الموضوع: لما الموتور يكون مساعدك........و العفشة تعكنن عليك

المشاركة الأصلية كتبت بواسطة hosam_optrawy

ههههههههههههه

خلاص نحاول نقرب منها عشان مانسيبش العمليه مفتوحه على اليابانى كله كدا



موديل 98 , 6 سلندر 3000 سى سى , اعلى موديل فى الماركة دى , اعلى من الكامرى والأكورد

اعتقد مش هاتخرج عن تويوتا أفالون ونيسان ماكسيما

:u_thin1[1]:

رجاله تويوتا ونيسان تجيب السلاح وتحضر نفسها باقى اليابانى كل واحد على قسمه :)

هههههههههه تصدق فكرة برضه :)

المشاركة الأصلية كتبت بواسطة buddha

الحاج كان معاة فولكـس باســـات وباعها لما زهق من العفشة كانت اكنك راكب 128 وبعديها جاب فولكـــــس جيتا زيرو قعدت حوالى سنة ودلوقتى تشوف منظر العربية من برة تقول ملهاش حل تركب وتمشى بيها تزعل قوى تقول اية دة حاجة محرجة جدا العفشة بقت زى اكنها مفكوكة من بعضها (كل حتة سليمة بس مستقلة بذاتها) ودى عربية والدى وهو راجل كبير مش بتاع جرى

باجى اركب الهوندا بتاعتى رغم ان فيها جوز مقصات خلفى محتاج تغيير ولا بحس باى حاجة وانا ماشى فقط لو مشيت على حصى تبتدى تسمع بقى الاصوات بس والله ولا كلمة على الطريق غرز على 160 ولو حد عارف ملفات السخنة انا بمشى فيها 140 بالمقصات البايظة ولا نص كلمة

ودة بقى يرجع لتصميم مميز جدا للعفشة والله وهى مرفوعة فى البنزينة بتتغسل وتشوف منظر العفشة تول اية دة كلة

........... وكان معايا جولف 4 فى امريكا عملت حادث بواحدة وبعديها جبت نفس الموديل تانى هى كنت حاببها بس عشان كانت جاز وكانت طبعا تيربو والمسافات هناك بين ولاية والتانية مسافات تقاس بالايام وليس الكيلو او الساعات كانت امان جدا على الطريق حتى لو نمت بس لما العفشة تتعب ودة كان باستمرار نتيجة الثلوج كانت الجلد كلة بيبوظ والمساعدين تضرب زيت ودة كان يخلى الواحدج يكرة العربية لانها لن تطاق الا بعد تغير العفشة تماما
كنت بحس انى راكب كـاروووو بدون مبالغة

ولما جيت مصر فى رمضان الــ فات اشتريت صنى 2000 مؤقتا بصراحة تكيف جميل جدا جدا وموتور ممـتاز وصالون جميل بس العفشة زى القرف تحس ان مفيهاش عفشة اصلا والثبات ضاااااايع بعد 120 او 140
طبعا منفعتش معايا لانى باختصا غاوى طيران

كنت محتار بين بى ام دابليو وهوندا بس ناس كتير قرفونى من البى ام وخصوصا شكوى طلمبة الزيت وشكروووو جدا فى هوندا ودى طبعا مش محتاجة شكر فيها(نار على علم)

فاشتريت si 93 هى طبعا فيها شغل كتير بس بصراحة ثبات خرافى وخصوصا ان سواقتى من النوع الخطر والعنيفة
بصراحة قوة تحمل وثبات فى ادوات التعليق الـــ مجربهاش يارت

ميقولش اي كلمة لانة باختصار هوندا مدرسة فى الثبات


اسف جدا للاطالة

طبعاً الهوندا معروفة أنها أثبت الياباني المعتاد........مش العالي زي الليكزس و الأنفينتي.

بس ثبات الألماني مفيهوش كلام......أنا معرفش بصراحة الجيتا و الباسات اللى معاك كان مالهم بس العربيات دي ركبتها و كانت زي الفل مفيهاش مشاكل خالص......و اعتقد أني سوقت الجيتا و لو أني مش فاكر 100%.

