يا أبو حميد يا مصيتنا ..
رقم العضوية : 133020
تاريخ التسجيل : 03Jan2013
المشاركات : 418
النوع : ذكر
الاقامة : CAIRO , EGYPT
السيارة: BYD F3
السيارة[2]: FIAT SIENNA
الحالة :
السلام عليكم
من يومين كده كنت مع واحد صاحبى معاه شاهين و كان عايز يوضبها توضيبه حلوه عشان يبيعها و يجيب رينو لوجان مستعمل , هو كان قافله معاه خالص موضوع العربيات الصينى , فسيبته على راحته , مرضيتش اتجادل معاه كتير فل كلام , المهم قولتله , أول حاجه تعملها فى الشهين انك تكشف عل بارومه , دى أول حاجه قبل أى شكل و تظبيط , عشان حتى لو فل أخر إحتفظت بيها و مرضيطش تبيعها , تبقى مطمئن على كل حاجه فيها من الالف للياء , طيب شويه و جوعنا أوى , قلنا نروح عند البان المالكى اللى جنب الميريلاند نضرب اتنين رز بلبن بالايس كريم , لقينا نفسنا جنب القرش بتاع العربيات , الله , قولتلوا ما تيجى أوريك اللوجان من جوه و كده عشان تتفرج عليها ما دام عجباك أوى كده , ماشى يا عم , روحنا لقينا شوية عربيات تعقد , صاحبى ده طبعا لما يقارن عربيتو الشاهين بأى عربيه من الجامدين أوى دول , يحس بأنه بيقارن بسكلته بصاروخ , أوبشنز ايه و رفاهية ايه و تكنولوجيا ايه و تصميم ايه و بالأخص العربيتين الأوبل استرا الجديده و الفورد فوكاس , على رأى الخليجيين : موووووووووووووولع , قالى كفايه تعقيد كده انا خلاص حروح اشحت العربيه للبواب , سيبك من الصواريخ دول و تعالى نبص عل لوجان و حياة أغلى حاجه عندك , انا خلاص مش قادر , كفايه تعقيد , ضحكت و استجبت لتوسلاته و روحنا سألنا عن فين اللوجان عرضينها , اهى هناك اهى , روحنا لقينا اتنين شباب واقفين زيننا كده جايين يتفرجوا بس قعدوا يفلوا فيها و فتحوا الكبوت , شوفوا , هما عملوا كل حاجه إلا انهم ينزلوا تحتيها , ok , المهم , حبيت استفزهم بمعلوماتى عن العربيه و اشوفهم كده حيعملوا ايه , فا فتحت الباب و بصيت على اللحام اللى فل عتبه اللى تحت الباب الخلفى , و روحتلهم , ساتمو عليكم , يا رجاله انتو ليكم فل عربيات و بتفهموا فيها و كده , طيب ممكن حد يقولى هو ده عادى و لا ايه , اللحام اللى تحت ده , طبعا كلوا ولع نور الموبيلات عشان يعرفوا يبوصوا و يدققوا كويس فل ضلمه , قالولى انت اتفرجت عل فيديو بتاع المهندس اللى عامل مقارنه بين اللوجان و الساجا عل يوتيوب , مش كده ....... يا ولا اللعيبه , طلعوا دارسين العربيه و عارفين خباياها , و من هنا اتعرفنا و اتكلمنا و اتحكينا و اتصاحبنا , و اثناء الحديث قعدوا يشتموا فل عربيات الصينى و انا ساكت و صحبى يــــــــــــــــــــــــ ـــــضحك , و انا ساكت و صحبى يــــــــــــــــــــــــ ــضحك , بعدين قالولوا فيه ايه يا عم مالك مسخسخ كده , قالوهم اصل اللى انتوا بتتكلموا معاه ده جاب بى واى دى.
