الموضوع: لما الموتور يكون مساعدك........و العفشة تعكنن عليك

[QUOTE=Ahmed A.Maksoud;3874753247

يا باشا أنا و الحمد لله جربت و ركبت.........و العربية اللى بتكلم عليها دي اعلى من الكامري و من الأكورد.

و أنا تحديداً جربت غير العربية دي الأكورد و الألتيما و الليجاسي و الليجاسي تحديداً جربتها فى مصر........و جربت غيرهم كتير و الحمد لله.

و مفيش شك أن اليابان ليها إختراعات محدش يقدر ينكرها بس أنا كلامي هنا عن العفشة و على المدى الطويل مش عفشة عربية جديدة .
ـــــــــــــــــــــــــ ـــــــــــــــــــــــــ ـــــــــــــــــ
السعر له عامل كبير.......و برضه طريقة السواقة ليها عامل أكبر

يعني تعالى لواحد مش عاوز غير عربية توصله و ترجعه من مكان للتاني و خلاص.........ده لو قولتله عفشة مش قد كده هيقولك مش فارقة معايا........أنا مش بعدي ال 100 أو ال 120.

تاني...........الكلام على عفشة على المدى الطويل......و إن مع التغييرات اللى عملتها فيها مفيش تحسن ملحوظ...........على عكس البي أم القديمة اللى كانت معايا..........جوز مساعدين عمل فرق كويس جداً

.[/QUOTE]

طيب ياريت تقول تحديدا اية العربية اللي انت تقصدها بالظبط "ممكن يكون موديل العربية فاشل اصلا" عادي بتحصل في احسن الشركات, او ان العربية تكون كويسة بس ماكنش متحافظ عليها اصلا ومش متصاينة صح! هل العيب دا شائع في الموديل دا ولا عندك انت بس؟. بس عامتا شوارع وطرق الامارات 95% منها اسفلت حرير وفين وفين لما اصحاب العربيات هناك بيعملوا شغل في العفشة او حتي يربطها الا اللي بيفرك بالعربية كتير ومش مصاينها هي مش قاعدة يعني بس الشغل اللي انت بتقولو محتاجاة العربية وفي طرق زي الامارات الامارات يقول ان العربية دي ماكنتش متصانة نهائي. والدي كان معاة كرسيدا في الامارات موديل 92 تقريبا اول ما فكر يغير حاجة في عفشة العربية فعلا كانت في 2002 تقريبا وفضلت معاة زي الفل لغايت ما باعها في 2006.
ثانيا انت بتتكلم عن العفشة علي المدي الطويل وانا ذيك برضوا , انت جربت اللجاسي ولا الاكورد او الكامري والامبريزا والسفيك والكورولا موديلات قديمة وعربيات متصاينة ولاقيت عفشتها سيئة زي ما بتقول. انا عن نفسي معايا هنا في مصر امبريزا 98 بسم الله ماشاء الله والله واكبر عفشة وهم وسبات تحفة ورائع جدا ماشاء الله ويوم ما بغير حاجة في العفشة واجيب اختها الاصلي جديد بتبقي 10\10 وفي اليومين اللي فاتوا دول في المطرة والطينة لما البلد كانت غرقانة كان بيبقي جنبي العربيات الالماني موديلات حديثة جدا وبتعاني علشان تطلع من الطينة والمية والشوارع المكسرة وعاملة برك والامبريزا الحمدلله كانت بتسد وزيادة مع انها موديل اقدم منهم بكتير.

بص بقي يا باشا رأئ ان البي ام والمرسيدس تحديدا لما تحب تقارنهم بالياباني ما تقارنهومش غير بالليكزس والانفينتي فقط. والافضلية للبي ام والمرسيدس طبعا في حاجات اكتر. وتاني اي عربية في الدنيا لو مش متصاينة صح هتبهدل صاحبها وتطلع عينة.
ـــــــــــــــــــــــــ ـــــــــــــ
بخصوص تحليلك لسبب انتشار العربيات الياباني في المناطق الجبلية والصحراوية زي اهالي سينا هنا في مصر كدا وزي ما قلت قبل كدا في باكستان وغيرها, انا مش مقتنع بية تماما وممكن اقولك اسبابي لو تحب علشان كدا الكلام هيطول. بس عامتا اهالي المناطق دي اول حاجة بيدوروا عليها في العربية هي الاعتمادية والكفائة وقلة الاعطال علي المدي الطويل وسهولة التصليح (لو العفشة وحشة يبقي كل الكلام اللي فات دا مالوش اي تلاتين لازمة حتي لو موتور واي حاجة تانية تمام) .

اتفرج علي الفيديو دا وقولي اللي يصنع عربية تعمل كدا في عربية وماركة بحجم وتاريخ المرسيدس ممكن يعمل اية تاني وهل شوفت في حياتك عربية كوري قدرت تتفوق في اي مجال من مجالات التصنيع علي ماركة في حجم المرسيدس ولا البي ام بالشكل دا . احنا قولنا في الاول ان اهالي المناطق الصحراوية والجبلية بيفضلو الياباني عن اي ماركة تانية, عندك كمان اهالي المناطق والجبال التلجية تحديدا في اوروبا وامريكا بيفضلوا السوبارو واللاند كروزر! ممكن تتأكد من المعلومة بنفسك من علي جوجل وممكن تشوف مشاركة احد الاعضاء هنا الي عايشين في كندا وهو معاة بي ام بالمناسبة . علي فكرة الفيديوا انتاج الماني لا ياباني ولا امريكي!!

AWD vs RWD vs RWD - YouTube

http://www.nilemotors.net/Nile/31648...post3874719948