يا جماعة العربية بتنتش

**amirock** · 14-01-2013 09:30 AM

السلام عليكم
يا جماعة عربيتي بقالها فترة مزهقاني شوية تسلك علي الطريق و شوية تنتش الميكانيكي قاللي غير سلك البوجيهات و البوجيهات نفسها كانت محتاجة تتغير مع العلم انها مكلمتش 3000 كيلو و نوعها ان جي كيه قاللي انها رطبت و السلوك بترمي كهرباء برة البوجيهات المهم غيرتهم العربيه اشتغلت تماام اسبوع و رجعت نفس المشكلة تاني.
رجعتله بالعربية شيك عليها تاني علي البوجيهات و الضفيرة و
طرمبة البنزين و في الاخر قاللي شكلة كويل قام مركب كويل من عندة العربية اشتغلت تماام وسابلي الكويل بتاعه اجرب بيه مع العلم انه مكنش متاكد ان الكويل بتاعه سليم و لا لا .
المهم جربت يومين مشيت تمام و فجاة رجع نفس العيب و شميت ريحة بنزين ني كدة
كلمته قالي الكويل عايز يتغير هات كويل تاني .
دلواتي خايف اشتري كويل مايطلعش عيب كويل و بصراحة مش عارف اشتري كويل نوعه اية لاني لما سالت قالولي الاصلي ب 550سعره غالي قوي و الصيني 165 و فيه صيني 190 و انت و رزقك و عليه ضمان شهر و الاستعمال برضة بحوالي 250 و انا و رزقي برضة
بصراحة محتار اعمل ايه
فبالله عليكم تفيدوني احسن زهقت

**tarek_2005** · 14-01-2013 10:13 AM

جبت واحد صيني من السرساوي بالدقي بقاله 3 اشهر في سيارة نسيبي تمام

**tefa22m** · 14-01-2013 05:46 PM

لو الكويل اللى المكانيكى ركبه من عنده قطع بردو بنفس الطريقه يبقى ازاى عيب كويل ؟

**amirock** · 14-01-2013 07:09 PM

يا باشا ما هو الميكانيكى مش عارف اذا كان الكويل بتاعى سليم و لا اساسا

**amirock** · 14-01-2013 07:25 PM

يا باشا ما هو الميكانيكى مش عارف اذا كان الكويل بتاعة سليم و لا اساسا

**bebom** · 14-01-2013 09:11 PM

بعد اذنكم واذن صاحب الموضوع هوا الكويل ده بتاع ايه
نفس الي بيحصل معاك حصل معايا في الاخ العربيه بقت سلحفاه غيرت سلك وبعدين بوجيهات وفي الاخر طلعت الموبينه وبعد كده العربيه بقت تمام

**exact** · 14-01-2013 10:34 PM

الموبينة سهل اختبارها بالآفو ميتر

برضه لو عربيتك فيها سبيراتير شيك كويس عالغطا والشاكوش

**bebom** · 16-01-2013 12:04 AM

او يجرب واحده من عند الميكانيكي

**mo7eb elrasol** · 21-01-2013 12:33 PM

والله الميكانيكية دول حاجة تزهق
علشان يعرف العيب فين بيعمل العربية حقل تجارب
انا بريح دماغى وبعمل صيانة عربيتى عاند واحد اعرفه فى الشرقية،اى نعم بيكون مشوار بعيد بس بصراحة هناك ناس خبرات وعاندهم ضمير بصورة غير عادية ده طبعا بالاضافة الى مصاريف الصيانة بتكون عادية جدا ومافيهاش اى استغلال.