الموضوع: اغيثوني وطمئنوني يا اهل الخبره

انهردا طلعت بالعربيه علي الطريق وبعدين كانت ماشه تمامت والتكيف وكله عداد الحراره زي الفل بس انا كنت نظفت الردياتر اكتر من عشر مرات بمياه عاديه وبعدين حطيت مياه مقطره وبعد كام مشوار مياه خضراء وطلع بالعربيه كام مشوار صغيرين خالص بس وانا علي الطريق خدت مطب بهدوء جدا بس العربيه حكت جامد من تحت لانه كان عالي خالص وبعدين ركنت شويه وانا جاي اركب تاني لقيت مياه الردياتير كله تحت العربيه وحاول اعرف هيا بتخر منين مقدرتش احدد بس هي تحت المتور علطول انا عاوز اعرف ايه اللي بيخر وهل ده من المياه الخضراء ولا المطب اللي حكيت فيه
المشكله الاكبر اني كل ما املاه مياه تخر علطول في حوالي خمس دقايق انا مشيت بالعربيه كده حوالي 50 كيلو وسخنه وعديت النص بملي وكنت بملاها تاني وهي دايره بس اول ماوصلت وركنت كنت سامع صوت زي صوت حاجه بتنفس هوا من عند المتور هل كده فيه مشكله حصلت او المتور يكون حصله حاجه مع العلم ان عداد الحراره مرفعش فوق النص اكتر من 2 ملي
ارجوكم طمئنوني يكون ايه اللي حصل ولا جت سليمه وشكرا ليكم

مطبات عاوزة نشتري لوادر نسوقها موش سيارات الظاهر ان عصر ال504 و ال 132 لازم يرجع تاني انا برضة المطبات دمرتلي الشكمان علي الرغم اني بطلعها بالجنب و بالراحة و ببطء وسعات بنام وانا فوق المطب ومراتي بتصحيني علشان سائقي الكراكات المرتفعة ورايا بيستعجلوني ومستغربين لية تطلع بالراحة لما ممكن تاكلة سريع - السيارة نوبيرا بريميوم وسوري في الكلمة واطية شوية لأ واطية اوي