الموضوع: هو الشباب فى مصر بيتجوزوا ازاى

المشاركة الأصلية كتبت بواسطة hossam_elwani

الصبر والاراده والتدبير والنيه والعزم على الجواز بالحلال كل ده حيفتح قدامك ابواب الرزق وربنا حيرزقك من حيث لاتعلم

واى حاجه محتاجه وقت ولو اتجوزت على 30 او 31 يبقى تمام اوى

تحياتى

ربنا يعينا

المشاركة الأصلية كتبت بواسطة engaass

ربنا بيسهلها
وكل حاجة بتيجى برزقها
وتكاليف الجواز لو حسبتها بالورقة هتتعقد لكن سبحان الله لما بتنوى وتبتدى فى الموضوع ربنا بيبعت رزقه وبتتجوز
انوى انت بس وربنا بيسهلها طالما نيتك خير

فعلا انك تقعد تحسب دية بتعقد الواحد على الاخر

المشاركة الأصلية كتبت بواسطة bergkamp

ربك بيسهل اوى انا خطبت وبعدماخطبت سيبت الشغل بس شوف ربك بعتلى شغل ف شركة بترول ومش كان معايا واسطه انوى وربنا هيفرجها متعرفش منين

ربنا يباركلك

المشاركة الأصلية كتبت بواسطة y a r i s

والله ِ انا لو كنت منكم. وفي مثل ظروفكم
هعمل مظاهرة واجمع كده شباب ونعمل حملة ونصرخ باعلى صوتنا ونقوول ااااااااااااااه. اااااااااه. ( زي فيلم عادل امام .. النوم في العسل ). ، ده البنات ذات نفسها طلعوا وقالوا ااااه باعلى صوتهم. وعملوا حملة عاوزين نتجوز وانت شوفوا كام شب بسم الله مشاء الله عليكم من كتركم لو قلنالكم احفروا قناة السويس تاني هتحفروا قناتين وتالت اذاعات راديو كمان

وبدل ما انا شايف. شباب عمالين يتظاهروا. على الفضاية والمليان وبيدخلوا نفسهم في السياسة هما لا يفقهوا فيها شيء فمن باب اولى يتظاهروا لمشاكلهم ، هو في اخطر واهم من الجواز بالنسبة لاي انسان .... يمكن رجال الاعمال او الاحزاب تقدر تساعد الشباب في الجواز او تعملهم جواز جماعي لتخفيض تكلفة الافراح. او تعمل لقائات للتعارف بين الشباب والبنات واهاليهم. او الحكومة تعمل نظام لتمويل المقبلين على الجواز اي حاجة

وانتوا مشاء الله عليكم لسه شباب يعني ممكن تتجمعوا عن طريق الفيس بوك او بطرقكم الخاصة . واطلعوا مظاهرة وحملة المليون عازب وارفعوا شعار كده ( عاوز اتجوز او لا مخدات بعد اليوم ). واذا البنات عملوها وانتوا ياشباب مش عارفين تعملوها ... انا باستغرب شباب بيعملوا مظاهرات علشان كورة. واشي شباب عمال يتكلم في سكت القطارات والي بيتكلم عن البانزين والي خلاص بقى مفتي سياسي . من باب اول اتكلم على اخطر مشكلة بتواجهك في حياتك. واقول واصرخ باعلى صوتك وقول عاوز اتجوز ... ماهو البنات اهي كمان. قاعدين متخللين في بيوتهم جمب اهاليهم وهما كمان عاوزين يتجوزوا

اتحركوا يا شباب. وابدئوا بزمام المبادرررررررررررة .
ومثلاً مع الاسف بدل ما شوف كل شوية في قسم الشكاوي هنا في المنتدى شباب زي الورد عمالين يشتكوا ان ده قالي كزا وده زغزغني وده عملي مش عارف ايه . بدل الحورات دي. ابعتوا للادارة تفتحلكم. قسم خاص بالزواج .... وكل واحد يكتب عن ظروفوا وصدقوني في اهالي كتيرررر هتقبل بالظروف دي وهتساعد لان المهم عندهم انهم يستروا. بناتهم حتى لو باعوا الي وراهم والي قادمهم .