ليـــــــــــــــــــــــ ـــــــــــــــــــــــــ ـــــــــــــــــــــــه كده يا ابنى , عملت فى نفسك كده ليه
طيب ايه اللى خلاك تعمل كده , كنت تحت تأثير الزفت اللى مالى البلد و مبوظ شباب مصر و لا ايه
قولتلهم لو عايزين تعرفوا القصه كامله , خشوا على منتدى نايل موتورز , قسم بى واى دى , موضوعى بإسم : ليه اشتريت البى واى دى 2013 و اسمى عل منتدى ahmedselaraby
هوووووووووووووووووووووووو ا أنـــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــــت !!!
أنـــــــــــــــــــــــ ـــــــــــــــــــــــــ ـــــــــــــــــــــــــ ـــت !!!
- ايه يا جماعه , ايوه انا اللى كتبت الموضوع ده , فيه ايه
طلعوا انهم قرأوا الموضوع و تقريبا كده مصر كلها قرأته
طبعا ساعتها انبسط أوى انى أقابل أحد معجبينى و ممن قرأوا أحد أعمالى المنتداويه
و كنت كل ما أقولهم على حاجه , واحد فيهم يقولى , ايوه انت كنت كاتب مكده فل موضوع بتاعك , انت بتتكلم بالضبط زى الموضوع بتاعك ,,,,,, حقيقه حاجه تفرح
و جمعتنا مواضيع كتير عن شتى ماركات السيارات , النيسان و البريليانس و التيدا و الصنى و اللوجان و البى واى دى و الفيرنا و الانوس .........
و حال البلد و موضوع البنزين و كوبونات البنزين و الدولار و مش الدولار و قرار الشراء و ناس تيجى أسره مثلا تلاقينا بنتكلم عن العربيات , تيجى تسألنا أنهوا أحسن دى و لا دى , و إحنا نرد ديه مميزتها كذا و عيوبها كذا و ديه اه حلوه و ديه بلاش ..............
و فى الاخر عرفت اقنعهم انهم على الأقل يبوصوا على البى واى دى من باب العلم بالشىء , مش حيخسروا حاجه , و عرضت عليهم لو عايزين يشوفوا عربيتى , أهلا و سهلا , كلمونى و انا اقابلكم و تشوفوها يكمن تغيروا رأيكم عن الصينى
الصراحه كانوا جينتل أوى و أخلاقهم عاليه و تحس كأنك تعرفهم من زمان
بعد ما سلمنا عليهم و مشينا , صاحبى قالى , يابن اللذينا , ده انت اقنعتهم بالبى واى دى يفكروا فيها بعد ما كانوا افلين من الصينى كله
يالا شكرا ,,,,, نلاقم الحلقه القادمه
رقم العضوية : 5577
تاريخ التسجيل : 12Feb2008
المشاركات : 4,439
النوع : ذكر
الاقامة : cairo
السيارة: يا رب
السيارة[2]: Fiat One twenty eight M/T
دراجة بخارية: لا يوجد
الحالة :
يا أبو حميد يا مصيتنا ..
