ليه اشتريت ال بى واى دى اف ثرى byd f3 2013 ؟

**ابراهيم حسنين** · 08-06-2013 02:09 PM

حقيقى السيارة جميلة وفيها من الرفاهيه الكثير - بعد الاقتناء شرفت بشرائى لهذه السيارة - وذلك بعد بحث مضنى ومجهد للبحث عن سيارة فى حدود الثمن اللى اشتريت بها هذه السيارة- امكانيات عديدة ورائعة خاصة واننى من جيل بعيد شوية عن جيل هذا الزمن - فقد جربت الفيات بكل انواعة -وما ادراك من سيارات هذا الزمن - لكن لى ملاحظة واحدة فقط للامانة - لكن رغم ارتفاع السيارة ومع وجود ركاب فى الكنبة الخلفية ومع وجود مطباتنا اللعينة فى شوارعنا المعتادة فإنها تحك قليلاً - وتحتاج الى الصبر فى عبور هذه المطبات 0 غير ذلك لا اجد اى مشاكل حتى الان والحمد لله -1000 مبروك لكل مقتنى الbyd وهنيئاً بها

**ahmedselaraby** · 08-06-2013 02:47 PM

ابراهيم حسنين;3875034815]حقيقى السيارة جميلة وفيها من الرفاهيه الكثير - بعد الاقتناء شرفت بشرائى لهذه السيارة - وذلك بعد بحث مضنى ومجهد للبحث عن سيارة فى حدود الثمن اللى اشتريت بها هذه السيارة- امكانيات عديدة ورائعة خاصة واننى من جيل بعيد شوية عن جيل هذا الزمن - فقد جربت الفيات بكل انواعة -وما ادراك من سيارات هذا الزمن - لكن لى ملاحظة واحدة فقط للامانة - لكن رغم ارتفاع السيارة ومع وجود ركاب فى الكنبة الخلفية ومع وجود مطباتنا اللعينة فى شوارعنا المعتادة فإنها تحك قليلاً - وتحتاج الى الصبر فى عبور هذه المطبات 0 غير ذلك لا اجد اى مشاكل حتى الان والحمد لله -1000 مبروك لكل مقتنى الbyd وهنيئاً بها[/QUOTE]

ألف مبروك على العربيه ,, ممكن تغير السوست الخلفيه فل وكيل على الضمان بسوست تانيه عندهم أكثر استحمالا

أو تغير بميتسوبيشى لانسر للخلفى و تويوتا كرولا للأمامى

و الله أعلم

**mody112** · 20-06-2013 12:03 PM

المشاركة الأصلية كتبت بواسطة diakkoko

شكرا على الرد والاهتمام بس ليا سؤال هل العيوب اللى حضرتك ذكرتها ده موجوده فى الموديلات التقفيل الصينى يعنى موديل 2007 و موديل 2008 ولا ايه واخر الموديلات التقفيل الصينى لغايه سنه كام واى موديل سنه فيهم افضل لانى شايف ان التقفيل المصرى فى عيوب فى موديل سنه مش موجوده فى موديلات سنين تانيه مثال زى السخونه فى موديل 2012 فى بعض الناس اشتكوا منها مش موجوده فى موديلات تقفيل مصرى موديل سنين اخرى وشكرا

متهيالى ان الموديلات الصينى لغاية 2008 فقط
انا عربيتى 2007 اشترتها مستعملة وكانت الحرارة بتهيس برضه لغاية لما غيرت حساس الحرارة والمشكلة انتهت الحمد لله
انا مركبتش التقفيل المصرى لكن صنايعية التوكيل وناس كتير بتقول ان التقفيل الصينى افضل من المصرى بكتير ( اكيد طبيعة العامل البشرى هتفرق )
ارجو ان اكون قد افدتك

**ابوجنى2112** · 04-08-2013 01:05 AM

والله ليك وحشة ياعربى ...فيتك ياحبيبنا

**mohamedsaber2** · 23-08-2013 06:43 PM

أرجو تقبل أسفي لكن إسمحلي أقول رأيي ان العربية دي معفنه اوي بحكم تعاملي معاها لمدة سنة و8 شهور :(