المشاركة الأصلية كتبت بواسطة mahmoudselim

طيب ياريت تقول تحديدا اية العربية اللي انت تقصدها بالظبط "ممكن يكون موديل العربية فاشل اصلا" عادي بتحصل في احسن الشركات, او ان العربية تكون كويسة بس ماكنش متحافظ عليها اصلا ومش متصاينة صح! هل العيب دا شائع في الموديل دا ولا عندك انت بس؟. بس عامتا شوارع وطرق الامارات 95% منها اسفلت حرير وفين وفين لما اصحاب العربيات هناك بيعملوا شغل في العفشة او حتي يربطها الا اللي بيفرك بالعربية كتير ومش مصاينها هي مش قاعدة يعني بس الشغل اللي انت بتقولو محتاجاة العربية وفي طرق زي الامارات الامارات يقول ان العربية دي ماكنتش متصانة نهائي. والدي كان معاة كرسيدا في الامارات موديل 92 تقريبا اول ما فكر يغير حاجة في عفشة العربية فعلا كانت في 2002 تقريبا وفضلت معاة زي الفل لغايت ما باعها في 2006.
ثانيا انت بتتكلم عن العفشة علي المدي الطويل وانا ذيك برضوا , انت جربت اللجاسي ولا الاكورد او الكامري والامبريزا والسفيك والكورولا موديلات قديمة وعربيات متصاينة ولاقيت عفشتها سيئة زي ما بتقول. انا عن نفسي معايا هنا في مصر امبريزا 98 بسم الله ماشاء الله والله واكبر عفشة وهم وسبات تحفة ورائع جدا ماشاء الله ويوم ما بغير حاجة في العفشة واجيب اختها الاصلي جديد بتبقي 10\10 وفي اليومين اللي فاتوا دول في المطرة والطينة لما البلد كانت غرقانة كان بيبقي جنبي العربيات الالماني موديلات حديثة جدا وبتعاني علشان تطلع من الطينة والمية والشوارع المكسرة وعاملة برك والامبريزا الحمدلله كانت بتسد وزيادة مع انها موديل اقدم منهم بكتير.

بص بقي يا باشا رأئ ان البي ام والمرسيدس تحديدا لما تحب تقارنهم بالياباني ما تقارنهومش غير بالليكزس والانفينتي فقط. والافضلية للبي ام والمرسيدس طبعا في حاجات اكتر. وتاني اي عربية في الدنيا لو مش متصاينة صح هتبهدل صاحبها وتطلع عينة.
ـــــــــــــــــــــــــ ـــــــــــــ

أنا هرد على الجزء ده..........لأن أنا مجبتش سيرة إنتشار عربيات فى مناطق جبلية ولا صحراوية............يمكن عضو تاني :)

أنا مش عاوز اقول على العربية بس علشان محدش يفتكر أني بهاجم الماركة دي تحديداً و فيه ناس بتزعل.

مش عارف ده عيب شائع ولا لأ........لأني مسوقتش غير العربية اللى معايا من الموديل ده.

العربية أنا قولت فى الأول أن عفشتها كانت ضايعة........مقولتش أنها كويسة.

بس الطبيعي أنك لما تغير بارات و تغير مقصات و مساعدين خلفي أنك تحس أنك علمت حاجة.....تحس بتغيير فى العفشة يناسب اللى أتعمل.......بس ده محصلش.

كون ان العربية تحتاج تربيط عفشة كل فترة و بعد التربيط تبقى كويسة لمدة أسبوع أو أتنين ده ملهوش علاقة مباشرة بكفاءة القطع اللى راكبه بقدر ما له علاقة بأن العفشة بتفك لسبب او لأخر.

أنا جربت كتير..........ليجاسي.....أكورد..... .التيما......أمبريزا.......كورول ا2010 و 2012.....فورد فيوجن......مرسيدس.......بي ام.........أنفينيتي.....و حاجات غير كده كمان.....بس كان معظمهم موديلات حديثة فوق ال 2005...مش 98 زي العربية دي.

و جربت لانسر 2001 و كورولا 96 من القديم.........و لقيت نفس الموضوع.....و مكنتش عاوز أقول علشان أصلاً مينفعش أقارن عربية زي الكورولا بعربية أكبر من الكامري و المفروض أنها high end مش أى حاجة.

أقرب حاجة جربتها للعربية اللى بتكلم عليها كانت 540 موديل 2000 تقريباً و مفيش وجه مقارنة..........مع أن العربية اللى تبتكلم عليها تتقارن مع ال 700 مش ال 500.

و طبعاً معظم شوارع الأمارات حرير مقولتش غير كده برضه.......بس لما تلاقي بروز فى الأسفلت عند بلاعة أو مطب حديد فى باركنج و تحس بيه فى العربية و تحس أن فيه حاجة غلط.....ده اللى أنا بتكلم عليه.

لما أكون ماشي على طريق سريع و عاوز أخد غرزة واسعة و أحس أني راكب مركب.........ده اللى بتكلم عليه.

و مش هقارن بينها وبين المرسيدس و البي أم.........علشان خاطرك بس :)

هقارن بينها و بين الليجاسي اللى أنا سوقتها فى شوارع مصر

أو الميجان اللى بسوقها هنا أو اللى فى مصر

مش عاوز أقولك أن الأتنين أحسن منها.........مع العلم أن الميجان اللى هنا الكاوتش بتاعها فى الضياع و عفشتها مش مظبطة قوي برضه.

المشاركة الأصلية كتبت بواسطة Ahmed A.Maksoud

أنا مش عاوز اقول على العربية بس علشان محدش يفتكر أني بهاجم الماركة دي تحديداً و فيه ناس بتزعل.

.

احنا عايزين نعرف العربية اية ؟؟؟؟؟؟؟؟؟؟؟

لازم نعرف عشان بقى الموضوع يشعلل شوية وتلاقى كلة ب فى كلة