هل لو حطيت بزين 92 وزودت عليه بنزين 95 ممكن الحال المايل يتعدل !!

**Formulator** · 10-01-2013 04:06 AM

المشاركة الأصلية كتبت بواسطة MNabeih

دي يا water methanol kit
ب 3000-3500
عبارة عن طرمبة و تانك و رشاش و كنترول يونيت
الرشاش بيتحط في سكة الهواء قبل المانيفولد و بحيث يضخ الخليط اللي هو عبارة عن 50% مياة و 50% ميثانول مع الهوا اللي داخل
و الكنترول بتظبط منه يضخ امتي الخليط دة عند turbo boost اد ايه, دة بالنسبة للعربيات التربو
بالنسبة للعربيات العادية مش تربو مش عارف بيتظبط علي ايه بس غالبا علي عدد لفات موتور معين
شغلانته الاساسية انه يبرد الهوا اللي داخل فبالتالي كثافته تزيد فنسبة الاكسجين تزيد و الحرق يبقي افضل من ناحية و من ناحية تاني الميثانول بيعوض فرق الاوكتان
و طبعا باي باي تسقيف نهائي و اهلا بال PERFORMANCE

+1

@ bor3ey

فيه أصحابى Stage-II ومركبينها، والعربيات متونة على 92 فـ الـTiming-Advance والـBoost-pressure
دا كان الـrecmmendation بتاع التيونر نفسه؟!!

المشاركة الأصلية كتبت بواسطة kimokaim

المصيبة بقى ان الكاتلوج بتع العربية بيقول بنزين أوكتان 91 !!
وفي المناطق التي لايتوفر بها 91 يمكن وضع بنزين أقل أذا لم يسبب مشاكل
يعني 92 المفروض بيكون مناسب للعربية !!
فيعني إن البنزين بتاعنا مش 92 ده 90 بالكثير !!!! و 95 ده هو 92 !!!!
وكده بيتنصب علينا مرتين !!!

بص ياباشا

السوناتا -حتى لو 2.0T تربو- تشتغل 87 AKI (بالأمريكانى)، و 91 RON (بالأوروبى)..
اللى هو أقرب حاجة 92 عندنا فـ مصر،

الهيونضاى-قيا من الشركات القليلة أوى اللى بتـtune عربياتها تشتغل على lower quality octane.. دا بيتفشخروا بكده؟؟!!!

دى برمجة كنترول على فكرة -مش إختراع

تخليط الـ95/92 هيساعد طبعا.. بس مش هيعمل الفرق المحسوس.

المشاركة الأصلية كتبت بواسطة MNabeih

ﻷ انت كدة مافهمتنيش خالص
حصان واللا اتنين ايه اللي هيقلوا دة بيزود مش بيقلل
بالنسبة لمكانه التانك بيتحط في شنطة العربية ناحية ضهر الكنبة كدة و الترمبة كذلك

+1

نظريا
الـMW50 هيزود الأوكتان بتاع الـ95 لـ112-114 octane؟؟!!!

عشان كده التيونرز لما يبقى الـtune المطلوب عالى -بالنسبة لسعة الموتور- بيقولك لازم Water-Methanol injection
لأنه بسهولة جدا بيقدر يستفيد من الأوكتان العالى ده ويرفع الـTiming-Advance بتاع البوجيهات،
وكمان يرفع الـTurbo-boost فـ الـmid-range بأمان safely؟!!

بالنسبة للخطورة فـ الخبطات -لاقدر الله
- أنا شوفت كذا واحد مركبها قدام فـ حوض-الموتور؛ عشان يختصر التوصيلات..
ومعتقدش انها dangerous أوى، لأن التانك صغير و Poly-propylene والطلمبة كومباكت أوى وقوية.
(وكمان مابيركبوهاش فـ الوش ورا الإكصدام على طول - دايما بتبقى ورا قرب الـintake-manifold أو فـ جنب الرفرف)!!

بالنسبة للـoctane-boosters ياجماعة
أولا متفقين عـ الأنواع النظيفة: STP والـCyclo-Max44 والـLiqui-Moly
لكن
ماينفعش تستخدمه كل تانك.. إحذر يضربلك طقم البوجيهات أو الـCatalytic-converter؟؟!!!
الأوكتان بووستر ده آخره كل 3000-5000 كم؟؟

- الطقم الـiridium فـ بعض العربيات بيعدى الـ600 جنيه يارجالة..!!!
يعنى تحط بيهم 95 أرخص؟!!! ههههههههههههههههه

**Land_Cruiser** · 10-01-2013 05:55 AM

متابع ...

**S O P H O S** · 10-01-2013 07:41 AM

الموضوع مفيد ومع راي الخلط
خصوصا ان ال 92 اصبح غير طبيعي ..

**Formulator** · 10-01-2013 02:46 PM

المشاركة الأصلية كتبت بواسطة bor3ey

معني كلامك كده انه كده احسن من حتي اني احط بنزين ٩٥ اصلا صح ؟! ،، يعني كده هو هيعلي الاداء !!! طب حلو الكلام ده انا كنت فاهم انه هيقلله حاجه بسيطه قوي بس يطلع نفس الاداء :) و كويس برضه انه كده هو اختيار امن ،،، طب سؤال هو ليه الطريقه دي مكنتش منتشره في مصر الاول يعني الناس كانت خايف منها ولا كانوا شايفينلها اضرار !؟

أولا: عشان الـkit سعرها عالى 3000 (والـAEM الأصلى بـ5000-6000)
ثانيا: عشان almost بتحتاج remap يخليك تقدر تطلع الـpotential بتاع الموتور مع WM50؟!!
ومعظم الناس بتخاف تلعب فـ كنترولاتها

- لكن هى شغالة مع الستوك طبعا (خصوصا مواتير التربو) عشان الـtune مختلف..
عـ الأقل بيقدر يشتغل ببووست وtiming عالى بدون ضرر عـ الموتور!!

**Formulator** · 12-01-2013 02:03 AM

المشاركة الأصلية كتبت بواسطة MNabeih

نفسي اجيبها يا مصطفي بس الدنيا مقصرة معايا اوي

ربنا يسهلك وتجيبها ان-شاء الله يا كبير،
والله ياأخى أنا فيه حاجات كتيييييييييييير عايز أعملها فـ العربية!!
بس بأقول أخلص الأساسيات الأول، وبعدين أشوف؟!!!

سؤال بقى يانبيه:

أيه رأيك فـ WM50 فـ المواتير الستوك؟؟
عمليا بقى..
يعنى لو عندى توربينة أبارث وWater/Methanol-injection كيت؛
لو ركبتهم من غير remap؟!! هألاقى فرق واضح؟!! ولا لأ؟!!

أنا مش عايز غير: الكنترول يجيب آخر الـadvance، والتربو يـhold البوست لـrpm عالية!!
وخلاص على كده؟
لما أقدر أعمل التيون (بعد الفرامل والعفشة) هبقى أتون.

رأيك أيــــــــــــه يا bro؟؟