Life's too Short for the Wrong Job
ziabassem سابقا
رقم العضوية : 133020
تاريخ التسجيل : 03Jan2013
المشاركات : 418
النوع : ذكر
الاقامة : CAIRO , EGYPT
السيارة: BYD F3
السيارة[2]: FIAT SIENNA
الحالة :
الصيت و لا الغنى يا استاذ باسم ,,,, و خلاص بقه ماتكسفنيش
‫محمد سعد يغني : مكسوفة منك (فسفوسة)‬‎ - YouTube
رقم العضوية : 691
تاريخ التسجيل : 15May2007
المشاركات : 1,037
النوع : ذكر
الاقامة : اسكندرية
السيارة: Waiting
السيارة[2]: EXCEL1300
دراجة بخارية: لا
الحالة :
سرد جميل
بس ايه الدماغ العالية دى :)
رقم العضوية : 133020
تاريخ التسجيل : 03Jan2013
المشاركات : 418
النوع : ذكر
الاقامة : CAIRO , EGYPT
السيارة: BYD F3
السيارة[2]: FIAT SIENNA
الحالة :
بسم الله
الحلقه ديه تكمله لموضوع "ليه اشتريت البى واى دى"
النهارده حنتكلم عن المستعمل و خواذيقه
حد قريب منى جدا من غير ما اذكر صلة القرابه , كان جاب شيفروليه افيو مستعمل من سوق السيارات
طبعا كانت حالتها تبدو نظيفه و الراجل مغطى الصاج بالبتاع الاستيكر الابيض الكبير ده اللى بيغطو بيه العربيات اللى بتبقى لسه فى الاجانص , اوك كده
لما شال الاستيكر ده لاقى تحتيه بلاوى كانت متغطيه , تجريحات و نقر و خلافه ,,,,,,,,,,,, عادى ,,, كلها حاجات بسيطه بس ساعتها بتزعل
المهم نخش عل جد بقه
من كام يوم كان سحب العربيه ضعيف و فيها حاجه مش مظبوطه , فراح وداها مشكورا للوكيل يكشفوا عليها , المهم الموضوع كان قطعة غيار لازم تتغير مش فاكر ايه بالضبط و العربيه لسه فل ضمان تخيلوا , الوكيل كذب عليه و قالوا ان القطعه مش موجوده عشان طبعا حيخدها ببلاش عل ضمان , فلما كلمهم فل تليفون و عمل نفسه واحد تانى قالولوا اه موجوده , عشان حيدفع مش حيخدها بلوشى عل ضمان , و لما كشفلهم عن نفسه و واجههم , قالولوا اصل احنا ماقولنلكش انها موجوده عشان القطعه ديه محجوزه لعميل ,,,,, شوف الكذب ,,,,,,,, ام هددهم انوا حيكلم حماية المستهلك و حيعمل محضر فل قسم ,,, المهم غيروهالو
نيجى بقه لزيتزنة الموضوع ,, لما كشفوا على العربيه فل الكمبيوتر ,, قالولوا انها متغيرلها موتور كامل
العربيه ديه كان فيها عيب صناعه فل موتور و صاحبها غيرلها الموتور كامل فل وكيل منصور فى اول 100 كم للعربيه
يانهار اسووووووووووووووووووووووو وووووووووووود
لاء المصيبه لسه جايه
صاحب العربيه ديه كان مرخص تلات سنين اول ما استلم العربيه و لما غير الموتور ,,, ماسبتش ده عل رخصه ...
يعنى العربيه مش حينفع تترخص تانى ,,,,,,,,,,, غير إذا
1- جاب اوراق ثبوت تغيير الموتور من المالك القديم ,,,,,,,,,,,,,,,,,,,,,, إنسى , ده غالبا سافر البرازيل
2- جاب ما يثبت من أبو رواش ,, أوراق و إجراءات و تعقيدات و مشاكل إداريه ,,,,,,,,,,,, موت يا حتخودلها بالميت خمس ايام تفرغ و مشاويير و شحططه
3- الحل التالت انه يبيع العربيه لواحد تانى يلبس و هو يسافر البرازيل زى الاولانى
انا حكيت القصه ديه عشان فى رحله بحثى عن سياره , كان فيه فل اختيارات نيسان صنى مستعمل و الحمد لله بجد
نشوفكم الحلقه القادمه
رقم العضوية : 3737
تاريخ التسجيل : 16Dec2007
المشاركات : 1,830
النوع : ذكر
الاقامة : cairo-makkah
السيارة: byd L3 Auto 2015
السيارة[2]: Ford explorer 2008
دراجة بخارية: i don't have
الحالة :
