بارك الله فيك موضوع اكثرمن رائع
رقم العضوية : 105306
تاريخ التسجيل : 25Jun2011
المشاركات : 3,844
النوع : ذكر
الاقامة : اسكندراني بره مصر
السيارة: Not Yet
السيارة[2]: KIA CERATO EX 2014
الحالة :
النهاردة هتكلم عن جزء مظلوم في العربية... معظم الناس بتعتبره حاجة مالهاش لازمة... ومجرد جزء الخواجات عاملينه عشان العربيات تمشي حلو في بلادهم... إنما احنا في مصر الجو عندنا حر... يا عم شييييل..
فكل ما حد يشتكي إن عربيته بتسخن... تلاقي أول حاجة الناس تقولها: "شيل ثرموستات الكوعة"
لو عرفت الفايدة من ثرموستات الكوعة هتعرف ينفع نشيله ولا لأ
بس الأول .... إيه هو ثرموستات الكوعة؟؟
ثرموستات الكوعة هو عبارة عن "محبس"، موجود ما بين الموتور والرادياتير، مهمته إنه يتحكم في وصول المياه للرادياتير
المحبس ده بيفتح ويقفل بطريقة أوتوماتيكية ومن غير أي تدخل خارجي، يعني ولا حساس ولا كمبيوتر.
من وجهة نظري فكرته عبقرية
فكرة المحبس ده ببساطة هي نفس فكرة الثرمومتر الزئبقي... اللي جواه زئبق بيتمدد مع الحرارة ومنه نقدر نعرف درجة الحرارة كام
الثرموستات ده عبارة عن اسطوانة جواها مادة بتمدد بالحرارة برضو... المادة دي هي شمع البارافين، ولما الشمع يتعرض لدرجة حرارة عالية بيتمدد ويخلي الاسطوانة تتحرك تدريجيا بعيد عن اسطوانة المحبس.
الترموستات بيبقى متعاير (مظبوط) على درجة حرارة معينة (بتبقى مكتوبة عليه)... اللي عندها بيبقى مفتوح على الآخر
طيب ... إيه اللي بيحصل لما الثرموستات ده بيبقى راكب وشغال صح في العربية؟؟
أول ما بتشغل العربية مية التبريد بتبقى باردة، ولو المية دي راحت على الرادياتير هيبردها أكتر... في الحالة دي الثرموستات بيبقى قافل ويمنع المية تروح الرادياتير عشان الموتور يسخن بسرعة وياخد وضع التشغيل بأسرع وقت،
ولما المياه تسخن يبدأ يفتح السكة للرادياتير عشان يبردها...
ولو الرادياتير قدر إنه يبرد المية أكتر من اللازم.. الثرموستات هيقفل تاني لحد ما المية توصل للحرارة المطلوبة وبعدين يفتح ... وهكذا
وبكده يحافظ على درجة حرارة ثابتة للتشغيل
عشان كده... ثرموستات الكوعة هو الوسيلة الوحيدة للوصول والمحافظة على درجة حرارة الموتور ثابتة أثناء التشغيل من غير ما تتأثر بحرارة الجو الخارجي أو سرعة العربية
الفيديو ده بيبين حركة الثرموستات على الطبيعة
How Thermostats Work - YouTube
طيب ليه درجة حرارة التشغيل لازم تبقى ثابتة؟؟
الموتور عبارة عن أجزاء معدنية، والمعادن بتتمدد بالحرارة... وتنكمش بالبرودة
لما الموتور بيسخن زيادة عن اللزوم.. الأجزاء المعدنية حتتمدد زيادة عن اللزوم.. والموضوع ده ممكن يعمل احتكاك في بعض الأجزاء المتحركة جوه الموتور (البساتم مع السلندرات تحديدا) وأغلب المعادن بتتغير خواصها مع درجات الحرارة العالية وبتبقى أضعف.. فده ممكن يسبب تشوهات جامدة ممكن توصل لحد إن الموتور يقف.
لما الموتور بيبقى بارد.. الأجزاء الداخلية بتبقى منكمشة بطريقة ممكن ما تبقاش محسوبة .. خصوصا إن مش كل الأجزاء معمولة من نفس المعادن .. ده غير إن الزيت ما بيكونش وصل للزوجة الصحيحة للتزييت...
والنتيجة .. إنه بيحصل تآكل ما بين الشمايز والبساتم وسبايك عمود الكرنك.
من الآخر... الموتور البارد موتور بيفوت بسرعة.
بس أهم ميزة في ثرموستات الكوعة إنه بيساعد كمان على التبريد المنتظم للموتور.... لوشلته الموتور مش حيتبرد كويس، وهتبقى السلندرات الأمامية (القريبة من الثرموستات) باردة والسلندرات البعيدة سخنة زيادة عن اللزوم.
