دعم البنزين للسيارات حتى السيارات 1400 سي سي فقط

**Mohab555** · 11-01-2013 09:10 PM

حسبى الله و نعم الوكيل فيك ياشيخ .... وزارة فاشلة بكل الوزراء الى فيها
يعنى الى معاه فيرنا عايش فى الرفاهية !!! الى راكب لانوس !!! ايه ده لو الشعب كفار مش هيخلونا نكره العيشة و نكره البلد كده !!
والله العظيم حرام و ان شاء الله القرار الكارثى ده لو انتفذ الناس مش هتسكت ..

**ibrahimzeid** · 11-01-2013 10:16 PM

أنا عربيتي بيجو 3008 وباستخدم بنزين 95 وبعد ارتفاع سعره حولنا على 92 شكلهم عايزينا نبيع العربيات ونركب تك تك عشان نبقى من مستحقي الدعم

**kimokaim** · 11-01-2013 10:23 PM

على فكرة الوزير تاه شوية !!!

هو يقصد العربيات أقل من 1600 سي سي أي 1599 سي سي

نفس شريحة الضرايب تقريبا

عشان كل العربيات 1600 سي سي هي في الحقيقة أقل من 1599 وانت نازل

وديه حيكون لها دعم بـ150 لتر شهريا

طبعا لو زاد اللتر جنيه بس بالنسبة لبنزين 92 حيكون أقل الخساير بالنسبالي كصاحب عربيات فوق 1600 سي سي

المصيبة في الفارق المهول بين الملاكي والنقل

ده الدعم بتاعه 10 الاف لتر سولار سنويا !!!! والملاكي 1800 بس !!؟؟؟

هو ده الظلم

**EngAhmedSakr** · 11-01-2013 10:34 PM

انا موافق يشيلوا الدعم جزئيا .... بس في المقابل يخفضوا ضرايب وجمارك العربيات بنفس النسبه المئويه
مادام الناس هتدفع فلوس زياده في البنزين يبقي من حقهم تديهم فرصه يركبوا حاجه نضيفه ويوفروا تمن الصيانات والتصليحات

وبصراحه يعني خلونا نكون واقعيين ونقول ان دعم المحروقات فعلا واخد كتيييييييييير اوي من دخل مصر
اللي حال الصحه والتعليم والخدمات فيها سئ جدا

خفضوا الدعم عننا اوك ... بس في المقابل إدعموا بجد الغلابه والفقرا اللي في البلد دي
خير مصر لازم يكون لكل ولاد مصر

**gebreel** · 11-01-2013 10:36 PM

انشراح و حسين و الشعب صوت واااااااحد

يا ولاد البتاع ده انا عربيتي لسة مخلصتش ثمنها =(

**gebreel** · 11-01-2013 10:40 PM

لأ و مش بس كدة انا طريقي يوميا مدينة نصر اسكندرية الصحراوي علشان شغلي دائري و محور واقفين و علشان اتجنب الزحمة بنزل من بيتنا الساعة 6:30 و بردو بقف و بعمل يوميا من 120 الى 150 كيلو علشان اروح شغلي بس بدون مشاوير
زود على كدة الطريق الزفت اللي بيبهدل عفشة عربيتي و الاسفلت الهباب اللي ممكن يخلي عربية تعوم و تلبس كذا عربية في بعض و خدمات الطريق النيلة

ضرايب و بدفع على كل حاجة ... بدفع ضريبة دخل و ضريبة مبيعات و ضريبة على العربية الخ...
و خدمات في المقابل 0 كبير زي بتاع المونديال
حقوق مبخدهاش ... صحة بروح مستشفيات خاصة علشان احس باني بني ادم ... تعليم اهلي ودوني مدارس خاصة علشان اتعلم و انا هودي اولادي بردة خاص علشان يتعلموا لأن الحكومة لا علم ولا نيلة

طيب ايييييييييييه بقى ؟؟؟؟

**Formulator** · 11-01-2013 11:29 PM

اللى فكر فـ الأول ان الـ95 بتاع الأغنياء اللى راكبين عربيات كبيرة -مش بتاع العربيات "الجديدة"...
طبيعى جدا انه يفكر ان اللى راكب عربية أكبر من 1400cc.. يبقى مرفه؟!! واللى راكب 1600cc يبقى فاحش فشيك؟؟!!!
ههههههههههههههههههه

المشاركة الأصلية كتبت بواسطة Survival

ايه علاقة السعة اللترية بالدعم يا متعلمين يا بتوع المدارس!!!!!!!!!!!

- أنا بس عايز أعرف؟؟ هما فاهمين وبيستهبلوا، ولا فعلا أغبياء فشك؟؟!!!

الـ1.6 دى الشعبى بتاع المصريين!!

المشاركة الأصلية كتبت بواسطة abogharib

تلاقيهم بيفكرو يشيلو الدعم و يضربو الفلوس فى جيبهم و ال 95 يوفرهم ال 55 مليون و ال 92 يوفرلهم ال 55 مليار و الشعب يولع فى نفسه

ومين قالك انهم وفروا فعلا 55 مليون من رفع الدعم عن الـ95؟؟!!! Lol

لما 80-90% من اللى كانوا بيحطوا 95 بقوا يحطوا 92؟!! يبقى كده الفكيك أوى بـ تييييييت عرف ياخد من جيوبهم الفرق؟؟
- ولا هما اللى خدوا من دعم الـ92 بتاعه؟!!! ههههههههههههههههه

-

-

الموضوع: دعم البنزين للسيارات حتى السيارات 1400 سي سي فقط

LinkBack

أدوات الموضوع

عرض

-

-

-

-

-

المواضيع المتشابهه

سعر البنزين للسيارات الكبيرة

معدل استهلاك البنزين فى الفابيا 1400

معرض جينيف للسيارات : السيارات الرياضية و السيارات الخارقة

جراند بونتو 1400 سي سي ولا ابيزا 1400 ولا بيجو 307 1400 برضو؟؟؟

استهلاك البنزين في المواتير 1400 . 1600

الكلمات الدلالية لهذا الموضوع

المفضلات

المفضلات

ضوابط المشاركة