ياريت الناس تستفيد من التجارب الفحت بتاعة حضرتك وانا بصراحة لى راى وقناعة وصلت لها بعد سنين مع المستعمل انه اللى عايز يركب عربية يبقى لازم زيرو ممكن هيغرم هيستلف هيتعب لكن هيرتاح على الاخر بعد كدة وكفاية انه العربية من اول يوم خرجت من المصنع زيرو تحت ايديك حافظ كل مسمار فيها وبتمر السنون وهى معاك ومحافظ عليها وحاسس بالامان وانت راكبها وتقدر تروح اى مكان مهما كان بعيد حتى لو هتمشى 10000 كيلو متواصل مع اسرتك ومكيفك تلاجة ..........الخ
انما المستعمل هو عبارة عن اكبر مقلب هتشربه فى حياتك مهما كانت حالتها كويسة وعمر صاحبها ما هيعرفك عيوبها ولا مشاكلها واسوء شئ لما المقالب تبدا تظهر فى الوقت غير المناسب يعنى طريق سفر واولادك معاك ساعتها هتندم وهتحس انه كل الفلوس اللى دفعتها راحت عليك
تقبل تحياتى
لعمرك مـا الإنسـان إلا بدينـه فلا تترك التقوى اتكالاً على النسب
فقد رفع الاسلامُ سلمـانَ فـارسٍ وَقَدْ وَضَعَ الشِّرْكُ الشَّرِيْفَ أَبَا لَهَبْ
رقم العضوية : 130473
تاريخ التسجيل : 21Oct2012
المشاركات : 2,922
النوع : ذكر
الاقامة : الأسكندرية
السيارة: كانت 128 زستافا
السيارة[2]: فليشيا كومبى 1997
الحالة :
انا اختلف مع حضرتك انا بقالى 32 سنة ركبت فيهم 3 عربيات مستعمله اول واحده 1100 فيات موديل 1969 لمده 15 سنة والتانية 128 موديل 1980 لمده 15 سنه والأخيرة سكودا فليشيا موديل 1997 سنتين وكل عربيه كانت 10/10 طوال المدد دى وده طبعا توفيق من ربنا اولا وثانيا الخبرة الكبيرة ليا فى العربيات و الصنيعى الأمين ومش مشكلة التكاليف وحتقولى ليه مستعمل؟؟
طبعا العربية المستعملة هى قديمة اصلا فمبتخصرش فيها كتير عند بيعها ثانى حاجة انا باشترى عربيات قطع غيارها متوفرة وبشترى دائما عربية غشيمة متبهدله مش كويسه بس المهم الشاسية ودواخل العربيه وبعد كده كام الف جنية مع صنيعى فاهم تمام بربى العربية وبتبقى احسن من الجديده وحاليا انا بشجع اى حد على شراء العربيات المستعمله مع اتخاذ كل الحذر فى الشراء وتكشف على العربية كويس وتعمل رنج كام الف للاصلاحات فمثلا 80000 جنية تشترى مرسيدس او bmw h او سكودا اوكتافيا مستعملة وتصرف عليها 20000 كمان يبقى الأجمالى 100000 جنية تضرب اى عربية صينى بالجزمة وتعيش معاك 15 سنه امان وكفائة وطبعا قطع غيار متوفره و العربية الجديدة مكلفة فى الحوادث لاقدر الله وشاسية ضعيف جدا وطبعا عادى تلاقى العربية تتعطل ده عادى مهى ماشية فى شوارع مصر المحروسة مطبات وتراب وبنزين معفن مليان تراب وميه ويسلام لو قطعة غيار مش موجودة حتى جوه التوكيل طبعا ده عادى جدا فبصراحة انا بقول لالالالالالالالالالالالال ا للصينى واسف على الأطاله !!!
رقم العضوية : 133020
تاريخ التسجيل : 03Jan2013
المشاركات : 418
النوع : ذكر
الاقامة : CAIRO , EGYPT
السيارة: BYD F3
السيارة[2]: FIAT SIENNA
الحالة :
بسم الله
أولا تسمحلى أشكرك على مرورك الكريم علينا هنا فى قسم بى واى دى و الإهتمام بالمشاركه و إبداء رأيك , حتى تعم الإستفاده و لا بأس من إختلاف الأراء , فلولا إختلاف الأذواق لبارت السلع
حقيقة أن مشاركتك هذه مست أعماق مشاعرى و باطن تفكيرى
يا سيدى الفاضل , أنا شاب ابلغ من العمر قرابة 28 عاما , تربيت على ثقافة السيارات من المدرسه و النادى و الجامعه و الشارع و التلفزيون و المجلات و ملاحق السيارات و انت أكيد كذلك مثلى.
