الموضوع: دعم البنزين للسيارات حتى السيارات 1400 سي سي فقط

طيب الحمد لله على موضوع ال1600

نيجي بقى للكميات ... انا مشواري من البيت للشغل بس يوميا 110 كيلو رايح جاي و عربيتي بتستهلك 7.5 لتر / 100 كيلو في الظروف اللي زي الفل و زي مالخواجة بتاعها ما قال =)
يعني بحسبة بسيطة و بافتراض ان الطريق ماشي زي الفل و انا ماشي بسرعة ثابتة 90 و بقتصد في الاستهلاك يعني العربية هتحتاج يوميا 8.5 لتر تقريبا يعني في الشهر من البيت لشغل بس من غير ماحرك العربية في الجمعة و السبت هحتاج 170 لتر مش 150 لتر ولا سافرت ولا اخدتها في مشاوير شخصية ولا شغلت تكييف ولا كان فيه زحمة يعني في السنة من البيت للشغل بس 2040 لتر

المشاركة الأصلية كتبت بواسطة Egyzizo

هو قالها ضمناً .. ما معناه ان كل نظام بيبقى ليه ضحايا ..

يا باشا ماشي بس نسبته كام؟ و انا زي ما بتكلم اني باستخدم العربية علشان اروح اكل عيشي مش علشان العب بيها ... ليه العربيات المرسيدس الc180 و الجيتا و الباسات و الاودي و العربيات الغالية دي تدخل معايا بنفس نسبة الدعم ما تفضل بالدعم الجزئي و هتزيد 100 ولا 200 جنيه في الشهر على شخص شاري عربية بحوالي 350 الف جنيه مش هتبقى قصة لكن الناس اللي جايبة عربياتها بالقسط و مقسطين حاجات ثانية و التزامات اسرة و كلام من ده يبقى انت كدة بتزود العبئ عليهم يعني انا الحمد لله معنديش الالتزامات الكبيرة دي بس بحط نفسي مكان الناس دي

واحد بيدفع قسط شقته و قسط عربيته غير مصاريفه الشخصية و مصاريف الزوجة و الاولاد ... و يا سلام لو الاولاد في مدارس كمان تبقى كملت و هكذا ...