الموضوع: هو الشباب فى مصر بيتجوزوا ازاى

المشاركة الأصلية كتبت بواسطة micromoud

تفتكر يا ميدو هو دا الحل؟؟ نتجمع ونعمل تظاهرات و فى الاخر الاهالى اللى مغليين المهور هيقولوا شوية شباب ........* يروحوا يشغلوا وقت فراغهم بدل ماهما بيتظاهروا ...! و تفتكر ان الاهالى ممكن تتحرك لمجرد تظاهر الشباب مع ان هما شايفين بنتهم جمبهم بتكبر يوم بعد التانى وهما لسه زى ما هما بتفكيرهم ...

:) نعم انا شايف ان ده الحل المناسب قول ليه !
هقولك ياسيدي دلوقتي مثلاً انتا كشاب لو سمعت ان في بنات معتصمين ولا بيتظاهروا علشان عاوزين يتجوزوا ... مش هرتوح كده انتا في الخباثة. وتروح تنقيلك عروسة هههههههه. ؟. اكيد اه

هتلاقي العرايس قدامك على عينك يا تاجر. وتنزل تنقي وتختار من غير ما تحتار ... ده غير ان كل سنة وانتا طيب الانتخابات على الابواب وكل حزب عاوز عدد اصوات. باي شكل من الاشكال ... متتصورش مظاهرة زي كده. ممكن تقدم لهم خدمة بيضة مقشرة من الدعايا الانتخابية لمجرد ان يقولك الحزب الفلاني بيساعد الشباب انهم يتجوزوا او المرشح الفلاني بيساعد الشباب وبيساعد اهل ديرتوا والدواير الي حوليه. .... حتى على صعيد الفنانين متتصورش الدعاية. الي ممكن يعملها لنفسوا. لمجرد انوا بيغني في حفل خيري وهتلاقي فنانين كتير لابسين البيجامة وقاعدين في بيوتهم حفلة خيرية زي كده ممكن ترجعوا على الساحة وتخلي الناس ترجع تفتكروووا وببلاش .

والمرشحين السياسين. مجرد تضامنوا مع افاكار الشباب ومساعدتهم اهي دي دعاية ليه تسوى ملالالاين. ... ده رئيس الوزرة ذات نفسوا. مش بعيد يسيب الي وراه والي قادموا ويبتدي يخطط. لمساعدت هؤلاء الشباب علشان تزيد شعبيتوا لدى الناس ويقولك اهو ابتدوا يشتغلوا وبيحلوا مشاكل الشباب طبعاً انا مبتكلمش عن الشباب الي لا وراه ولا قداموا ولسه بياخود مصروفوا وعاوز شقه وعربية وعروسة ووظيفة ومش ناقص غير يقول وبالمره كملو جميلكم وخلفولي بالمرة. ... انا بتكلم على الشباب. الي محتاج نص زقه كده او مساعدة. ... او بيبحث عن عروسة. مش شباب لسه. ابيض يا ورد وعلى الصفر او فوق الحديدة وعاوز كل حاجة بيضة مقشرة. وعاوز حد يصرف عليه. فاهمني !

ههههههههههههه
عريس يا بوووي. عريس يابوووي. ( احمدك يارررررب )
صدقني انا شفت على برنامج صابيا يمكن او ٩٠ دقيقة مش فاكر. المظاهرة بتاعت البنات الي عاوزين يتجوزوا دول حبت بنات. طالعين يتظاهروا انما ايه. قطط. ... وحبت حجات لقط. كده ... بس ربنا يخليلي ام العيال بالدنيا كلها. انا بتكلم عليكم انتم. ... انا لو كنت مكانكم هبتدي ابقى ناشط مؤزوني ههههههه ورئيس ومدير ئئتلاف الباحثين عن العفاف ومنسق قوى العزاب في مصر ... ومدير موقع وشبكات امسك عريس .... ومؤسس حركة كفاية عنوسة ... هعمل اي حاجة علشان اتجوز ومقعدش كدة امصمص قصب. واقشر سوداني واقزقز لب .