نحن جيل عرف رامى سرى و عمرو ماجايفر و أخرون من دونهم الله يعلمهم ممن يهوون سباقات السيارات و يحترفونها إحترافا مثل الاوتوكروس و غيره و أنت أكيد مثلى من هذا الجيل
و حتى السباقات العشوائيه التى تحدث ليلا فى مساكن شيراتون و جامعة الدول و صلاح سالم العرويه و غيرهم
نحن جيل وقف معجبا بفن التخميس اللى هو ال drifting و سباقات المواتير اللى هى ال drag race و حلم و حاول و جرب و نجح و فشل و كسب و خسر و مازال عشق السيارات يجمعنا و يقربنا و مازالت روح المنافسه فينا تشعل حماسنا و شجاعتنا التى قد تصل فى أغلب الأحيان إلى تهور , و أنت تعلم و أنا أعلم.
أود أن أصل فى كلامى إلى انه طبعا إذا ذكرت السيارات , فيجب أن يكون على رأس قائمة الذكر المرسيدس و البى ام دبليو , لا يوجد (( إثنين)) مننا نحن هذا الجيل يختلف فى هذا.
طبعا , و هل يخفى القمر
هاتين الماكينتين الألمانيتين , سحقا لكل السيارات الأخرى بل سحقا مرة أخرى لكل السيارات , سحقا للأبد.
ألمانيا ,, بلد الصناعه الأولى فل عالم , إذا ذكر الصناعة , ذكرت ألمانيا
أتذكر مثل من الأمثله العالميه يقول : لو الموت كان ألمانيا فقم بشراءه , معنى هذا المثل أن الألمان برعوا فى صناعة كل شىء لدرجة جعلت الناس تقبل على شراء منتجاتهم مغمضين العين و حتى و لو كانوا يصنعون الموت ذات نفسه , سيقبل عليه الناس من فرط براعتهم.
و كم انتى جميله أيتها ال BMW , وقفت يوما محتارا , ما الذى بجذب عينى دائما للبى ام دبليو , ما الذى يجعلنى أعشق شكلها و لا ينافسها فى عشقى أى سيارة أخرى , هل هى الشبكه الأماميه المزدوجه , هل لأن العجل الأمامى مرحل للأمام جدا بحيث يكون الكابوت كله خلف العجل الأمامى و بذلك يعطى مظهرا رياضيا خلابا , لا أعرف و لا أريد أن أعرف , كفى إنى أعشق النظر إليها و لا أخفى عليكم , أرغب فى إمتلاكها
عندما كنت عند معرض القرش بجوار الميريلاند , أنا و صديقى كنا نأكل الأرز باللبن بالأيس كريم من عند ألبان المالكى , و فى نفس الوقت ننظر إلى السيارات الجديده بإعجاب , سألنى صديقى كاسرا الصمت : أحمد ؟ انت لو معاك فلوس كتير اوى و مش فارقه معاك خالص ,حتجيب عربيه ايه ؟
تصوروا الإجابه , اخرون غيرى عند هذا السؤال بالتحديد قد يشطحون بخيالهم و يكون جوابهم : فيرارى , لامبورجينى , مازيراتى , بنتلى , بوجاتى , رولزرويز , استون مارتن , بورش , مايبخ , باجانى زوندا ......
و لا أى من هؤلاء جاوبته , قلت له BMW 3 SERIES 2013 !!!
