الموضوع: لما الموتور يكون مساعدك........و العفشة تعكنن عليك

المشاركة الأصلية كتبت بواسطة amrelsaqqa

ادينى امثلة !

شوف استهلاك اى عربية يابانى 1600 سى سى بيعمل كام هتلاقية يتراوح مابين 200 الى 220 كم فى الضفيحة داخل البلد

وشوف مثلا استهلاك الوقود ل( اوبل 1600 - bmw 1600 ) بتعمل كام ممكن ملاكها يفيدونا اكتر

على فكرة ال vtec مالوش دعوة بقصة استهلاك البنزين خالص ال vtec علاقتة كلها اداء عالى على السرعات العالية بالعكس دة لما بيفتح بيزود الاستهلاك اكتر ,

والتويوتا واللانسر عندهم تكنولوجى حلو برضه ، بس اصلا عربيات خفيفة ، مش في نفس وزن العربيات الالمانى
يعنى لما تلاقى عربية في وزن الاوكتافيا مثلا واستهلاكها 240 في الصفيحة ولا حتى 200 ، ده ممتاز جدا جدا !
ومش عايزين نتكلم عن استهلاك البنزين في النيسان صنى

انا صاحبى معاة skoda fantasia عاملة دلوقتى 25 الف كيلو والاستهلاك معاة اخرها 175 كم فى الصفيحة بدون تكييف ومع التكييف بيعلى الاستهلاك لان العربية تقيلة وماتورها مش بنفس حجم البودى فبيضطر يدويس شوية عشان العربية تسحب كويس

ومعاك ان النيسان صنى حراقة بنزين تقريبا بردة اخرها 170 كم فى الصفيحة ودة بيبقى انجاز ليها

ماشى ، والموضوع نسبى ودلوقتى ما بقاش في فروق زي زمان ، الكورى نفسه بقت صيانته في التوكيل وقطع غياره غالية


يعنى مثلا هقولك حاجة شوف مرايا ال bmw 3 series , c class , opel vectra وشوف مراية اليابانى بكام او الكورى

مش في كله ، وقوة التكييف في اليابانى ساعات بحس انه مبالغ فيها يعنى انا مرة سقت نيسان صنى حسيت انها تكييف وطالعله عربية ودلوقتى اغلب الاوروبى تكييفه قوى جدا لايقل عن العربيات اليابانى او هو اصلا تكييف يابانى

طيب هاتلى عربية المانى تكييفها يقدر يتعادل مع قوة التكييف اليابانى او الكورى او حتى الصينى

طيب انت تعرف ان تكييف الصينى يتفوق بسهولة على السيارات الكورية ؟؟؟؟؟ انا ركبت عربية speranza تاكسى تكييفها كان تلاجة وانا راجع خدت عربية فيرنا اللى الناس بتحلف بيها وكان عدادها عامل 35000 الف كيلو تقريبا وتكييفها ماقل منة بفرق ملحوظ فى القوة

مش قاعدة عامة ، عندك النيسان صنى مش فاهم طلعت من المصنع ازاى كدة اصلا :d بجد اضيق كنبة شفتها في حياتى على حجم العربية

معاك ضيقة جدا , مافيش كلام بس بردة انا مش عارف هو مافيش غير النيسان اللى يابانى ولا اية ؟؟؟؟؟؟؟؟ هههههههه

وبعدين بردة النيسان ماتنساش ان سعرها واوبشنها رخيص جدا يعنى تعتبر ارخص عربية يابانى فى فئتها بالحجم دة

لكن اركب التيدا اتفرج على الوسع

الاوكتافيا a4 كنبتها ضيقة حاجة بسيطة جدا مش زي الصنى مقابل شنطة قد بتاعت الصنى مرتين
الاوبل فكترا كنبة ضيقة بس برضه مش زي الصنى ( حالات فردية ما ينفعش تعممها )
التويوتا كورولا شكل 2003 قعدة الكنبة بتاعتها مش مريحة والعربية دى معايا وعارفها
الجولف عربية واسعة جدا جدا

القصد ان حتة ضيق الكنبة دى بالذات ما ينفعش اعمم واقول اليابانى كذا والالمانى كذا ..

طيب انا هديك مثال حلو اوى ودية كنا فى المعرض اللى فات بتاع الاهرام وكان معايا خد بالك

( ناس معانا فى القسم - اتنين كبار واحد ومراتة وواضح انهم بيدورا على عربية عائلية مرسيدس او بى ام دبليو الفئة الثالثة او ال c class )

- انا طولى 190 سم , ومعايا صديق ليا الاستاذ هانى طولة مناسب جدااااا تقريبا 182 سم
وركبنا ياباشا ال c class 2012 اية دة ينهار ابيض انا مش داخل فى الكنبة الخلفية على وضعية القيادة بتاعتى ( اية ياعم هية العربية دية معمولة للقصيرين فقط ولا اية

المهم الاستاذ هانى قالى طيب يمكن انت عشان طويل والعربية بردة مش كبيرة قالى هجرب انا

ركب الاستاذ هانى على وضعيتة فى الامام تمام , جية يركب فى الخلف ينهار ابيض هو كمان العربية وخداة بالعافية ومش مرتاح نهائى , او تقريبا دخل بالعافية , وطبعا الاستاذ هانى معاة سيفيك 2010 والدنيا مختلفة تماما , طيب دة ينفع فى عربية تمنها 400 الف جنية ؟؟؟؟؟؟؟؟؟

لكن مثلا تعالى لعربية زى الباسات ماشاء الله واسعة وكويسة جدااااا

وعلى فكرة انت نسيت تقول ان العربيات الالمانى بتسخن

هههههههههههههه , مارديتش اقولها عشان عارف انها مش موجودة غير فى الاوكتافيا والاوبل فقط