تغير موتور الكليو الـ1200 بالفتيس

**dr.hazem** · 13-01-2013 02:44 PM

المشاركة الأصلية كتبت بواسطة عمرو عمارة

بعد ما ركبت الموتور لاحظت في المشي الطوالي إن عداد الحرارة بينزل زيادة عن اللزوم( كان لسة البرد مش زي الأيام دي )..... وده مش طبيعي لأنه دايماً في الزحمة مايزدش عن النص وفي الطوالي ينزل شرطة واحدة عن النص

شكيت في الثرموستات الأول وقولت أجرب كده إسبوع وأشوف......إنشغلت في العمل ونسيت الموضوع

دخل البرد القارص الإسبوع إلي فات والمؤشر كان بينزل جامد

لاحظت أيضاً إن إستهلاك البنزين بدأ يزيد جامد ( 260-270 كم في الصفيحة ) وخصوصاً إحنا في شتا ومفيش تكيف ومعظم طريقي دائري وسفر والصفيحة المفروض تعمل معايا 320-340 كم.....ولاحظت إن العربية بتاخد وقت جامد عشان تسخن

المهم بحثت على النت وقرأت إن أعراض الثرموستات المفتوح هي نفس الأعراض إلي أنا بشتكي منها وزيادة كمان إن ده غلط على الموتور على المدى الطويل لأن الموتور مش شغال على درجة الحرارة المثلى ( 90 درجة )

حساس المية بيدي إشارة للـECU إن الموتور بارد وبالتالي بيزود في ضخ البنزين

ذهبت للباشا الميكانيكي وقولتله إنت ركبت الثرموستات وإنت بتقفل ؟.....ضحك ضحكة هابلة وقالي " أنا أي عربية بتجيلي بلغي الترموستات بتاعها عالطول "
طبعاً محمد الشرقاوي لو كان موجود كنت حاسبته على الغلط ده

المهم روحت جيبت ثرموستات وركبته والموتور ظبط والحرق بقى أحسن من الأول عشان الموتور كده شغال على درجة الحرارة المثلى له

دي صورة الكوعة إلي الباشا شال منها الثرموستات

دي صورة العداد وأنا ماشي طوالي إلي مفروض درجة الحرارة متقلش عن كده

احسن حاجة عملتها انك ركبت الثيرموستات...
الله يباركلك...
تحياتي

Sent from my SE Arc S using Forum Runner

**medohai510** · 13-01-2013 03:24 PM

السلام عليكم،،،
ألف ألف مبروك وربنا يكفيك شرها ويعطيك خيرها أن شاء الله
ونورت الموقع بالموضوع الجامد يا باشا الله ينور عليك

**joleabdo** · 14-01-2013 11:58 AM

الله ينور يا باشا على الموضوع....كنت عايز اعرف الترموستات بكام لو سمحت ؟؟انا معايا كليو 2001 1400 سى سى

**عمرو عمارة** · 14-01-2013 01:12 PM

المشاركة الأصلية كتبت بواسطة joleabdo

الله ينور يا باشا على الموضوع....كنت عايز اعرف الترموستات بكام لو سمحت ؟؟انا معايا كليو 2001 1400 سى سى

الله يبارك فيك

أعتقد سعر الثرموستات الـ1400 هيكون بنفس سعر الـ1200

هو سعره إستيراد بـ150 جم ولا تقلق هو جديد فبريقة

**joleabdo** · 15-01-2013 11:29 AM

المشاركة الأصلية كتبت بواسطة عمرو عمارة

الله يبارك فيك

أعتقد سعر الثرموستات الـ1400 هيكون بنفس سعر الـ1200

هو سعره إستيراد بـ150 جم ولا تقلق هو جديد فبريقة

الف شكر يا باشا ... انا قعلا سألت عليه قلولى مش موجود .... متعرفش حد فى اسكندرية بيبيع استيراد؟؟ وشكرا

**ramy_gamal** · 15-01-2013 10:08 PM

المشاركة الأصلية كتبت بواسطة joleabdo

الف شكر يا باشا ... انا قعلا سألت عليه قلولى مش موجود .... متعرفش حد فى اسكندرية بيبيع استيراد؟؟ وشكرا

فى واحد فى السيوف كويس اوى بس مش فاكر اسمه هو قبل شارع الفلكى

**joleabdo** · 17-01-2013 05:01 PM

المشاركة الأصلية كتبت بواسطة r_gamal1

فى واحد فى السيوف كويس اوى بس مش فاكر اسمه هو قبل شارع الفلكى

الف شكر يا ريس... انا سألت فى توكيل رينو لقيتها ب 253 جنيه غير الضريبة :) العالم دى بتستهبل

**Mohd_Adel_Amin** · 17-01-2013 06:19 PM

ما شاء الله تبارك الله , ربنا يبارك لك في الموتور الجديد ويعيش معاك 1000000 كيلو من غير مشاكل .
وحشتنا المواضيع المميزة بتاعتك والله ..

**albasha** · 19-01-2013 11:10 AM

فعلاً الثرموستات ده ليه دور مهم جداً لإن من غيره المحرك بيبقي بارد زياده عن اللازم وده بدوره بيعمل مشكله في الحرق وبيكون كبريتات بتاكل الشمايس والبساتم علي المدي البعيد بالإضافه لزيادة إستهلاك البنزين وكمان بيكون nox وده من أخطر الحاجات اللي بتخرج مع العادم لإنه بيكون سام جداً

-

الموضوع: تغير موتور الكليو الـ1200 بالفتيس

LinkBack

أدوات الموضوع

عرض

-

-

-

-

-

-

المواضيع المتشابهه

موتور 1300 بالفتيس وحاجته كلها كامل للبيع

موتور بالفتيس ولا من غير ؟

موتور هوندا 98 سيفك بالفتيس للبيع

هل تحب تغير الفتيس الي اتوماتيك ام تعتقد ان الوكيل يصلح العيب بالفتيس mmt

تغير الكليو

الكلمات الدلالية لهذا الموضوع

المفضلات

المفضلات

ضوابط المشاركة