الموضوع: عربيتك على شاسيه ولا على علب؟؟؟ اتعرف على طرق بناء السيارات

المشاركة الأصلية كتبت بواسطة solyahmed

بالنسبة للطريقة التانية اللي هي علي علب .. الحقيقة هى مش مفهومة خالص والتقرير بيلف ويدور حوليها وبعدين عيوبها ومميزاتها من غير ما يوضح هي اية اساسا ... الحقيقة ما فهمتش حاجة

أهلا وسهلا بحضرتك...

بالنسبة للطريقة التانية (الهيكل الأحادي) والمعروفة في مصر باسم العلب.. فهي مشروحة باختصار في المشاركة نفسها في الجملة دي:

"الكلام ده بيتم عن طريق تصميم جسم العربية وتقوية الأجزاء اللي المفروض إنها حتشيل حمل الوزن وتتحمل القوى اللي بتتعرض ليها العربية وهي ماشية في الطريق، وأحيانا بيبقى فيها شاسيه مدمج في الجسم (ممكن يتعمل من كَمَر أو من ألواح سميكة)."


جسم العربية معروف إنه بيبقى معمول من ألواح معدنية (صاج) بيتم قطعها وتشكيلها حسب المطلوب في مصانع متخصصة، وبعدين الألواح دي بتتلحم مع بعض في مصنع التجميع وتشكل جسم العربية


بس الكلام ده معناه إن أي جسم عربية معمولة بأي طريقة من الطرق الأربعة اللي قلناها بيتعمل بنفس الطريقة (ما عدا العربيات من ألياف الكربون)


طيب إيه بقى اللي يفرق طريقة الهيكل الأحادي عن الطرق التانية؟؟؟


كل الموضوع إن فيه أجزاء معينة في العربية بتتعمل من ألواح سمكها أعلى أو من مواد أقوى ... والأجزاء دي هي اللي شايلة معظم الأحمال في العربية... تقدر تقول إنها أقرب للطريقة الرابعة (الهيكل الأنبوبي)، بس بدل ما نعمل الهيكل من أنابيب... بنعمله من ألواح.


ولو عند حضرتك أي استفسار تاني أنا تحت أمرك



...