عربيتك على شاسيه ولا على علب؟؟؟ اتعرف على طرق بناء السيارات

**MohammedAladel** · 20-01-2013 02:38 PM

ممتاز جدا

بس عايز أفهم ليه المناطق اللى عليها أحمال معرضة بصورة أكبر للصدأ ؟؟؟؟

**borio1704** · 20-01-2013 04:45 PM

المشاركة الأصلية كتبت بواسطة MohammedAladel

ممتاز جدا

بس عايز أفهم ليه المناطق اللى عليها أحمال معرضة بصورة أكبر للصدأ ؟؟؟؟

الموضوع ده كبير شوية

إنما باختصار.. أي معدن مهما كان مرن... بيحصله شقوق ميكروسكوبية صغيرة جدا على السطح بتاعه لما بيتعرض لحمل

في الحالة دي .. بدل ما الصدا يبقى على السطح الخارجي بس.. الصدا بيدخل جوا عمق المعدن ويضعفه أكتر... والصدا يفضل يمشي واحنا مش واخدين بالنا إلا لما يظهر الصدا بوضوح أو يحصل كسر مفاجئ لا قدر الله

الموضوع ده بيسموه Stress Corrosion أو تآكل الإجهاد، وفي ظاهرة معروفة باسم "التعب" أو Fatigue مشهورة أوي في حالات الكسور المفاجئة، وليها نفس الأسباب.

ممكن نزود سمك المعدن.. وده هيطول العمر بدون شك .. بس كده الوزن هيزيد... واحنا مش عايزين كده

إنما لو غطينا السطح بمادة تمنع الصدا.. المادة دي هي اللي بيحصلها التشقق الأول... وعلى بال ما توصل للمعدن اللي تحتها بيكون عدى وقت طويل نسبيا

طبعا .. اختيار المعدن وسُمكه واختيار المادة اللي بتغطيه وسُمكها هو ده اللي المصممين بيعملوه حسب الحمل اللي متوقع إن الأجزاء دي تشيله

...