الموضوع: إيه الفرق بين مواتير التربو والمواتير العادية؟؟؟

المشاركة الأصلية كتبت بواسطة MohammedAladel

اللى فهمته من شرح حضرتك الجميل بالنسبة لحكاية تشغيل السربنتينة السخن مع التكييف الكمبرسور الساقع

حضرتك تقصد ال dual zone صح كدا ؟؟؟ وليس الخلط بالمعنى اللى أنا فهمته

يعنى لو عايز تخلى نص العربية ساقع والنص التانى سخن شغال ؟؟

أنا بقى اتكلمت فى نقطة تانية وهى أنى مبدئيا معنديش نظام الخلط دا يعنى يا إما سخن يا أما بارد

وفى حالة تشغيل الكمبرسور وثرموثتات الحرارة على البارد وقمت بالتحويل الثرموثتات من البارد إلا الساخن تمام كدا ؟؟

يعنى فى الحالة دى المفروض الكمبرسور يفصل لكنه مش بيفصل وبيفضل شغال

أنا عملت كدا عشان لقيت صوت الكمبرسور على وابتدى يظهر له صوت والأضاءة فى العربية ابتدت تضعف

عشان كدا سألت حضرتك

هل خطر إن الكمبرسور شغال بالرغم من إنك مشغل الساخن اللى هو لا يعتمد على كمبرسور ؟؟

طيب لو مش خطر الباور بتاع الكمبرسور بيروح فين ؟؟ هو بيطلع هوا ساقع طبعا ؟؟ يعنى فلنفرض إنه بيتخلط مع الهواء الساخن ودا معناه إن درجة حرارة الهواء الساخن فى العربية هتبقى أٌٌقل مهما زودت ثرموثتات السخن عشان مخلوطة بهواء ساقع من الكمبرسور

بالرغم من ذلك أنا عندى الحرارة السخنة مبتتأثرش لو مشغل التكييف الساقع !!!!!!!!

نظام الخلط لازم يبقى موجود، ودي الطريقة الوحيدة عشان نوصل لدرجة الحرارة المطلوبة... سواء بنفسنا أو عن طريق حساس لدرجة الحرارة

إنما الـDual Zone بيبقى فيها منطقتين خلط... مش منطقة واحدة


بس من كلامك كده... متهيألي انت عندك الضاغط (الكمبريسور) من النوع متغير السعة Variable Displacement Compressor



النوع ده من الضواغط بيغير كمية الفريون المضغوط حسب الطلب، يعني لما درجة الحرارة تبقى كويسة ممكن يوصل إن الكمبريسور بيبقى تقريبا بيلف عالفاضي والحمل على الموتور بيبقى خفيف، والعكس بيبقى لما درجة الحرارة بتبقى عالية وعايزين جهد عالي من الكمبريسور والحمل بيبقى جامد على الموتور


طبعا ... تغيير الحمل بيبقى عن طريق نظام كهربا وبتعتمد على درجة الحرارة المطلوبة وقوة المروحة، ويجوز النور لما بيضعف بيبقى بسبب النظام ده لما بيشتغل، والصوت العالي بتاع الكمبريسور بيبقى بسبب الوضع غير المعتاد للكمبريسور

والله أعلم :)


...