الموضوع: ليه اشتريت ال بى واى دى اف ثرى byd f3 2013 ؟

اولا مبروك على العربيه بس ماينفعش تقول ان اليبانى مش احسن من الفرنساوى زى مانت بتقول ده برده اوروبى يعنى اعتماديه واداء وعمر افتراضى

السلام عليكم

عندى إستفسار بس قبل ما أسال , عايز بس أشكر جدا الناس اللى واقفه جنبى و بتشجعنى انى اكتب و اقول تجربتى و ازود من عطائى لهذا المنتدى العظيم و مشاركاتى , و برضه اشكر من ينتقضنى او حتى يهاجمنى لأنو طبعا ده بيعمل نوع من إثراء الحوار و فتح سكك جديده و مواضيع جديده بتفيد القراء و المتابعين , و ساعات الهجوم و النقض بيطلع احسن ما عند الواحد و يخليه يجود


أما عن استفسارى فهو : دلوقتى انا عملت بعربيتى البى واى دى حوالى قرابة ال 270 كم و فى دماغى طبعا انى اروح الوكيل عشان صيانة الالف و أسالتى هى كالتالى :

1- ابتدى احجز دور من امتى , يعنى استنى لما تبقى عملا الالف بالضبط و بعدين اكلمهم احجز ميعاد و لا اخليها بدرى شويه و لما مثلا اعمل 800 كم اكلمهم ؟

2- لو رحت و لقو ان العربيه كاسره الالف كم هل الضمان بيروح و لا لحد كام كيلو متر يبقى شغال و مفيش مشكله عادى انا لسه فل ضمان ؟

3- لما اكلمهم احجز او لما اروحلهم , هل اقولهم انى عضو فى نايل موتورز و لا لاء , يعنى هل هيهتموا بيا و يعملولى حساب و لا مش فارقه معاهم , ان شا الله حتى كنت بكتب فل الاهرام ذات نفسيها و لاااااااااا اى اندهاشه ؟

4- طب لو مثلا قلتلهم يشيكو على مستوى زيت الفتيس و لو ناقص يزودوه , هل حيحسبونى على الكلام و لا ده تبع الضمان و لو مش تبع الضمان حيخدوا كام ؟

5- هل لو قلتلهم يرجلشوا قفل الشنطه شويه عشان يبقى اسهل فل قفل , هل حيخدوا فلوس و لا ده عادى بيتعمل بلوشى ؟

6- هل لو قلتلهم يعلوا الدبرياج سنه صغيره مش كتير , عشان انا كنت متعود فى عربيتى اللى قبل البى واى دى ان الدبرياج عالى و لأن دبرياج البى واى دى واطى جدا , يعنى لازم ادوس لحد الاخر خالص و لو رفعت رجلى سنه بسيطه الترس يعشق علطول و انا مش متعود فى سواقتى على كده (مسألة تعود) , فا حيخدوا اتعاب اد ايه , و هل تنصحونى اعلى الدبرياج احسن و لا اسيبه كده و اعود رجلى عليه و خلاص ؟

7- انا سمعت ان الصنايعيه بيبقوا مشحمين و ايديهم كلها شحم و لما بيخدوا العربيه يسوقوها ايديهم بتطبع على كل حاجه بيمسكوها زى الدركسيون و الفتيس و الفرش و خلافه , فهل تنصحونى مثلا انى اكيس الفرش قبل ما اروح الوكيل و مثلا افرش ورق جرايد و كده و لا ايه , اصل انا خايف على الصالون , الصالون اصله لونه بيج و يبان فيه اى حاجه ؟

8- هل ممكن اخليهم يبوصوا على كاوتش الابواب لو محتاج اى تظبيط او لو محتاج يتعاد عل فينيش بتاعه و لا حينفضوا و محدش حيعبرنى ؟

9- لو فيه صوت تكه بيظهر بعد ما اركن و بيتكرر كذا مره و العربيه راكنه بعد مشوار بالعربيه , هل اقولهم و لا اطنش , انا اصلا بسمع الصوت ده عادى فل العربيات بالذات بعد ما بتقف و تبطل الموتور , و اللى اعرفه انو احتمال كبير يكون صوت له علاقه بشدت فرملة اليد , يعنى ممكن تكون فيه حاجه مشدوده بزياده و عايزه تتهوى شويه , ايه رايكم , حد عنده خلفيه عن الموضوع ؟

أرجو من كان له تجربه عن ما يخص النقاط اللى انا سألت فيها ديه , لا يبخل عليا فل معلومه