**mohamed1979** · 25-08-2013 12:10 AM

المشاركة الأصلية كتبت بواسطة mohamedsaber2

أرجو تقبل أسفي لكن إسمحلي أقول رأيي ان العربية دي معفنه اوي بحكم تعاملي معاها لمدة سنة و8 شهور :(

ممكن اعرف سبب رأى حضرتك ده لأنى ان شاء الله مقبل على شراء السياره
يعنى هل فيها عيوب صناعه ، او سوء تقفيل ، وجه نظرك تهمنى للأهميه

**mohamedsaber2** · 07-09-2013 07:33 AM

المشاركة الأصلية كتبت بواسطة mohamed1979

ممكن اعرف سبب رأى حضرتك ده لأنى ان شاء الله مقبل على شراء السياره
يعنى هل فيها عيوب صناعه ، او سوء تقفيل ، وجه نظرك تهمنى للأهميه

بص يا غالي, اولا الخدمة فالتوكيل زي الزفت.

اما بخصوص العربية فتقفيلها مش حلو, الصاج بتاعها طري ومش بيستحمل.
الالوان بتروح من عالعربية.
بتتأثر من أقل حكة أو أقل خبطة فالكصدام تلاقيه ضرب من الجناب.
العربية بتتفكك! إزاي؟؟؟ في اجزاء منها بتتخلع لوحدها مع الوقت من اشهر هذه الاشياء هتلاقي الجلدتين الي موجودين فالسقف بيتخلعوا ودي مشكله في كل العربيات مش مشكلة عربية ولا اتنين. الكوتش خامه ردئية جدااااااااا.
الحاجة الكويسة الوحيدة من وجهة نظري هي الموتور فقط.

العربية كانت معايا سنة و8 شهور غيرت لها مرة ديسك واسطوانه ومره طقم دبرياج (عارف ان ده تقل رجل فالسواقه).

انا بحكم خبرتي في سواقة عربيات كتير مكنتش مستريح معاها, وبعدين لاقيت الكرسي بتاعها بيتخلع !!! لوحده معرفش ازاي!

التكييف الكباس بتاعه باظ ولما سألت بتاع التكييفات قالي عادي, هي العربيات دي كده.

إعادة البيع هتقل معاك جااااااامد.

انا كانت معايا بعتها على 47 الف وكانت عامله 85000 كيلو متر وفيها شوية حكات وخبطات والتكييف محتاج كباس.

عموما استخدامك غير استخدامي لو هتحافظ عليها وتعملها صيانة دورية فالتوكيل وتكون ايدك فيها باستمرار يبقى ان شاء الله هتعيش معاك, غير كده ماوعدكش :)

سلام

**kobara** · 11-09-2013 11:23 PM

التوكيل دة اسوا توكيل فى مصر ولو رجع بية الزمان مكنتش اشتريت العربية دى الناس بتوع التوكيل دول قمة فى سوء معاملة العملاء دة غير الاستغلال الشديد فى تغيير كل شىء فى العربية عندهم مهندس ولا فنى مش عارف اسمة حسام دة ماسك المعاينات والتصليح فى الدراسة الراجل دة قمة فى قلة الذوق فى التعامل اما تتناقش معاة تحس انوا شخص مش طايق يكلم حد دة غير الجشع وقلة الذمة فى تغيير مكونات السيارة اللى حتى ممكن تكون كويسة بس كل همة التغير غير غير بس دة غير انهم ممكن يكرروا بند مرتين فخلى بالكم عموما يا جماعة نصيحة اوعى حد يشترى العربية دى واللى هيشتريها يعرف انوا بيتعامل مع توكيل لادا فعلا تحس انك مش عميل عندهم تحس انهم مشغلينك عندهم لازم الناس تفكر فى التوكيل وانو يكون محترم قبل ميشترى اى عربية , حسبنا اللة ونعم الوكيل .

**gonet** · 16-09-2013 07:58 AM

ياجماعة تنصحوني بالشراء ولا لا لاني كنت مقتنع جداً بس بعد اخر مشاركتين ابتديت اتردد انا بفكر في الاتوماتيك والسعر كام دلوقتي ومواصفاته بالكامل لو امكن وهل فيه خدمة صيانة في الصعيد ولا لا ( المنيا )