الموضوع: الاوفر درايف في الفيرنا الاوتو عمل احلي شغل

السلام عليكم ورحمه الله وبركاته
وكل عام وانتم بخير

بمناسبة الارض المبلولة والمطره والرمل وبقع الزيت اللي في الطريق ... حبيت انقلكم خبرتي المتواضعة .....

انا با امشي علطول الدائري وطرق طويلة وسريعة ( ربنا يستر ) .. وطبعا الجو مش مناسب تمام للجري ( انا اصلا مش من مدمني الجري )
وبالطبع المطر والزيوت الخفيفة المهملة من الترلات اللي عالطريق والرمل لما يجتمعو يبقي ...
انتو طبعا عارفين .... ربنا يستر يارب ..

فا طبعا الفيرنا مشهورة بخفيتها وضعف فراملها طيب كان اية الحل ..
قلت اجرب زرار ( الاوفر درايف ) OverDrive
وفعلا ..جربته ..ولقيت نتيجة جميلة مع الفرامل .. يعني نقول ادي الفرامل ثبات زياده بنسبة 20 ل 30 % .. وكانت سرعة توقف العربية جيدة للغاية ( مرضية بالنسبة لية )

من المعروف عن الافر درايف ( كلام بلدي )
1- زيادة عدد لفات الموتور لاقسي حد لكل غيار ( بمعني لو التاني بينقل علي 40 45 لفة يقرص علية لغاية ما يوصلة ل 80.85 ده لو انتا قارص بنزين .. وبلاش كده كتير الا عند الضرورة
2- عزم العربية وعدد نقلاتة بتتوقف للنقلة الثالثة بس( الاوتو 4 نقلات امامي + 1 خلفي فقط )

اعتقد ان المنطق بيقول ان الزرار ده خلي الموتور متصل دائما بالفتيس ومتلاصق لدرجة ان اعتماد الاتنين علي بعض بيبقي متساوي وبالتالي بيدي عزم زياده للفرامل ..( حقيقة علمية عن الفتيس بتاعنا ومن لسان الخبراء وقرائاتي السابقة.. نقدر نقول ان سرعة الموتور = نقلة الفتيس تقريبا )

عكس الدرايف العادي ( السواقة العادية ).. اعتماده علي (( الكلاتشينج )) الوحده المسؤلة عن فك التعشيقات للنقلات (( الدبرياش يعني للاوتو )) فا اعتقد ان ده بيدي (( نعومة للعربية )) تنقل اسرع مع كنترول اقل للفرامل ...

الخلاصة ..
في السواقة العادية ( نعمة وتنقل مستريح صوت الموتور ناعم ومايزعقش بلفاتة الكتير = فرامل الفيرنا العادية

في السواقة علي الاوفر درايف ( حاده اوي + صوت عالي للموتور + لفات اكتر = تحسن ملحوظ للفرامل والسرعة
(دي خبرتي الشخصية مع طريقة سواقتي )

ودمتم بصحة