موضوع اكثرمن رائع
وانا دايما ببص على الار بى ام اكتر ماببص على السرعة والحرارة والبنزين
عرض للطباعة
موضوع اكثرمن رائع
وانا دايما ببص على الار بى ام اكتر ماببص على السرعة والحرارة والبنزين
بجد الف شكر استفدت جدا من موضوعك الرائع ده شكرا يا باشا
موضوع رائع جداً و مهم جداً , احييك عليه
طب يا هندسة ايه رأيك في تغيير الكاوتش مثلا بكاوتش قطره أكبر؟ بيزود التسارع و السرعة النهائية و استهلاك البنزين و الا بيقللهم؟
باشا... انت سألتني السؤال ده قبل كده :shyy:
بس عشان خاطرك هجاوب تاني... ويشرفني تواجدك معانا في الموضوع :welcome1:
بص يا سيدي
تزويد قطر الكاوتش بيعمل حاجتين:
1- يزود السرعة القصوى ... وبالتالي فـفي حالة المشي على سرعات ثابتة (زي الطرق السريعة مثلا).. فالمفترض إن الاستهلاك يقل، لإن العجل بيلف عدد لفات أقل عشان يوصل نفس المسافة نتيجة إن القطر بقى أكبر
2- يقلل التسارع ... وبالتالي فـفي حالة التسارع أو وجود مقاومة عالية (زي صعود مناطق عالية مثلا).. فاللي بيحصل إن الاستهلاك هيزيد... لإن العزم اللي واصل للعجل بقى أقل من الأول نتيجة تكبير القطر، وبالتالي عشان ناخد نفس التسارع القديم لازم ندوس بنزين أكتر عشان نزود العزم
الفرق في التسارع احتمال ما يكونش محسوس إذا كان الفرق في القطر صغير، بس بيبان كل ما الفرق كبر.
بس متهيألي مع الكلام ده محتاجين نعرف الأول إيه هو العزم؟؟؟
باختصار ... العزم ده تقدر تعتبره القوة الدورانية... وبتتحسب عن طريق ضرب القوة المحركة في المسافة إلى مركز الدوران
http://craig.backfire.ca/img/pound-feet-wrench.png
دي هي نفس الفكرة اللي بيتولد بيها العزم داخل المحرك
http://upload.wikimedia.org/wikipedi...h-airflows.gif
كده عمود الكرنك بقى فيه عزم... اللي هيتنقل بعد كده لاسطوانة الدبرياج ومن ثم إلى العمود الرئيسي داخل صندوق التروس
http://www.csa.com/discoveryguides/a...ages/fig25.jpg http://imgur.com/FcwbK.gif
التروس اللي راكبة على العمود الرئيسي هتحول العزم إلى قوة خطية
http://craig.backfire.ca/img/torque-force.png
وبالتالي مقدار القوة الخطية دي يختلف باختلاف المسافة (نصف قطر الترس)
كل ترس من دي إسمه الترس القائد (Driver) .. لإنه بيقود الحركة، والتروس اللي هتستلم الحركة إسمها (المنقاد Driven)
يبقى نفس القوة الخطية الناتجة من الترس القائد هتتنقل إلى الترس المنقاد (زي ما هي) ، ولكن العزم عليه قد يتغير باختلاف نصف قطره (لو كان أصغر العزم هيصغر... ولو كان أكبر العزم هيكبر)
http://craig.backfire.ca/img/gearbox-example.png
في علب التروس... أبطأ نسبة تعشيق هي اللي فيها أصغر ترس قائد مع أكبر ترس منقاد... والعكس صحيح
http://02.edu-cdn.com/files/89501_89...file_89573.jpg http://www.technologystudent.com/images5/gr1a.gif
طيب ليه بناخد أكبر عزم من النسبة البطيئة؟
بافتراض إننا ثبتنا سرعة الدوران... يبقى العزم الخارج من الموتور له قيمة محددة
والترس القائد في علبة التروس هيتنقله العزم ده بالكامل... ولإن نصف قطره صغير جدا... فالقوة الخطية الخارجة منه هتبقى كبيرة جدا
http://www.engineerstudent.co.uk/Ima...ratio_anim.gif
في المقابل... القوة الكبيرة جدا دي هتتنقل للترس الكبير (المنقاد) ... ولإنه قطره كبير، فالعزم الناتج منه هيكبر أكتر لإن القوة اضربت في مسافة أكبر
وبالتالي ... العزم الناتج هيقل كل ما عشقنا نسب أسرع (تروس منقادة أصغر)
http://craig.backfire.ca/img/transmission-accel.png
طيب... إيه اللي بيحصل للعجل لما نكبر قطره؟؟؟
العجل هنا نقدر نعتبره زي الترس القائد
وهنفترض إن العزم اللي جايله ثابت... يبقى القوة الخطية اللي هتتطلع منه هتصغر كل ما كبرنا قطره
القوة الخطية هنا هي اللي بتتنقل للشارع عشان تحرك العربية
http://craig.backfire.ca/img/wheel-torque-accel.png
يبقى القوة الفعلية اللي بتحرك العربية بقت أقل، وبالتالي التسارع هيقل
يا رب أكون قدرت أبسط المعلومات بالشكل الكافي ... وما حدش يتلخبط :)
لو عايز معلومات مفصلة... تقدر تدخل على الرابط ده:
Horsepower and Torque - Craig's Website at Backfire.ca
...
الله ينور عليك يا م. أحمد ... بس ياريت تعمل الموضوع ده بشكل مستقل يكون افضل بدل ما يتدفن كدة فى وسط المشاركات
الصراحة شرحك جميل جدا و ربنا يجازيك خير. لكن بعد شرحك الأخير أنا فهمت أن الكاوتش اللي قطره أكبر هيزود الاستهلاك في حالة التسارع لكن هيقلل الاستهلاك في حالة ثبات السرعة و الكاوتش اللي قطرة أقل هيكون العكس. صح كده و الا ايه؟
كلام مفيد جدا
الله ينور... بالظبط هو ده اللي قصدي عليه
الفكرة إنك في التسارع .. الطبيعي إنك بتدوس بنزين زيادة عن الحاجة عشان تزود السرعة ... فاللي هيحصل إنك هتحتاج تدوس أكتر شوية لما القطر يزيد... أو تدوس أقل من المعتاد لو القطر أصغر
أنا قريت زمان إنك لو عايش في مناطق جبلية مثلا... الأفضل تركب كاوتش أصغر... عشان تاخد تسارع أعلى... خصوصا أنك مش هتمشي بسرعة عالية
بس من وجهة نظري... أكيد اللي مصمم العربية واخد اعتبارات كتير في حسابه، وتغييرنا لشيء في العربية أكيد له آثار جانبية أخرى... أبسطها موضوع البنزين ده...
إنما فيه حاجات تانية ممكن تتأثر هي كمان... زي الثبات مثلا... وبقول تتأثر: يعني بالسلب أو الإيجاب
...