ده غير إنك لو شلته وسقت على طريق سريع (في الشتا بالذات)... الموتور هيبرد، وده هيزود استهلاك البنزين لإن كفاءة الحرق ما بتكونش مثالية، وممكن تخلي العربية تهبب من الشكمان.. لإن أغلب العربيات الحديثة بتراقب درجة الحرارة .. ولو الكمبيوتر شاف إن الموتور بارد فهيخلي كمية البنزين زيادة في خليط الوقود علشان الموتور يسخن بسرعة (حسب ما هو فاهم طبعا).
طيب إيه أهم أعطال الثرموستات؟؟
الثرموستات لما يعطل معناه إنه ما بقاش يعمل المطلوب منه.. يعني إنه يبطل يفتح ويقفل مع تغير درجة حرارة المية وما يتحركش .
فممكن يعطل وهو مقفول... وفي الوضع ده المية مش هتتبرد بما يكفي في الرادياتير... والحكاية دي بتخلي الموتور يسخن قوي ..
وده معناه إن الشمع اللي جوه اتسرب.. في الحالة دي لازم الثرموستات يتغير فورا... ولازم نشيك على ثرموستات الكوعة قبل ما نصلح العطل الأساسي اللي سبب السخونية القوية دي.
أو ممكن يعطل وهو مفتوح (أو شبه مفتوح).. وهنا غالبا العربية مش هتسخن كويس...
وعادة دي بتحصل لما الصدا يكتر في مية الرادياتير ويحصل ترسبات على الثرموستات تخليه يتحجر... في الحالة دي لازم نغير الثرموستات وننضف دايرة التبريد كويس ونحط ميه خضرا.
طيب ليه الناس بتقول نلغي الثرموستات لو العربية فيها مشاكل سخونية؟؟
الميكانيكي اللي بيلغي الثرموستات بيعمل كده علشان مش عارف سبب السخونية أساسا جاي منين.. وإلغاء الثرموستات يعتبر مسكن لمشكلة الحرارة الأصلية.. فكل اللي حصل إن المشكلة ما زالت موجودة .. ولكن مع زيادة التآكل في بداية تشغيل العربية وزيادة استهلاك البنزين.
وازاي أعرف إن الثرموستات ده شغال كويس ولا لأ؟؟؟؟
الموضوع سهل وعلى 3 خطوات
بس الأول هنبقى محتاجين نخلع الثرموستات ونعرف درجة حرارة التشغيل اللي مكتوبة عليه
1- لما نخلع الثرموستات ونسيبه في درجة حرارة الغرفة العادية.. المفروض نلاقيه قافل كويس
2- نجيب حوض ميه ونسخنه لحد 15 درجة مئوية قبل درجة حرارة التشغيل... يعني لو مكتوب عليه 90 درجة نسخن لحد 75 بس... ساعتها المفروض يفضل مقفول برضو.
3- نسخن المية لحد درجة حرارة التشغيل... ساعتها المفروض يبقى مفتوح على الآخر.
لو لقيت إن أي خطوة من التلاتة دول مش مظبوطة... يبقى لازم نغير الثرموستات
ملحوظة: فيه بعض أنواع الثرموستات ممكن تتظبط يدوي... وكان عندي منه في الكريسيدا.
أنا عامل الموضوع ده أساسا عشان الأسطورة الشايعة اللي بتقول: " ثرموستات الكوعة للدول الباردة بس"
الدول اللي الجو عندهم بارد مشاكلهم في المية ... مش الثرموستات... لإن المية بتجمد في الشتاء، وحتى لو الثرموستات موجود وشغال كويس، المية بتبقى متجمدة في الرادياتير ... وبرضو الموتور بيجيب وش سلندر علشان بيسخن ومفيش ميه دخلت تبرده (ماهي متجمدة في الرادياتير!!!).
المشكلة دي بتتحل عندهم بإنهم يحطو مية خضرا في الرادياتير
إنما ثرموستات الكوعة شغلته إنه يحافظ على درجة حرارة التشغيل ثابتة من غير تأثر بالجو الخارجي، يعني لما تمشي في الزحمة العربية ما تسخنش، ولما تسوق على الصحراوي العربية ما تبردش.
