ثرموستات الكوعة... المفترى عليه

**Abo.Omar** · 06-03-2013 12:06 AM

المشاركة الأصلية كتبت بواسطة borio1704

بدون شك... المشكلة كده في ثرموستات الكوعة

مفيش حاجة إسمها دورة تبريد ما كانتش شغالة... أُمّال طلمبة المية بتعمل إيه والرادياتير لازمته إيه؟؟؟

أنا أتوقع إن لو ترموستات الكوعة موجود يبقى معلق وهو مفتوح قبل ما يقفل بحاجة بسيطة

زي ما قلنا... الترموستات بيعلق لما نستخدم ميه عادية ويبدأ الصدا يتكون جوه الموتور...

عشان كده لما تغير الترموستات إن شاء الله لازم تكون عامل دورة غسيل كويسه لدورة التبريد الأول وتتأكد إن مفيش تسريب من أي مكان، وبعدين ركبه على بركة الله

...

اشكر حضرتك بشده وانا فعلا برتاح لما يكون فى مشكله واعرف سببها واتاكد منه تجنبا لفتى الصنايعى
... بس سؤال بعيد شويه بقى .. انا اخر مره غيرت ميه كانت موبيل الخضرا الجيركن اللى ب 75 .. بدون تخفيف ولا اى حاجه .. هل دا كده تمام ولا المفروض اجيب تركيز تانى لانى عرفت موضوع التركيزات دا بعدين .. وللاسف معيش كتالوج لانسر اعرف منه التركيز المنصوح بيه

شكرااا

**michohat** · 06-03-2013 01:26 AM

المشاركة الأصلية كتبت بواسطة borio1704

ربنا يباركلك فيها إن شاء الله

على فكرة... ثرموستات الكوعة ممكن يعيش معاك فترة طويلة جدا وممكن ما تحتجش جديد... بس أهم شيء إنك تحط ميه ملونة في دورة التبريد (خضرة أو زرقة أو حمرة مش مشكلة)، عشان الصدا ما يتراكمش عليه والثرموستات يعيش معاك أطول فترة ممكنة

بس الصح إنك تكون عملت دورة تنظيف لدورة التبريد وتكشف عن أي تسريبات ، وبعديها تركب الثرموستات وانت مطمن.

...

لحد دلوقت مش حطيت مياه ملونه وكل اللي حاطه مياه حنفيه عاديه
بس كل كام يوم بنزلها وناوي استمر على كده لحد لما الاقي لون المياه اللي نازل اتعدل
هل نظام الغسيل ده كده كويس ولا فيه طريقة افضل

**esmail11** · 31-03-2013 09:29 PM

موضوع مممتاز

**aldesha989** · 14-04-2013 01:38 AM

الله يكرمكم يا شباب عايز اعرف لو الثرموستات بتاع العربيه مش موجود العربيه مش بتسخن بسرعه ممكن تأخد نص ساعه على ما تسخن ولو طالع فى طريق فاضى والعربيه على اول شرطه الشرطه بتنزل تمامآ والعربيه بتفضل بارده وده انا عارف انه مش كويس فعايز اعرف دلوقتى اجيب ثرموستات ايه للعربيه مازدا 121 ينفع اوفق واحد ولا لازم الثرموستات بتاعها ؟

**borio1704** · 14-04-2013 02:07 AM

المشاركة الأصلية كتبت بواسطة aldesha989

الله يكرمكم يا شباب عايز اعرف لو الثرموستات بتاع العربيه مش موجود العربيه مش بتسخن بسرعه ممكن تأخد نص ساعه على ما تسخن ولو طالع فى طريق فاضى والعربيه على اول شرطه الشرطه بتنزل تمامآ والعربيه بتفضل بارده وده انا عارف انه مش كويس فعايز اعرف دلوقتى اجيب ثرموستات ايه للعربيه مازدا 121 ينفع اوفق واحد ولا لازم الثرموستات بتاعها ؟

غالبا الثرموستات بتاع الكيا برايد ممكن يمشي معاك... لإن الكيا برايد أصلها مازدا 121 القديمة.

وعموما اسأل في شارع صلاح الدين أو عند ياسين في فلمنج.

...