الموضوع: عربيتك على شاسيه ولا على علب؟؟؟ اتعرف على طرق بناء السيارات

المشاركة الأصلية كتبت بواسطة el prince

موضوع رائع و منظم و مفيد جداً

تسلم ايدك يا باشمهندس - اكيد هندسة سيارات - صح ؟

الحقيقة لأ ... مش هندسة سيارات ... إنما هندسة إنتاج

هندسة الإنتاج ده قسم موجود في هندسة اسكندرية والمنصورة بس ، وموجود في هندسة عين شمس (أو القاهرة.. مش فاكر بصراحة) كشعبة من قسم ميكانيكا

الحقيقة كان نفسي أدخل هندسة سيارات... ويمكن ده الحافز اللي خلاني أذاكر عشان أدخل هندسة أساسا لإني بحب السيارات من صغري ... بس ما قدرتش لكذا سبب

حضرتك عارف.. أنا من اسكندرية... وهندسة اسكندرية ما فيهاش ميكانيكا سيارات.. ومجموعي في اعدادي هندسة ما كانش يدخلني ميكانيكا باور

بعد ما دخلت إنتاج.. لقيت إن القسم ده أحسن بكتير .. يمكن هو ده اللي كنت عايزه وانا مش واخد بالي... خصوصا إني كان نفسي أشتغل في صناعة السيارات.. مش صيانتها


بعد ما خلصت كلية وبدأت أشتغل... حاولت اشتغل في كذا شركة سيارات بعد التخرج... بس الأمور ما اتسهلتش... خصوصا إن مصانع السيارات في مصر بتشتغل بأقل من ربع الطاقة الإنتاجية، يعني غالبا مش بيحتاجو ناس


دلوقتي... وبعد حوالي 17 سنة من التخرج... اكتشفت إني كان لازم أدخل فنون تطبيقية.... لإن أنا أساسا بحب أعمل تصميمات للسيارات... بصراحة بحب الناحية الإبداعية أكتر بكتير من الالتزام بالروتين (مع إنه مهم جدا).

على فكرة ...أنا عندي بعض تصميمات كنت عاملها وانا في ثانوي واعدادي هندسة على مستوى عالي جدا... بس دراسة الهندسة ما كانتش بتخلي فيه وقت للحاجات دي، بس اهتماماتي اتجهت إني أعرف اكتر عن العربيات والأنظمة الميكانيكية اللي فيها




...

ممتاااااااااااز تسلم ايدك :))

ممتاااااااااااااااااااااا اااااااااااااااااز