كون إن العربية مش بتسخن بسرعة ده مش ميزة... ده عيب ... زيه زي سخونية العربية.... بس زي ما قلت قبل كده... تأثيره مش بنحسه مباشرة... إنما هتضطر تعمر موتورك قريب
وأكبر إثبات على كلامي... ليه العربيات في الخليج (اللي جوهم أحر جو في العالم) ما بيشيلوش الثرموستات من عربياتهم؟؟؟؟؟
لإن ببساطة.... ثرموستات الكوعة مظبوط على درجة حرارة التشغيل... مش درجة حرارة الجو، فمهما اتغيرت درجة حرارة الجو ساقع أو سخن... هيفضل الموتور سخن ويديك أعلى كفاءة تشغيل وعمره يطول.
على فكرة ... الفرق ما بين الدول الباردة والساخنة في دايرة التبريد بيبقى أساسا في الرادياتير... مش في الثرموستات
ملخص الكلام
إلغاء ثرموستات الكوعة ده اختراع من الميكانيكيين المصريين عشان يريحو دماغهم من مشاكل سخونية العربيات، يمكن يبقى له أسبابه لما قطع الغيار ما تبقاش موجودة.
بس لما تشيل الثرموستات.. هتفوت موتورك وتصرف فلوس زيادة على البنزين وكمان مش هـتتمتع بأداء العربية
لو عايز تعرف إزاي ثرموستات الكوعة بيتصنع.. انصحك تدخل على الموضوع ده:
http://www.nilemotors.net/Nile/410256-a.html
أحد الأسئلة المهمة اللي قابلتها في المنتدى..
عندي مؤشر الحرارة بينزل شرطة لما أجري بالعربية على الصحراوي.. إزاي أعرف إذا كان نزول مؤشر الحرارة ده معناه إن الثرموستات متشال أو عطلان وهو مفتوح؟؟
متهيألي لازم ترجع لكتالوج العربية الأول.. أحيانا بيبقى مكتوب فيه ملاحظات على المواضيع دي.
بس خلينا الأول نعرف الفرق بين الوضع الطبيعي والوضع الغلط في أغلب العربيات.
الوضع الطبيعي لدرجة حرارة التشغيل لازم مؤشر درجة الحرارة يشاور قبل علامة النصف بشرطة أو مسافة قصيرة جدا... زي كده:
دي أقل درجة حرارة المفروض تشوفها وانت سايق بعد ما العربية سخنت..
أحيانا.. مع الزحمة والحر الشديد وتشغيل التكييف.. أو بمعنى أصح .. مع الأحمال الزايدة.. ممكن درجة الحرارة تعلى شوية.. وممكن توصل بعد علامة المنتصف بشرطة أو مسافة صغيرة.. زي كده:
ده طبيعي بردو.. بس ده معناه إن قدرة نظام التبريد (والرادياتير تحديداً) مش قادرة تتخلص من الحرارة الزيادة... وغالبا .. ده بيكون في العربيات اللي الرادياتير بتاعها معمول للمناطق الباردة نوعا ما (أغلب السيارات الأوروبية).. بس المفروض ما يكونش موجود في أي عربية ياباني أو كوري معمولة بمواصفات الشرق الأوسط.
لو الكلام ده بيحصل عندك.. يبقى فيه احتمال تكون محتاج تنظيف أو تراجع أداء مروحة التبريد
طيب.. إيه الوضع لما الثرموستات يبقى عطلان على الوضع البارد أو متشال من الدايرة؟؟
مؤشر الحرارة بينزل جامد ويوصل قبل علامة الـ"C" بحاجة بسيطة.. تقدر تقول إنه ما بيعلاش عن ربع التدريج.. زي كده:
لو عندك الوضع زي الصورة الأخيرة دي.. يبقى عندك مشكلة في الثرموستات زي ما قولنا.. ولازم تجيب ثرموستات جديد.
ده لو عايز تحافظ على موتور عربيتك!!!
طيب... عرفنا فوايد الثرموستات ..
إزاي بقى نحافظ عليه؟؟؟؟
أول حاجة وأهم حاجة هو المحافظة على دورة التبريد سليمة ونظيفة... عن طريق:
١- استخدام سوائل التبريد (المية الملونة) المناسبة حسب نوع الرادياتير.
٢- تغيير سوائل التبريد وعمل دورة نظافة للدايرة كل سنتين.
٣- تغيير كل الخراطيم كل خمس سنوات.. علشان ما يحصل تسريب للمية بسبب تشقق الخراطيم.. لإن أي قطع كاوتش عمرها حوالي ٥ سنين (سواء استخدمتها أو ما استخدمتهاش).
...