يا الله
هيا بنا نرجع لأرض الواقع مره أخرى
فعلا , قبل شراء البى واى دى الصينيه , كنت أفكر جديا فى شراء بى ام دبليو مستعمل , حلم حياتى من الطفوله و المراهقه , و سألت من حولى ممن أثق بهم و فى أراءهم و كان جوابهم كالأتى :
مش حتقدر عليها و لا على مصارفها , قطع غيارها غاليه جدا , و تكاليف صيانتها باهظه , و كذلك ترخصها و ضرائبها
فمن يركب بى ام دبليو او مرسيدس , يجب ان يحافظ عليها و يصونها , و يعلم جيدا , اينعم السياره موديل قديم و مستعمله و لكنها مكلفه فى مصاريف تشغيلها و صيانتها , و على رأى المثل الشعبى "مفيش حلاوه من غير نار"
أنا موظف , دخلى هو مرتبى , متزوج و عندى طفل , أعباء الحياه طاحنه و الفرصه لم تأتى بعد , يعنى بالعاميه "زمنى لسه ماجاش"
و أنا مقتنع ان المفروض الواحد لا يلبس ثوب غير ثوبه , و على قد لحافك مد رجليك
ربنا مخلقش الناس كلها متساويه فل أرزاق , كل واحد له رزقه , و له دخله و له مسؤلياته
مش معنى انى صرفت نظر عن البى ام دبليو , يعنى انى صرفت نظر طوال حياتى , الحياه مراحل و محدش بياخد كل حاجه مره واحده و الحمد لله أوى عل انا فيه
ان شاء الله يجى اليوم اللى ابقى استاهل فيه البى لم دبليو و ابقى معايا مهرها
صحيح , انتوا عارفين انا بشبه البى ام دبليو المستعمله ديه ب ايه ؟ , بشبهها ببنت ثريه جدا و من عيله غنيه جدا بس مطلقه , لو اتجوزتها , صحيح مش حتدفع مهر غالى اوى و مصاريف جامده , هى أصلها مطلقه فا منكسره مش حتطلب كتير فل أول ,,, لكن يا معلم لازم تعيشها فى نفس المستوى اللى كانت عايشه فيه مع أهلها , فساتين من بره و أكل فاخر , كافيار و لحم غزال و بيض نعام و تاخودها تفسحها فسحه ممكن تكوع فيها اد مرتب عشر موظفين قطاع خاص كمان.
الله الغنى
انا ليا بس طلبين منك يا قمر ,,, و الله منورنا
الطلب الاولانى , بلاش إستخدام لفظ الضرب بالجذمه , ده لو سمحت , ليه ؟ , حكلمك بصراحه و من القلب , انا بحب عربيتى و بينى و بينها حاله حب , فامحبش حد يقول "عربيه تضرب عربيتى بالجذمه"
, الكلام ده بيضايقنى , و بيزعلنى , و أى انسان محترم متربى على خلق برضه الكلام ده حيزعله , فأكون شاكر ليك لو استخدمت مثلا مصطلح زى "عربيه أحسن و أفضل من عربيتى.
الطلب الثانى انك تعمل بحث عل نت على صناعة السيارات الصينيه عشان تعرف الناس ديه وصلت لأيه و ماشيين ازاى و كيف هو شكل المؤشرات الداله على مستقبل صناعة السيارات الصينيه ؟, هل الؤشرات تقول نعم ستكتسح ؟ أم لا ستنحسر ؟ ,,, من واقع بحثى أقول لك بالفم المليان
نــــــــــعــــــــــم أوو ى ى ى ى ى ى ى ى ى ى ى ى ى ى ى ى
أشوفكم الحلقه اللى جايه , سلامو عليكم
التعديل الأخير تم بواسطة ahmedselaraby ; 22-03-2013 الساعة 02:15 AM سبب آخر: نسيان و سهو
رقم العضوية : 3737
تاريخ التسجيل : 16Dec2007
المشاركات : 1,830
النوع : ذكر
الاقامة : cairo-makkah
السيارة: byd L3 Auto 2015
السيارة[2]: Ford explorer 2008
دراجة بخارية: i don't have
الحالة :
ردك كان ممتع جدا يا اخ احمد بغض النظر عن انه مقنع ام لا ولك اسلوبك المتميز بجد وصرت نجم من نجوم المنتدى فى فترة قصيرة جدا
