نصائح للحفاظ على الكاسيت السى دى

**MoMohsen** · 26-07-2008 11:17 AM

انا هحاول ان شاء اللة اقول شوية نصايح بسيطة للحفاظ على الكاسيت السى دى و لو حد عندة نصيحة يقولها عشان تعم الفائدة ان شاء الله:
1-يفضل استخدام نوع سيديهات جيد و من خلال تجربتى افضل الانواع هو Samsung , TDK اما السونى فمعظمة مضروب.
2-استخدم حافظة سيديهات و ذلك لان ترك السى دى خارج الحافظة يعرضه للشمس و الاتربة.
3-لا تستخدم الكفرات الورق التى تأتى مع السى دى كحافظة لانها بتخربش السى دى كل مرة تحطة او تطلعة منها و بتلم تراب.
4-من وقت لاخر حاول تنظيف كاوتشة باب السى دى بفوطة و ذلك لان مهمة الكوتشة هو منع التراب من الدخول للكاسيت.
5-من وقت لاخر استخدم سى دى تنظيف مش لازم تستنى لحد لما السى دى يبطل يقرأ سيديهات و الوقاية افضل من العلاج.
6-عند اضطرارك لفك الكاسيت لتنظبف العدسة يفضل عدم استخدام السبرتو و يمكن استخدام المحلول الذى يأتى مع سى دى التنظيف.

**mohamed_88sk** · 26-07-2008 11:45 AM

مشكور يا باشا عالنصايح الغاليه دي ....

**rady** · 26-07-2008 12:24 PM

شكرا على النصائح ... وهل هناك نصائح خاصة بال cd changer ؟

**ahmedfawzy14** · 26-07-2008 12:36 PM

شكرا يا زعيم

بس انا سمعت ان ان سى دى التنظيف ده مش لكاسيت العربية

ياريت تفدنى فى الحتة دى بعدين السى دى عندى مغلبنى ساعات مبيقراش خالص

**MoMohsen** · 26-07-2008 12:45 PM

بص يا باشا هو سى دى التنظيف مش اكتر من سى دى عادى و ملصوق فية ريشة صغيرة تحط عليها المحلول .وفكرة انة مش لكاسيت العربية فدة لان السى دى بييجى علية زى فيديوهات صغيرة تتفرج عليها و هو معموا اصلا للـ VCD , DVD ولكن دة ميمنعش انك ممكن تستخدمة فى العربية . بس فية شوية ملاحظات بسيطة لطريقة استخدامة فى العربية:
لما تيجى تستعملة عشان يدى افضل نتيجة هتلاقى عندك حاجة زى الكاوتش على باب السى دى و دة عشان التراب ميدخلش على العدسة المهم انت تبل الريشة بالمحلول و تحاول تفتح الكاوتشة بأى حاجة عشان تعرف تعدى الريشة بتاعت السى دة من غير ما الكاوتشة تمص المحلول. ودة صورة الريشه اللى على سى دى التنضيف.

على فكرة انت ممكن تعمل سى دى التنظيف بسهولة و ان شاء الله هبقى اعمل موضوع منفصل لطريقة عملة.