تغير موتور الكليو الـ1200 بالفتيس

**Amr_Moh** · 19-01-2013 11:51 AM

المشاركة الأصلية كتبت بواسطة عمرو عمارة

بعد ما ركبت الموتور لاحظت في المشي الطوالي إن عداد الحرارة بينزل زيادة عن اللزوم( كان لسة البرد مش زي الأيام دي )..... وده مش طبيعي لأنه دايماً في الزحمة مايزدش عن النص وفي الطوالي ينزل شرطة واحدة عن النص

شكيت في الثرموستات الأول وقولت أجرب كده إسبوع وأشوف......إنشغلت في العمل ونسيت الموضوع

دخل البرد القارص الإسبوع إلي فات والمؤشر كان بينزل جامد

لاحظت أيضاً إن إستهلاك البنزين بدأ يزيد جامد ( 260-270 كم في الصفيحة ) وخصوصاً إحنا في شتا ومفيش تكيف ومعظم طريقي دائري وسفر والصفيحة المفروض تعمل معايا 320-340 كم.....ولاحظت إن العربية بتاخد وقت جامد عشان تسخن

المهم بحثت على النت وقرأت إن أعراض الثرموستات المفتوح هي نفس الأعراض إلي أنا بشتكي منها وزيادة كمان إن ده غلط على الموتور على المدى الطويل لأن الموتور مش شغال على درجة الحرارة المثلى ( 90 درجة )

حساس المية بيدي إشارة للـecu إن الموتور بارد وبالتالي بيزود في ضخ البنزين

ذهبت للباشا الميكانيكي وقولتله إنت ركبت الثرموستات وإنت بتقفل ؟.....ضحك ضحكة هابلة وقالي " أنا أي عربية بتجيلي بلغي الترموستات بتاعها عالطول "
طبعاً محمد الشرقاوي لو كان موجود كنت حاسبته على الغلط ده

المهم روحت جيبت ثرموستات وركبته والموتور ظبط والحرق بقى أحسن من الأول عشان الموتور كده شغال على درجة الحرارة المثلى له

دي صورة الكوعة إلي الباشا شال منها الثرموستات

دي صورة العداد وأنا ماشي طوالي إلي مفروض درجة الحرارة متقلش عن كده

الشرقاوي غاوي الحركة ديه.. الجهل ليه ناسه

مبروك يا عموور

**haredy_80** · 26-02-2013 04:30 PM

الف مبروك على الموتور الجديد ربنا يكفيك شره ويعطيلك خيره وعندى بعض التعليقات وسوال
انا شايف ان عادل واخد مبلغ كبير اقوى فى تغير الحله للفتيس
وكمان سعر الدفيره العلويه كتير انا كنت سال عليه ب300 جنيه
وعايز اسائلك على الكوبلن الصينى انا ركبت استيراد ومعمرش
وعايز اجيب غطا للقربه الميه عندى بتنقص وبشوفها بعد ما باجى من مشوار بتسرب خفيف من الغطاء ومش لاقى غطاء عدل
معلش طولت ..... بس على فكره انا مقتنع جدا بموضوع الثرموثتات ولللاسف لما غيرت الكوعه (عادل)شاله من الكوعه الجديده وقالى بتعمل مشاكل وانت كده هتخلينى ارجع اركبه . وشكرا والف مبروك

**ahmed_su** · 26-02-2013 05:16 PM

الف مبروك على الموتور الجديد رينا يبارك لك فيه

معلش متأخرة شوية بس لسه شايف الموضوع

تفكيرك منطقى وعملى والمجهود ممتاز سواء فى الشغل الفعلى او التقرير

تسلم ايديك ... تقبل تحياتى

**mohabselim** · 29-04-2013 03:02 PM

السلام عليكم,,,
إنهارده الميكانيكي قاللي إن العربيه محتاجه شورت بلوك انا عربيتي رينو كليو 1400 اوتوماتيك.
ينفع أركب الماتور ال 1200 علي الفتيس الأوتوماتيك ولا ماينفعش.

**عمرو عمارة** · 29-04-2013 10:16 PM

المشاركة الأصلية كتبت بواسطة mohabselim

السلام عليكم,,,
إنهارده الميكانيكي قاللي إن العربيه محتاجه شورت بلوك انا عربيتي رينو كليو 1400 اوتوماتيك.
ينفع أركب الماتور ال 1200 علي الفتيس الأوتوماتيك ولا ماينفعش.

لا يصلح مطلقاً

أعانك الله

**ae_yg** · 22-06-2013 12:41 AM

ممكن اعرف الماتور ده لسه موجود منه ولا خلصت

**ae_yg** · 22-06-2013 12:51 AM

موضوع رائع شكرا على تعبك و مشاركة خبرتك للاخرين

**anakonda** · 19-09-2013 10:11 PM

المشاركة الأصلية كتبت بواسطة abdulkhaleq

خطأ مطبعي كنت فاكر الرقم لزيت الموتور :)

السلام عليكم

انا عندي رينو كليو مو 2003 (1200cc و من وقت لاخر بينور في التابلوة لمبه صفراء و شكلها زي الملف و بعدين السيارة تفضل دايرة عادي جدا بس دواسه البنزين كل لما ادوس عليها السيارة متمشيش

روحت للميكانيكي قاللي لازم تتحط علي السكانر لتشخيص العطل بس قاللي دة في صقر قريش المهم هو شاكك في حساس دواسه البنزين اللي تحت البطاريه و فكه و شافه لقاة عليه صدي كتير و نضفه عن طريق wd40 و بعد كدة بقت السيارة كويسه و عملتها تاني مرة واحدة بس

يا ريت حد يقولي دي بوابه الانجكشن ولا حساس دواسه البنزين علشان ابقي عارف قبل ما اروح للميكانيكي اللي عندة الاسكانر عشان ميعملش علي شغل

ولكم جزيل الشكر

**sheriaco** · 06-02-2014 11:26 PM

الف مبروك ع الموتور انا كمان عندي نفس المشكله دي في العربيه والموتور بينقص زيت كتير ولما بقرص عليها بطلع دخان اسود وروحت قالي عايزه طقم شمبر بس انا لو عايز اجيب مكنه جديده ينفع اجيبها من غير فتيس ؟
عشان انا الفتيس بتاعي كويس

الموضوع: تغير موتور الكليو الـ1200 بالفتيس

LinkBack

أدوات الموضوع

عرض

-

-

-

-

-

المواضيع المتشابهه

موتور 1300 بالفتيس وحاجته كلها كامل للبيع

موتور بالفتيس ولا من غير ؟

موتور هوندا 98 سيفك بالفتيس للبيع

هل تحب تغير الفتيس الي اتوماتيك ام تعتقد ان الوكيل يصلح العيب بالفتيس mmt

تغير الكليو

الكلمات الدلالية لهذا الموضوع

المفضلات

المفضلات

ضوابط المشاركة