ثانيا كل واحد وله وجهة نظره التى تحترم طبعا لكن انا غير مقتنع بوجهة نظر الاخ الفاضل وانا كان لى تجربة سيئة جدا فى السعودية مع سيارة كابرس طبعا السيارة دى فى مصر سعرها غالى جدا اكتر من سعر البى ام والمرسيدس اللى الاخ الفاضل بيفضلها وطبقت وجهة نظره بشراءها رخيصة ومستعملة واظبطها انا على كيف كيفى وللاسف
صرفت اكتر من ضعفين تمنها والاخر رميتها خردة فى التشليح (الوكالة بس بالسعودى اوعى حد يفتكر حاجة وحشة) ب الف ريال وكان ممكن بالمبلغ ده اشتريت سيارة زيرو كورى ولا حتى صينى وكنت مشيت بيها مشاويرى بدون مشاكل ووجع قلب وتصليح ده لانه ظهر فيها عيب عجيب غريب لم يفلح فى تصليحه اعتى الميكانيكية فى المملكة العربية السعودية وماحدش يقول لى اصلهم مستواهم موش زى اللى فى مصر هاقولك لا غير صحيح ناس على اعلى مستوى وعندهم اجهزة كشف بالكمبيوتر على السيارة وتلات ارباعهم كانوا مصريين
ولو انا مستواى الاجتماعى مرتفع لدرجة انى هاركب بى ام هاشتريها زيرو برضه نفس المبدأ
انا لى واحد صديق دكتور زميل لينا بس هو كبير فى السن شوية كان دايما ينصحنى انه لما اشترى سيارة لازم تكون زيرو حتى لو نوع اى كلام لانه الاحساس بالزيرو مختلف تماما عن اى سيارة مستعملة مهما كانت ماركتها عالية واعطانى مثل بالمراة لو جيت تتجوز فارق كبير جدا بين المراة البكر والثيب ولو اتجوزت ثيب(يعنى المراة التى سبق لها الزواج قبلك) مستحيل هتستمع بيها زى البكر حتى ولو كانت ملكة جمال العالم والسيارات نفس المنطق
تقبل تحياتى ومعلش انتم شباب مع بعض وانا راجل عجوز شوية فمعذرة انى دخلت فى الحوار ده
تقبلوا تحياتى
لعمرك مـا الإنسـان إلا بدينـه فلا تترك التقوى اتكالاً على النسب
فقد رفع الاسلامُ سلمـانَ فـارسٍ وَقَدْ وَضَعَ الشِّرْكُ الشَّرِيْفَ أَبَا لَهَبْ
رقم العضوية : 133020
تاريخ التسجيل : 03Jan2013
المشاركات : 418
النوع : ذكر
الاقامة : CAIRO , EGYPT
السيارة: BYD F3
السيارة[2]: FIAT SIENNA
الحالة :
يا نهار أبيض , يا دكتور متقولش على نفسك عجوز , الشباب شباب القلب
و كمان بتعتذر انك دخلت فل الحوار , يا باشا ده بيتك , هو حد بيعتذر انه داخل بيته , و على رأى المثل "بقه البيت بيت ابونا و يجوا الغرب و يطردونا" , يا باشا احنا كلنا ضيوف عند سعادتك.
يا دكتور , مدحك فى إسلوبى وسام على صدرى و ليا الفخر و كفى.
و أخيرا , المثل اللى انا شبهت فيه السيارة المستعمله الغاليه بالبنت المطلقه المرفهه كثيرة المصاريف و المثل اللى سيادتك شبهت فيه السياره المستعمله الغاليه بالمرأه الثيب الأقل إمتاعا عن البكر , لو ضربنا المثلين دول فى خلاط , أكيد حتطلعلنا الميدوسا , و لو مش عارفين مين هى الميدوسا إليكم الفيديو ده
Medusa - Clash of the Titans (Original & Remake) - YouTube
الميدوسا ,,,,, مش حتقدر تفتح عنيك هههههههههههههههه
.................................................. ......... نلقاكم بعد الفاصل .............................................
المفضلات