وبدل وقتكم الي مضيعينوا على الفيس بوك. بشوية فديوهات ده قال وده سوى وده عمل يا اخي اعمل صفحة. لتجميع الشباب الراغبين في الزواج جمع شباب يطلعوا مظاهرة سلمية يطلبوا الحكومة بمساعدتهم على الزواج .... اعملوا مظاهرة سلمية بتطالب الاهالي بتخفيض المهور والمتطلبات. اعملوا لقاء جماعي مثلاً في حديقة الازهر للشباب وللاهالي الراغبين في تزويج بناتهم اعملوا حفلة خيرية. واعزموا اي مطرب من المطربين يجي يغني ويرقص ويتنطط مجاناً وتكن عائد هذه الحفلة. لمساعدة الشباب المقبل على الزواج

مطربين كتير هيوفقوا. .. لمجرد الدعاية ... اقولكم ايه ولا ايه
المهم تبدئوا تعملوا حملة. لتجميع الشباب. .... وتحياتي

بص احنا عايزين نمسك حضرتك رئيس وزراء بس ما تنسانش ساعتها ومتحلش مشاكلنا

المشاركة الأصلية كتبت بواسطة amrelsha3er

ولله معاك حق جدا
ده يرجع لغلو كل حاجه فى البلد مقابل متوسط دخول الافراد مش مطابق لتكاليف الحياه
يعنى راتبك الفين جنيه وتجيب شقه لو معندكش او الاهل مش فى مقدرتهم يجيبو وتشطبها ده لوحده عاوزلو 200 او250الف ويمكن اكتر
ازاى بقى متعررفش!!
بس صدقنى ربنا بيدبرها وانا واحد من الناس اللى جايب شقنى ومتكفل بمصرافىيى من ايام الجامعه ودلوقتى انا 26سنه وخاطب وهتجوز كمان كم شهر ان شاء الله
لاتياس وتوكل على الله فهو حسبك وربنا فعلا بييسر الامور والله وكان قدامى كذا مثل من صحاب واصدقاء لايملكون شىء برضو من مصاريف الجواز وربنا بيعيين
احب اقولك فى حديث لرسول الله كان الله فى عون ثلاثا من الثلاثه دول الناكح يريد العفاف
اللهم ارزقنا العفه اللهم امين

اللهم امين
والف مبروك على الجواز السعيد باذن الله

المشاركة الأصلية كتبت بواسطة Y a r i s

اقولك ايه يا عزيزي
متجوزوش ليه. مع انهم قطط ... هجوبك لان بمنتهى البساطة شباب كتير ميعرفش من اين تؤكل الكتف او ميعرفش الباب منين ... واغلبهم تلاقيهم ضاربين لاخمة ولا عارفين يتكلموا ولا عارفين يتصرفوا او حتى يتعرفوا ... وتلاقي اغلب الشباب لمن يشوف. قطة ماشية مش فالح غير انو يقولها بيسسس بيسسسس بيس ... وياخود باعضوا ويتنوا ماشي ... ولو لحقها. بتلاقيه في طبعوا ريزل ولزقة ولا بتاع جواز ولا بتاع. ديولوا بس فالح يعاكس بنات الناس وخلاص .

ده غير. تربيتنا لبناتنا. ان متكلميش اي حد يا بنت في الشارع. ولو حد ندهلك مترديش عليه ... ولو حد كلمك نص كلمة ديبي صوابعك العشرة في عنيييييه. ... فهمتني يا عزيزي. صدقني في قطط كتيرررر موجودة. بس مع الاسف مركونين على الرف

لو بالمنطق ده يبقى اللى بيتجوزوا بس هما اللى على النقيض من اللى انت بتقول عليه وده مش صحيح
أقولك انا يا عزيزى القطط دول ما بيتجوزوش ليه
عشان هما قطط فى الغالب شايفين انهم محط اعجاب من ناس كتير ولان هما شايفين كده بيكون دايما طموحهم فى العريس الغنى المرتاح ماديا الاوبن مايند اللى بيحقق طموحاتها و اللى مفيش زيه ولا صاحبتها متجوزين زيه وصدقنى دول لما بيرتبطوا يا منهم بيقعوا فى عريس غنى جدا وبينفصلوا بعد فترة يا منهم اللى بيرتبط والشاب اللى بيرتبط بيها بيسبها بعد فترة لانه بيتخنق منها ومن تناكتها وغرورها و بعد كده بيكون عندها عقدة من الرجاله والشباب اللى فى البلد وفى الاخر بتلاقيها حاطة صورة Public ليها على الفيس بوك من باب التعارف على عريس جديد وصدقنى القطط دول بيعرفوا الحقيقة متأخر جدااا وعلى رأى ابو الليف "بنت الناس سعرها يتقاس بالاخلاق ماهو كدا ياخلاص تتباع فى الساكسونيا"

