دعم البنزين للسيارات حتى السيارات 1400 سي سي فقط

**essam2z2** · 11-01-2013 01:59 PM

انا مبسوط يا جدعان انا من ولاد الغنية سفاحين الفلوس الى واكلينها ولعة الى معاهم فيرنا وباعتراف الحكومة انا فعلا استاهل لأ الصراحة فعلا قرار حكيم واحسن حاجة فيه العدالة الصراحة انا مش مصدق نفسى يعنى اللى معاه فيرنا ولوجان ولانوس ولادا وجيتز واى عربية تحت 100000 جنية دول مايستهلوش دعم لأ فعلا حكومة زكيه ياخى اتكسف على دمك نص البنزين بيطير فى الزحمة ياراجل والله بفول التنك فى الزحمة مبيمشنيش اكتر من 250 كيلو وساعات اقل وغير كده ادفع تمن العربية ثلاث مرات عشان الجمارك و كمان ادفع بنزين تمنه قريب من السعر العالمى ليه والمرتبات هيه هيه لييه لييييييييه حرررررررام كفرتوا الواحد فى عيشته انا ان شاء الله حخلع قريب من البلد الزباله ده خليها للحكومة الذكية بتاعنا

**OMAR61995** · 11-01-2013 02:06 PM

أنا مفيش قدامى غير كلمة اعتراضية من 3 حروف اتمنى الإدارة تسامحنى عليها

تباً

**Mohamed.Fawzy** · 11-01-2013 02:21 PM

ايه التخبط ده .... كل يوم بقرار .... امبارح كان الدعم لغايه 1600 سى سى .... و النهارده لغايه 1400 سى سى و من بق وزير ال.......... ده

انا مش عارف اقول ايه .... ربنا ياخد البلاوى دى و يريحنا من قرفهم ....

**haythamkmal** · 11-01-2013 02:38 PM

يا جماعة متقلقوش ان شاء الله هيرجعو فى كلامهم كالعادة

بيقولك واحد ليبرالى وواحد اشتركى وواحد اخوانى كانو فى مظاهرة

- الليبرالى رجع فى عربيتة الملاكى

- الاشتراكى رجع فى الاتوبيس

- الاخوانى رجع فى كلامة

**ahmed_h_g** · 11-01-2013 02:47 PM

كل شويه خبر سئ ويطلع فشوش
يا جماعه بلاش أخبار مثل هذه الأخبار المبيضه لشعر الرأس كفايه

**abogharib** · 11-01-2013 03:07 PM

المشاركة الأصلية كتبت بواسطة Survival

الحكومة دى بتاخد القرارات و بعدين تفكر و لا بتفكر و بعدين تاخد القرارات
انا شايف انها بتاخد القرارات و لا بتفكر قبلها و لا بعدها.
لما يبقى شباب عادى يعدل على قرارتهم الغير صائبة يبقى الناس دى فى المكان الغير مناسب وملهمش لا فى السياسة و لا الاقتصاد و لا حتى الباباغنوج.. انا بقيت حاسس ان القيادات عاوزه تولع فى البلد بقراراتها الغبية دى.
ايه علاقة السعة اللترية بالدعم يا متعلمين يا بتوع المدارس!!!!!!!!!!!
عاوز تطبق حاجة خدها بالتدريج زى ما تعلمنا من الرسول الكريم يعنى خلى الدعم للمواطنين بس الاول (حلوة كلمة مواطن دى حاسسها جديدة عليا) و بعد كده شوف النتيجة و طبق الخطوة اللى بعدها اللى برضه مش هيبقى ليها علاقة بالسعة اللترية عشان نبقى متفقين من اولها.

تلاقيهم بيفكرو يشيلو الدعم و يضربو الفلوس فى جيبهم و ال 95 يوفرهم ال 55 مليون و ال 92 يوفرلهم ال 55 مليار و الشعب يولع فى نفسه

**abogharib** · 11-01-2013 03:09 PM

المشاركة الأصلية كتبت بواسطة land_cruiser

لو الكلام ده صحيح ان شاء الله هيرجعوا فيه كالعاده . هما يمكن بس بيعملوا حركه لئيمه و هو أنهم يقولوا ان مفيش دعم لأكتر من ١٤٠٠ سى سى فالناس تزعل وتتخانق فيقولوا خلاص ما تزعلوش الحكومه بتحبكم و هتدخلكم فى الدعم فالناس تفرح و تقول لهم شكرًا و بكده بدل ما كنا بنقول الغوا موضوع الكوبونات بقينا فرحانين باننا هيسيبولنا جزء من الدعم

هو فى حكومه بتاعمل شعبعها كده يا راجل دى طريقتهم دى اكنهم بيعملو ناس فى اولى ابتدائى

**Hondawy_2008** · 11-01-2013 03:35 PM

الاخوان دول عايزينها تتقلهم اسكندراني

**Egyzizo** · 11-01-2013 04:11 PM

المشاركة الأصلية كتبت بواسطة ahmed_ramadan

لو عربيتك بإسمك و عربية والدك بإسمه كل واحد ليه الدعم بتاعه حسب الشريحة الواقع فيها

يعنى لو العربيتين باسم الوالد ، المفروض يسجل عربية منهم باسم ابنه ويغير رخصة العربية له علشان يستحق الدعم على العربيتين ؟؟

-

الموضوع: دعم البنزين للسيارات حتى السيارات 1400 سي سي فقط

LinkBack

أدوات الموضوع

عرض

-

-

-

-

المواضيع المتشابهه

سعر البنزين للسيارات الكبيرة

معدل استهلاك البنزين فى الفابيا 1400

معرض جينيف للسيارات : السيارات الرياضية و السيارات الخارقة

جراند بونتو 1400 سي سي ولا ابيزا 1400 ولا بيجو 307 1400 برضو؟؟؟

استهلاك البنزين في المواتير 1400 . 1600

الكلمات الدلالية لهذا الموضوع

المفضلات

المفضلات

ضوابط المشاركة