الموضوع: عدد لفات المحرك ... على ماذا تقاس ؟

السلام عليكم

طبعا كلنا عارفن عداد ال rpm ... لفات المحرك فى الدقيقة .... بتتقاس على إيه ... على حركة الكرنك ؟

وفين الحساس اللى بيقيسها فى المحرك بيبقى راكب فين ؟؟ وهل هو هو اللى بيقيس السرعة للسيارة ؟

اللى اعرفه انها بتأخد من الموبينه على طول لكن بتتقاس ازاى مش عارف

شكرا لك الموبينة دى اللى هى اللى بتغذى البوجيهات بالكهرباء برضه

ال RPM هو اختصار لــــ revolution per minute بمعنى لفة فى الدقيقة
بيتوصل على الطرف السالب للموبينا و الطرف السالب دة بيكون طالع من الاسبراتير او الموزع


و دى بتكون دايرة كهربائية مقفولة و بتفصل لما الاسبراتير يلف و يبعد طرفين الابلاتين عن بعض و دة بيكون كل ربع لفة عشان يقسم الكهرباء على الاربع بوجيهات
الدايرة الالكترونية بتاعة الار بى ام لما بيفصل عنها التيار دة اربع مرات بتفهم ان دى لفة كاملة للموتور و دة لأن الاسبراتير متوصل على عمود الكرنك و بيلف معاة
و على الاساس دة العداد بيحسب الموتور بيلف كام لفة بظبط
بالمختصر المفيد : لما الاسبراتير بيلف ربع لفة بيفصل طرفين الابلاتين عن بعض فا بيفصل الدايرة و العداد متظبط ان كل اربع فصلات معناها ان الكرنك لف لفة كاملة و بيحسب على الاساس دة

الكلام دة طبعا بالنسبة للعربيات القديمة اللى بتستخدم ابلاتين و كوندنسر
اما بالنسبة للعربيات الجديدة فى حاجة اسمها الكويل و دى بتقوم بدور الاسبراتير
فهى بتلف و تقسم الكهرباء على الاربع بوجيهاتو كمبيوتر العربية electronic computer unit بيفهم من عدد لفات الكويل عدد لفات الموتور و بيحسبها و يعرضها على العداد

دة على حد معلوماتى بالنسبة للعربيات الجديدة

شكرا جزيلا لك ... أول مرة أعرف إن الكويل فيه حاجة بتلف جواه

المشاركة الأصلية كتبت بواسطة mohammedaladel

شكرا جزيلا لك ... أول مرة أعرف إن الكويل فيه حاجة بتلف جواه

عشان تبقى المعلومة صحيحة ,,,, مش فى اى عربية جديدة ,,,, فى عربيات زى اللانوس فيها كويل اللى هو بيقوم بنفس وظيفة الموبينا بيطلع فولت عالى و بعدين فى موزع زى الاسبراتير بيبقا راكب على عمود الكامة هو اللى بيوزع على الاربع بوجيهات و دة اللى قصدى علية بيلف ,,,

انما فى عربيات تانية بتبقى الكترونى ,,, بمعنى ان الكويل هو هو الموزع ,,, بيبقى مستطيل الشكل و طالع منة اربع سلوك للاربع بوجيهات ,,,, بيبقى جواة دايرة الكترونية هى اللى بتقسم الكهرباء و بتاخد التوقيت من الكمبيوتر ,,,

مع العلم ان كل اللى فات دة عربيات جديدة و انجكشن و فيها حساسات و كمبيوتر
بس التكنولوجيا بتفرق و بتدرج
و لو عاوز ممكن اقولك على تدريج تكنولوجيا الاشعال كلها

المشاركة الأصلية كتبت بواسطة mood_8210

عشان تبقى المعلومة صحيحة ,,,, مش فى اى عربية جديدة ,,,, فى عربيات زى اللانوس فيها كويل اللى هو بيقوم بنفس وظيفة الموبينا بيطلع فولت عالى و بعدين فى موزع زى الاسبراتير بيبقا راكب على عمود الكامة هو اللى بيوزع على الاربع بوجيهات و دة اللى قصدى علية بيلف ,,,

تصحيح..

اللانوس فيها موبينا او كويل بس مفيهاش اسبراتير, نظام الاشعال فيها مباشر direct ignition و الكنترول بتاع العربية بيعرف توقيت الاشعال المناسب عن طريق حساس وضعية الكرنك,


بالنسبة لل rpm فيه طريقة كمان لحسابه عن طريق حساس وضعية الكرنك.

المشاركة الأصلية كتبت بواسطة truss

تصحيح..

اللانوس فيها موبينا او كويل بس مفيهاش اسبراتير, نظام الاشعال فيها مباشر direct ignition و الكنترول بتاع العربية بيعرف توقيت الاشعال المناسب عن طريق حساس وضعية الكرنك,


بالنسبة لل rpm فيه طريقة كمان لحسابه عن طريق حساس وضعية الكرنك.

عشان ابقى واضح بردو انا مليش خبرة قد كدة فى العربيات الجديدة
بس انا بقول ان فى حاجة شبيهة بالاسبراتير لانى شفتها فى عربية قبل كدة كانت اكيورا اللى هى شبة السيفيك و مع العلم انها كانت انجكشن و على حساسات و كمبيوتر

بالنسبه لسرعه السياره بتتقاس من سرعه دوران العجل عشان كده تغيير مقاس العجل لمقاسات معينه ممكن يخلي السرعه الواقعيه غير السرعه المبينه على عداد السرعه سواء بالنقص أو الزياده.

أنا بسأل عن عدد لفات الموتور


بالنسبة لسرعة السيارة يقال إنا محسوبة عند الجير بوكس وليس العجل

يعنى مثلا الحساس قارى 50 عند الفتيس

المفروض مع المقاس الأصلى للعربية للكاوتش يبقى السرعة 50 فعليا

أحنا لما بنغير مقاس الكاوتش الأرتفاع طبعا السرعة هتتغير ولا إنت شايف إيه