المشاركة الأصلية كتبت بواسطة ahmed_adham

بالنسبه للشقه فكل ما يبقى معاك أي مبلغ مهما كان صغير اعمل حاجه في الشقه او اشتري حاجه عشان كل يوم الحاجه سعرها بيزيد وشويه شويه هتلاقيها خلصت ان شاء الله وسيبها بس على أخر وش دهان خليه قبل الجواز بحاجه بسيطه عشان الدهان ميتبهدلش من التراب وربنا يوفقك.

انا ناوى اعمل كدة باذن الله عشان ما حسش بامصاريف

المشاركة الأصلية كتبت بواسطة kimokaim

انت في نعمة لانك تقريبا جبت الاهم وهي الشقة

بص انت انوي على الزاوج وربنا يفتحها عليك ولو جاتلك بنوتة هتهيييييييييييص من الرزق

ات بس انتوي الجواز !!

الحمد لله انا احسن من غيرى كتير

المشاركة الأصلية كتبت بواسطة ibn_seena

ما بيتحسبلهاش
طريق وربنا بيختارهولك وييسرهولك
اخلص النيه وربنا هيبعتلك ويبعتلها رزقها

هى فعلا افضل انك ما تحسبلهاش

المشاركة الأصلية كتبت بواسطة oousaoo

انوي نية صادقة خالصة لله وتزوج لنية ان تعف نفسك واختار عروستك ذات الدين كما قال الرسول صلي الله عليه وسلم وشوف ساعتها ربنا حيفرجها ويرزقك ويسهلها وبيسرها لك ازاي حاجة حتخليك تحس انك بتمر بمعجزة ربانية ليك لوحدك سبحان الله واكثر الدعاء

ربنا يرزقنا بالزوجة الصالحة

الشباب فى مصر بيروحوا شارع دمشق يفيموا العربيات من اول 127 لحد البى ام دبليو
وبعدين يقضوها بوس على الدائرى

المشاركة الأصلية كتبت بواسطة lanos2004

الشباب فى مصر بيروحوا شارع دمشق يفيموا العربيات من اول 127 لحد البى ام دبليو
وبعدين يقضوها بوس على الدائرى

وانا اقول الدائرى زحمه ليه اليومين دول

المشاركة الأصلية كتبت بواسطة megamoudy

انا زيك 25 سنة ...... وكنت مضايق اوي اني دكتور وبرده حالي زفت والفلوس نيلة

عاوز رأيي اصبر وسيب الموضوع ييجي لوحده ....... ربنا عارف انت هتكون صالح للزواج امتى .... نفسيا وماديا

سيب الامور تيجي براحتها وبعدين احنا صغيرين

صدقني تجوز وانت عندك 30 سنة ومرتاح مادية احسن ما تجوز وانت صغير ومديون وقرفان ...... ساعتها وانت تلاتين سنة هتلاقي نفسك سعيد اوي وشباب وصحتك النفسية احسن من واحد عنده 25 سنة وهم الدنيا فوق دماغه

من الاخر متسعاش للجواز وسيبه هو يجيلك :)

+1 ....
الزواج هو مشروع للناضجين والقادرين فقط ....

المشاركة الأصلية كتبت بواسطة megamoudy

انا زيك 25 سنة ...... وكنت مضايق اوي اني دكتور وبرده حالي زفت والفلوس نيلة

عاوز رأيي اصبر وسيب الموضوع ييجي لوحده ....... ربنا عارف انت هتكون صالح للزواج امتى .... نفسيا وماديا

سيب الامور تيجي براحتها وبعدين احنا صغيرين

صدقني تجوز وانت عندك 30 سنة ومرتاح مادية احسن ما تجوز وانت صغير ومديون وقرفان ...... ساعتها وانت تلاتين سنة هتلاقي نفسك سعيد اوي وشباب وصحتك النفسية احسن من واحد عنده 25 سنة وهم الدنيا فوق دماغه

من الاخر متسعاش للجواز وسيبه هو يجيلك :)

عندك حق