الموضوع: استلمت الصني الجديده و مدفعتش الألفين جنيه و كل الشكر لل أ/ طارق السبع

السلام عليكم و رحمة الله و بركاته
اللهم صلي و سلم و بارك علي سيدنا محمد و علي اله و صحبه و سلم تسليما كثيرا .
استكمالا لما تم عرضه سابقا في موضوعي

http://www.nilemotors.net/Nile/328471-a.html
اتصل بي المندوب امس الذي المندوب اتبع مع بإستحاله تسليمي قريبا و انهم لن يسلموا إلا حتي يوم 11 و ان سعر السياره زاد 2000 جنيه بلغته باني ارفض هذا الكلام و ساتحدث مع مدير الفرع لان السينيور الي السبب في اللخبطه الي حصلت هو يتحمل فرق السعر و يجيبلي عربيه من تحت الارض ، عندما ذهب الفرع اعاد المندوب المحاوله لإجاد حل لي مع مدير الفرع بدون نتيجه فتحدثت مباشره مع مدير الفرع و اني غير راضيه عن ما يحدث و ما يحدث هو اهمال كامل و عدم مسئوليه و عند جديه في حين اني كعميل جاد جدا في التعامل معكم و دفعت سعر السياره كام و السينيور عندكم هو الي قال ان دفعي بالكامل يجعل اي زياده مليش دعوه بيه فقالوا خلاص يلبس هو الزياده طالما قال كده ، قولتلهم يلبسها مليش دعوه ، و بدؤوا يستعطفوني ان حرام و ده ممكن يكون مرتب شهر فوافقت اني ادفع
توجهت اليوم باكر لإستلام السياره و بعد دفع 2000 فرق فوجئت بان ولا موظف الخازنه عارف انا بدفع ليه و الفاتوره الي طالعه طالعه ب 102 و الي زاد و غطا السينيور الي السبب في العك ده كله و الي كان هيلبس في الفرق مستمر في الكدب و الغطرسه بشكل مستفز فقمنا بتصعيد الموضوع بالكامل و رجعنا لنقطه اني دفعت السياره بالكامل قبل الزياده و انتوا الي مسلمتونيش ، و بعد مفواضات عريضه مع صاحب الشركه أ/ طارق السبع استردينا ال 2000 جنيه و كل الشكر و التقدير أ/ طارق السبع
الحمد لله استلمت علي خير ، طبعا كنت مرعوبه جدا لان اول مره اسوق اتوماتيك و كمان في حاجات نسيت ابص عليها في العربيه .
ربنا يكرم و يكتب الخير ان شاء الله

سؤال لو سمحتم : و انا ماشيه و طبعا النهارده المطره جامده فا فيه شويه ميه وقعت علي مفاتيح الزجاج الكهرباء و السنتر و لاقيت الزجاج الكهرباء مش راضي يفتح و ينزل الاربع مفاتيح بس لما قفلت و فتحت العربيه اشتغلوا الحمد لله ، بعد كده حذروني ان ميجيش نقطه ميه علي المفاتيح دي لانها بتبوظ الكهرباء ، كده في حاجه باظت و لا ايه ؟؟

و كل التحيه و التقدير لكل القدير لجميع القائمين علي هذا المنتدي و جميع الاعضاء
انا استفدت من معلوماتكم كتيييييييييييييير و ربنا يكتبهلكم في ميزان حسناتكم