Trust me, I'm an Engineerلا تُعْطِنِي سَمَكَةً... بَلْ عَلِّمْنِي كَيْفَ أَصْطادُ
مَثَلٌ صينِيّ
Ahmed Nabil Al-Bora'ie
أعشق السيارات.. أحب اليابانية، الكورية... ولا أفضل الأوروبية
رقم العضوية : 73881
تاريخ التسجيل : 26Jun2010
المشاركات : 817
النوع : ذكر
الاقامة : cairo
السيارة: Daewoo Lanos I 1999
السيارة[2]: golf
دراجة بخارية: لايوجد
الحالة :
بارك الله فيك موضوع اكثرمن رائع
رقم العضوية : 117583
تاريخ التسجيل : 08Dec2011
المشاركات : 7,814
النوع : ذكر
الاقامة : cairo
السيارة: mercedes
السيارة[2]: mazda
دراجة بخارية: no
الحالة :
موضوع .... وعرض ..... رائع وشكرا لسيادتك .
رقم العضوية : 41774
تاريخ التسجيل : 03Jun2009
المشاركات : 1,594
النوع : ذكر
الاقامة : egypt
السيارة: nassin
السيارة[2]: opel
دراجة بخارية: no
الحالة :
تسلم ايدك على الموضوع الرائع
واللى بالتاكيد افادنى كثييرا
جزاك الله خيرا على هذه المعلومات والارشادات
رقم العضوية : 71514
تاريخ التسجيل : 25May2010
المشاركات : 26,773
النوع : ذكر
الاقامة : EgYpT-ⵍⵎⵖⵔⵉⴱ-
السيارة: -- -- all FiaT ---
السيارة[2]: ToYoTa CorOllA ---
دراجة بخارية: - - - - - - -
الحالة :
تسلم ايدك ..
رقم العضوية : 122945
تاريخ التسجيل : 10Apr2012
المشاركات : 982
النوع : ذكر
الاقامة : Zagazig
السيارة: kia cerato 2012 high line
السيارة[2]: كانت Skoda Fabia 2004
دراجة بخارية: M3andish
الحالة :
برافوووو عليك ...... موضوع متكامل ومجهود ممتاز ...... ده تعليق تحفيزى تستحقه
أما على جانب الإستفسارات : هل يوجد بدائل ميكانيكية أو ألكترونية لهذا الجزء ..... ويكون ليه تحكم من قائد السيارة بلمبة فى التابلوه وزرار يشغله أو يطفى منه ؟
تحيااااااتى
رقم العضوية : 10756
تاريخ التسجيل : 15May2008
المشاركات : 3,781
النوع : ذكر
الاقامة : -----------------
السيارة: --------------------------
السيارة[2]: --------------------------
دراجة بخارية: --------------------------
الحالة :
عن نفسي بدئت اعاني من تسخين العربية في الصباح ( بتاخد وقت كتير علشان تسخن )
ففكرت اشغل الترموستات تاني بس كل الخوف يعلق وانا مش حاسس و حسب ما اعرف انه لو علق وهو مقفول الموتور يبوظ
ففكرت اني اوصل حساس حرارة واركبه على كوعه او مشترك اعمله عموله واركبه قبل الترموستات واوصله ع عداد حرارة
ليكون عندي ف العربية 2 عداد حرارة واحد قبل الترموستات والتاني بتاع الريداتير بحيث لو لقيت عداد الترموستات علي جامد اعرف ان الترموستات علق
اعتقد ان من اسباب تلف الترموستات مياه الحنفية اللي بنحطها ف الردياتير وكمان ان سوائل التبريد اللي في السوق ممكن تكون مغشوشة
فكره المشترك دي مش فكرتي دي فكره احد الاعضاء في منتدى سيارات اخر وكان يهدف بيها لتركيب عداد حرارة ديجيتال للعربية بس انا هغير مكان المشترك وهركبه قبل الترموستات
رقم العضوية : 10756
تاريخ التسجيل : 15May2008
المشاركات : 3,781
النوع : ذكر
الاقامة : -----------------
السيارة: --------------------------
السيارة[2]: --------------------------
دراجة بخارية: --------------------------
الحالة :
رقم العضوية : 132636
تاريخ التسجيل : 23Dec2012
المشاركات : 347
النوع : ذكر
الاقامة : الغربية
السيارة: لايوج
السيارة[2]: أوبل كورسا
الحالة :
تسلم ياريس
وبجد والله الصنايعية دول من اسباب ضياع العربيات والمحركات
رقم العضوية : 50133
تاريخ التسجيل : 17Oct2009
المشاركات : 4,727
النوع : ذكر
الاقامة : Menofia
السيارة: Toyota Corolla 2001 1.3 A/T
السيارة[2]: Peugeot 301 M/T 2014
دراجة بخارية: لايوجد
الحالة :
كلمة باشا واستاذ ورئيس قسم قليلة عليك
ربنا يزيدك والله ، انا كنت قربت ايئس انى الاقى ناس بتفكر كدة من كتر ما الفتية دى انتشرت
المفضلات