وقفة مصرية .. فيه حد وقف؟!

**misho2mimy** · 29-07-2008 02:08 AM

انا شايف ان الموضوع مش محتاج حملة ولا غيره .... يا شباب البلد كلها واقفة مفيش حاجة شغالة واللي شغال شغال غلط .... يعني ماجتش علي الانجاب
لكن اللي حقيقي يضحك اقتراح بعض الدول الاوروبية انضمام مصر لمجموعة الدول الصناعية الكبري ..
حقيقي الصناعة الوحيدة اللي ماشية زي الفل هي الاستيراد.... وانجاب الاطفال
لو حد يعرف حاجة تانية ياريت ينورني ...........

**kareem_Ashmawy** · 29-07-2008 04:06 AM

على رأيى عادل امام فى الزعيم

(( أنا كنت فى الحمام ساعتها ))

**islamnabil** · 29-07-2008 03:27 PM

المشاركة الأصلية كتبت بواسطة Chicco

طبعا يا باشا البلد كلها كنت واقفة في طوابير العيش

لا حضرتك نص البلد بس هما اللي واقفين في طوابير العيش
النص التاني واقفين في طوابير البنزين

ارحمنا يارب

**zalpany2000** · 29-07-2008 03:41 PM

انا شايف ان مشكلة الزيادة السكانيه الحكومة كده كده بتحلها
يعني الشعب يخلف و يكتر
و الحكومة تعملها أفخاخ علشان تتخلص من الزيادة

- تشحنهم في عبارات وتغرقها
- تدخل مواد مشعة من إسرائيل علشان يموتو هما وولادهم قبل ما يجو كمان
- والأخيرة بقي ضربت عصفورين بحجر " بعد نجاح حريق قطار الموت بتاع الصعيد من كام سنه، و النتايج المبهرة اللي حققها نزيف الأسفلت، الفكر الجهنمي وصل بحكومتنا النبيهة انها تدخل حوادث العربيات في القطارات علشان تموتلها عدد مش بطال برضو.

و انا شايف ان الحكومة بصراحة بتحاول تحل المشكلة يعني بتقولوكم حددوا النسل بنفسكم بدل ما نحدده احنا
و دي خطوة مبشرة

**Hossam_Hassan** · 29-07-2008 10:25 PM

سينضمون إلى 3 أطفال آخرين للعائلة
مصرية تستعد لإنجاب 9 توائم ووزارة الصحة تتكفل باحتياجاتهم لعامين
</IMG>
</IMG></IMG></IMG>
</IMG>
</IMG>
القاهرة- د ب أ
تستعد سيدة مصرية، تدعى غزالة، لاستقبال 9 توائم دفعة واحدة في حالة نادرة الحدوث حشدت لها مستشفى الشاطبي الجامعي بمدينة الإسكندرية الساحلية (207 كم شمال غرب القاهرة) كل الإمكانيات المتاحة لتوفير الرعاية الطبية اللازمة للأم والمواليد.

وظهرت السيدة المصرية مساء أمس الاثنين 29-7-2008، في برنامج "البيت بيتك"، وهو أوسع برامج التلفزيون المصري انتشارا لتؤكد أنها بحالة صحية جيدة لكنها تخشى على نفسها وأولادها من ظروف الحياة التي لا ترحم خاصة وأن زوجها موظف بسيط ولديها 3 أطفال أخرون.

وقال مدير مستشفى الشاطبي خلال البرنامج إن الأزمة الحقيقية الحالية تتمثل في عدم وجود حضانات بالمستشفى لاستقبال الأجنة التسعة باعتبار أنه من المفترض أنهم سيكونون جميعا بحاجة لدخول الحضانات فور ولادتهم.

واتصل بالبرنامج المتحدث باسم وزارة الصحة المصرية الدكتور عبد الرحمن شاهين ليؤكد مسؤولية الوزارة عن الأم وأطفالها بعد ولادتهم مشيرا إلى أنه صدرت تعليمات من حاتم الجبلي وزير الصحة بنقلهم جميعا في هذه الحالة إلى أحد المستشفيات التابعة للوزارة التي تتوفر بها كافة أساليب الرعاية الطبية.

وقال شاهين إن وزير الصحة أعلن تكفل وزارته بكافة متطلبات الأجنة من ألبان وحفاظات وأدوية لمدة عامين بعد الولادة في إطار دور الوزارة لرعاية الأم والأطفال.

وبالرغم من أن ولادة التوائم باتت ظاهرة منتشرة في مصر خلال السنوات الأخيرة بسبب تلوث المناخ والغذاء واستخدام الهرمونات المخصبة في المزروعات والدواجن، لكن وصول عدد التوائم إلى تسعة يشكل أمرا نادرا.

--------------------------------------------------------

الراجل زوج السيدة دى بيعند مع الحكومة جامد

ربنا يعينه و يرزقه

**douha_wise** · 29-07-2008 10:45 PM

و الله و رجعتلنا بأخبارك الحلوة المعهودة عنك يا حسام يا اخويا الحبيب
اما بخصوص الوقفة فمن المعروف للجميع ان البلد كلها واقفة اقصد حالها واقف من غير الوقفة اللى همة يقصدوها و العلاج مش فى وقفة مصرية لتنظيم الانجاب و لكن وقفة مصرية لبتر الفساد و اجهاضة و اسقاط المفسدين
كلام كبير مش كدة برضة
و على رأى الممثل اللى كان طالع فى دور الشيخ فى فيلم عادل امام الارهاب و الكباب لما كان بيدعى من تحت لتحت امام الوزير و بيقول
ربنا لا تؤاخذنا بما فعل السفهاء منا
فقالوا للوزير اكيد يقصد الارهابيين
و كلنا عارفين هو يقصد مين طبعا و عشان كدة كلنا ندعى و نقول
ربنا لا تؤاخذنا بما فعل السفهاء منا
امين
و حمدلله على سلامتك يا ابو حبيبتى و نورت بيتك و منتداك و اسعدت اخواتك

**douha_wise** · 29-07-2008 11:33 PM

المشاركة الأصلية كتبت بواسطة Hossam_Hassan

الله يسلمك يا دوحة و حبيبتك لولو بتسلم عليك و على مهاب و بيسان

ربنا يباركلك فيها و يحفظهالك من كل شر و سوء و يجعلها و كل ذريتك صالحين و يسعدك بيهم دائما

**TICOXX** · 30-07-2008 02:46 AM

انا وقفت الوقفة دي من زمان و انا اول الواقفين
انا عندي "هايدي" و قفلت على كده و مفيش تاني
و اهو عيلة اقدر اربيها كويس احسن من اتنين اربيهم نص نص احسن من تلاتة اربيهم ربع ربع احسن من اربعة اشحت بيهم

-

الموضوع: وقفة مصرية .. فيه حد وقف؟!

LinkBack

أدوات الموضوع

عرض

-

-

-

-

-

-

المواضيع المتشابهه

وقفة لمن يملك m11

وقفة مع النفس

وقفة مصرية ....!!!

وقفة على طلل

الكلمات الدلالية لهذا الموضوع

المفضلات

المفضلات

ضوابط المشاركة