اغيثوني ضروري لاني مخنوق جدا

**wael elhussiny** · 01-01-2013 10:49 AM

السلام عليكم ورحمة الله وبركاتة
الموضوع من اولة ان اشتريت عربية رينو اوبتيما مو 98
العربية كانت ماشية كويسة جدا بس المساعدين ورا كانت خفيف وتقريبا مش الاصلي وكان فيهم وصلة وكان مالك العربية رافعها من الخلف بشكل ملحووووظ جدا وكانت بتعوم شوية علي السرعات العالية.
المهم روحت اجيب مساعدين جديدة وقولت ارجع العربية لحالتها الطبيعية وبالفعل
اشتريت 2 مساعد خلفي اصلي وركبتهم ووطيت العربية شوية بس بردوا مرفوعة عن الطبيعي
وبعد ما ركبت المساعد الاصلي لقيت المساعدين بتخبط مع العم ان القديم مكنش بيخبط
ارجوا الافادة عشان تقريبا هروح اموت العفشجي النهاردة

**wael elhussiny** · 01-01-2013 11:09 AM

فين الرد يا شباب...؟؟؟؟

**romieh** · 01-01-2013 11:52 AM

اولا بالنسبة لعومان العربية فهو طبيعى لان العربية مرفوعة جامد على حسب كلامك وحله انك توطى العربية شوية

ثانيا بالنسبة لان العربية عالية فدى من السوست مش من المساعدين وهتلاقى المالك القديم كان مركب علايات فوق السوست علشان يعلى العربية - حضرتك تروح للعفشجى تقوله يشيلك العلايات دى علشان العربية ترجع لارتفاعها عادى

لو مافيش علايات محطوطة يبقى السوستى دى اطول من الاصلية بتاعة العربية ويبقى كده انت لازم تشترى السوست الاصلية بتاعة العربية وتركبها

ثالثا بالنسبة لتخبيط المساعدين ده بسبب ان المساعدين اللى كانوا راكبين كانوا اطول من الحاليين (بسبب الوصلة اللى راكبة) وبكده كان مشوارهم كبير علشان بيقفلو للأخر

المساعدين الجداد اللى حضرتك ركبيتهم دلوقتى (من غير وصلة) بقوا مفتوحين على الاخر نظرا لارتفاع العربية العالى وبكده هما مش بيقفلوا للأخر وعلشان كده حضرتك بتسمع الخبط

لما توطى العربية والمساعدين يرجعوا لوضعهم الطبيعى الخبط هيروح

**wael elhussiny** · 01-01-2013 12:11 PM

بالضبط كدة...انا من رأيي اني اوطي العربية علي الفبريكة لانها ما زالت علية شوية عن الفبريكة
كمان انا عندي المساعد بس من غير سوست

**wael elhussiny** · 01-01-2013 12:17 PM

استفسار:بالنسبة للمساعد لو مفتوح علي الاخر بيعمل هبدة في العربية في المطبات؟

**akmm** · 02-01-2013 10:14 AM

متابع ................

**aldesha989** · 05-01-2013 06:51 PM

المشاركة الأصلية كتبت بواسطة wael elhussiny

استفسار:بالنسبة للمساعد لو مفتوح علي الاخر بيعمل هبدة في العربية في المطبات؟

اه هى كانت بتحصلى لما كان معايا عربيه مرفوعه اكتر من اللازم كنت لما بأخد المطب كنت بتهبد انا والعربيه فى الارض حتى لو اخدته بالراحه بس بصراحه ماكنتش عارف التحليل بتاعها ايه غير ان العربيه عاليه