اول 200 باللينيا 2013 عقبال ال 220 ان شاء الله

**Formulator** · 05-01-2013 12:36 PM

ماشاء الله
خف رجلك شوية ياعم الحاج!!
العربية لسه جديدة، والموتور محتاج bed-in؟؟!!!

المشاركة الأصلية كتبت بواسطة amrgamal_14t

عاااااااش !! طب على كدة bravo 1.4 turbo تجيب كام؟؟
أنا أعلى حاجة جبتها 190 بس هديت بعدها

أعلى حاجة جبتها 220 (برافو T-JET120 دا ستوك طبعا)،
فلتر و Exhaust (+بنزين 95) ممكن تجيب 225 -230 لو downhill

- برافو T-JET150 مانيوال بتجيب 230-235 عادى

بس مش كل ده هو المهم..
المهم بتجيبهم فـ قد أيـــــــــــــه؟؟

شوف كده الرد اللى جاى:

المشاركة الأصلية كتبت بواسطة lanos2004

انا على الطريق دة اخرى 190 --كدة انته تطلع منى مرتاح ما شاء الله

ماهو ده اللى بتكلم عليه..
انت على ما تجمع سرعتك وتوصل للـ200 بتاعتك، هيكون الطريق خلص

البرافو أول لما يمسك المحور.. Full-Throttle وشيفت عـ الـred-line..
هيجيب الـ200 قبل نص الطريق أو بعدها لو مش حارق جامد -عن تجارب

1500سى سى 110 حصان على وزن 1100 بيعملوا شغل كويس

صحيح
البرافو وزنها بيوصل 1300-1360 كجم
بس عزمها أعلى منك بـ50-60 نيوتن (دا 30-35% زيادة)، واللى يقدر على وزنها الثقيل..

و الفرق اللى هيعملوا عليك فـ الأول؛ (تسارع فـ الـLow-end والـMid-range)...

هتاخد انت وقت على ما تجمعه؟!!
(دا بفرض ان التوب-سبيد عندك أعلى)؟؟!!!

**mohamed1** · 05-01-2013 06:18 PM

بسم اللة ما شاء اللة
ربنا يباركلك فيها
بس ليا سؤال هوة الموتور ايطالى ولا برازيلى وهل قطع الغيار ايطالى والتقفيل تركى؟

**graffittiii** · 05-01-2013 08:09 PM

المشاركة الأصلية كتبت بواسطة eng_ahesham

رايكم بقي يا رجالة

أنا قولت من الأول ... اللي خايف يروح ...

بسم الله ماشاء الله ربنا يباركلك ... بس بلاش جري كتير ...

المشاركة الأصلية كتبت بواسطة Formulator

انت على ما تجمع سرعتك وتوصل للـ200 بتاعتك، هيكون الطريق خلص

ههههههههههههههه لما قريت الكومنت ده i feel like

أيوه ... أنا عندي نفس المشكلة دي

وشربت بريل وعملت كل حاجة وأقنعت نفسي أن العيب في الطريق ...

**Recaro** · 05-01-2013 09:10 PM

ما شاء الله الله يباركلك فيها.. كتير عجبنى تجميعها من 80 الى 120 بس كنت اتمنى تبدأ تصوير التسارع من 0 كم ...
____________________
هيا اللانوس بتجرى أصلا؟؟
____________________
اخر مره جبت فيها الرقم ده كنت بجرى مع جيتا tsi على طريق الاسماعيليه وابن اللذين بعد ال 200 لقيته طالع منى كأنى راكب اوتوبيس نقل عام وصوت التوربو مش مفارق ودانى لحد النهارده :-(

**eng_ahesham** · 05-01-2013 09:39 PM

المشاركة الأصلية كتبت بواسطة rockeromda

السلام عليكم
ما شاء الله الفيات عربية رائعة لكن خللي بالك مش كل مرة تسلم الجرة يعني بلاش تكتر الموضوع ده اعمل حساب الناس لو مش خايف على نفسك!
اسمه محور الشهيد - اسم محور المشير طنطاوي ده بيستخدموه الجماعة بتوع السياسة بس ضمن الخروج الامن لاخوانا البعدا
انما هو محور الشهيد

ربك يسترها ان شاء الله ... اصل الجري مع الثبات و التحكم ده افيونه بعيد عنك

**eng_ahesham** · 05-01-2013 09:40 PM

المشاركة الأصلية كتبت بواسطة kareem.elaraby

ما بلاش انت بالذات

هههههههههههه اشمعنه يا كيمو عمل ايه افضحهولنا

**eng_ahesham** · 05-01-2013 09:42 PM

المشاركة الأصلية كتبت بواسطة amrgamal_14t

عاااااااش !! طب على كدة bravo 1.4 turbo تجيب كام؟؟
أنا أعلى حاجة جبتها 190 بس هديت بعدها

والله ان برضه هديت لو تلاحظ عند ال170 و تلاقيني بقلب نور علشان سواق مقطوره مغفل قفل عليا
لولاه كنت قفلت والله
بس ملحوقة ان شاء الله

**eng_ahesham** · 05-01-2013 09:43 PM

المشاركة الأصلية كتبت بواسطة حماده المصري

عسل

بس ابقى خلي بالك

عنيا يا عسل

**eng_ahesham** · 05-01-2013 09:44 PM

المشاركة الأصلية كتبت بواسطة s o p h o s

ما شاء الله
ربنا يبارك يا باشا ويستر طريقك
وزي ما نصح اخونا الجميل لانوس ان اقل من 300 يبقي انتحار هههههه
لا مش بجد اكيد كويس 100 يا باشا وعلي مهلك ..

اللهم امين :)
ولانوس ده شاكله خارب الدنيا اصلاً

-

الموضوع: اول 200 باللينيا 2013 عقبال ال 220 ان شاء الله

LinkBack

أدوات الموضوع

عرض

-

-

المواضيع المتشابهه

لانسر بومه 2013 علي الزيرو إن شاء الله

قررت ابيع ال m 11 و اجيب صنى 2013 ان شاء الله

عاوز اعرف اجري باللينيا التربو. ارجو الافادة

قدر الله وما شاء فعل -عملت حادثة باللينيا-

الحمد الله و عقبال الهدف التانى لمصر

الكلمات الدلالية لهذا الموضوع

المفضلات

المفضلات

ضوابط المشاركة