الموضوع: الحمدلله وقدر الله ماشاء فعل

هقولك على حاجة افضل من دة كلة وامشى معايا بالخطوات :

1- روح عند ميكانيكى وخلية يفتح المكنة من تحت يعنى من غير مايشيل الماتور ولا اى حاجة

2 - هينزل الكارتيرة + والمصفة + الشبكة

3- هيكشف على كل pl ويشوف مين فيهم اللى عامل الصوت دة

4- يفكة ويشوف الكرنك جرالة حاجة ولا لأ , لو لقيت الكرنك سليم ومافيهوش اى حاجة يبقى كدة انت فى السليم هتتكلف سبيكة وتغير زيوت بس
لكن لو لاقدر الله لقيت الكرنك فية مشكلة يبقى ساعتها انصحك بشورت بلوك

5- اهم حاجة فى دة كلة ان يكون عندك واحد كويس يقدر يعمل الشغل لان عايزة واحد فاهم ويكون نظيف

ملحوظة :

اسباب تلف السبيكة الاتى :

1- ضعف فى اداء طلمبة الزيت

2- الزيت وحش وخلى المكنة حرارتها تعلى مع القرص

المشاركة الأصلية كتبت بواسطة Mody_Benz

شكرا ليك جدا على ارائك القيمة ليا

بس دلوقتى انا عايز اعرف هوا هيعمل ده كله من غير مايشيل الموتور يعنى زى فحص هيعمله والميكانيكى الشاطر موجود لكن السبيكة ديه هتكلف قد اية ولو الكرنك طلع سليم الحجات اللى هركبها هتبقى حل مؤقت لحد ماجيب شورت بلوك ولا هيبقى بعد كدة المكنة اغيرلها طلمبة زيت وترجع تفوق تانى والمصنعية للحاجة ديه ممكن تبقى قد اية عشان يكشف على ده كله

وشكرا ليك

لأ طبعا من غير مايشيل الماتور نهائى كلة اللى هيعملة هيرفع العربية , ويفك كارتيرة الزيت , وينزل مصفاة الزيت , ثم الشبكة , هيلاقى كراسى الكرنك ظاهرة قدامة ودية اللى بتكون فيها السبيكة , هيفكها , ويكشف على الكرنك ويتأكد ان مافيش عالى وواطى او لاسعات نتيجة تلف السبيكة

السبيكة مش عارف بقى والله بتاعة السيات بتتكلف بكام بس بأى حال من الاحوال مش هتزيد على 400 جنية يعنى

لأ طبعا مش حل مؤقت , انت بس لو ركبت صح واتظبت صح , واتلينت العربية بعديها صح عشان بعد تركيب السبيكة لازم ليها تليين لا يقل عن 2500 كم , بدون تعدى عدد لفات المحرك ال3000 لفة , انسى خلاص هتبقى زى الفل

والميكانيكى اقصى مصنعية بياخدها فى الليلة دية 300 جنية

والحاجات المطلوبة لعمل القصة دية :

1- سبيكة اصلى ( Standard ) او اى منتج تانى بس يكون نظيف

2- فلتر زيت + زيت شيل 3000 كم multi مش ال mono

3- تنظيف الكارتيرة + المصفاة كويس جدااااااااااااااااااااااا اااا اهم حاجة

4- تغير الزيت والفلتر بعد 500 كم بنوع زيت مناسب للسيارة ( او اللى انت متعود تحطة فى السيارة )

5- عدم القرص على المحرك تماما لمدة 2500 كم

وان شاء الله كل حاجة تبقى تمام

نصيحة من أخوك
لو فتيسك تمام و المحرك ده نفسه زي الفل معاك و كان مريحك كسحب و مشي و تكييف قبل ميحصل فيه كده يبقي خليك ماشي عليها لما تجيب اخرها او يتوفر معاك فلوس و غير شورت بلوك بنفس المحرك و خلي ميكانيكي يفكلك شورت بولك من محرك سليم و عي ضمانته

لكن لو فتيسك بعافيه و المحرك مش عاجبك و عايز تعليه يبقي تسقط موتور كامل بكل مشتملاته و تبقي فله لو لقيت محرك شبه بتاعك 1600 و تغيره من غير تغيير الضفيره و تغير كنترول بس تبقي تمام