولا لانسر هو كبيرك 4 غيارات اللى هيساعدك ان التانى بتاعك بيوصل 90 و لا 100 في حين ان الاوكتافيا هتنقل تانى عند 75 .. بس ابقى شوفها بعد كده ..!!

جريت مع صاحبى معاه سيراتو 2010 4 غيارات ... و خليتوا ساق هو عربيتى بعدها ..

قالى ما شاء الله مفيش وجه مقارنه من حيث كل حاجه حتى الجرى !!

من الاخر الموضوع مش مستاهل جدال عشان مش اى حد هيعرف يجرى العربيه ديه

شكرا لكل الاعضاء المحترمين على الرد والأفاده ..

العربيه طلعت سيلمه ومفيهاش اى حاجه ,, انا بس عشان كنت متعود على الفيكترا ال 1800 والجرى وكنت بجمع 100 كم فى 9 ثوانى.. وواحد فى التوكيل قالى ابقى اقرص شويه على العربيه واديها كيك دون وامشى على s

بالنسبه للتوب سبيد بتاع العربيه انا سوقت a5 2009 مانيوال قبل ماجيب الفانتازيا وقفلت بيها 230 بس كنت على منزل كبيير على طريق الكريمات بس الفانتازيا جابت معايا 216 بالعافيه .. وفعلا الاوكتافيا تقيله شويه فى الجرى بس فى مقابل كده فى ثبات خرافى والعربيه بتبقى زى السهم على الطريق وبتجرى وانتا مطمن .. والعربيه لاااا تقارن بأى عربيه كورى او يابانى ده غير انها معمره جدا والاوروبى عامة اللى بيركبوا بيستريح ومش بيعرف ينزل منو وده عن تجربه مع الفيكترا

وربنا يسترها علينا جميعا