الموضوع: صيانة الـ 20 ألف..ويوم طويل جداً !! (وائل عطية)

بس للأمانة والموضوعية، التيل الجديد اللي ركبوه حاجة تانية خالص أثر بشكل جامد على فرملة العربية أكثر من الأول بمراحل

دى جملة كويسة, علشان الاستاذ طارق شعير كان بيقول ان التيل اللى بيصفر زيه زى العادى, و ان الفرق الصفارة بس

اكيد فى فرق فى الجودة

انا معاك طبعا يا أستاذ معاذ

بس لما يكون التيل عاندي مش بيصفر و أتصل و أقوله انا عاندي شكوى هاقولوه ايه؟

أو لما يسألني عن رقم شاسية عربيتي و أقولوه و يقولي حضرتك المفروض ما عندكش المشكلة ديه بردة هاقولوه ايه؟

هايفتكرني بتدلع أو بيتهيائلي و مش هاياخد الموضوع جد

هو ده قصدي

اما مثلا لو محتاجين نروح كلنا عند التوكيل علشان أكشن معين، هاتلاقين جي إن شاء الله
او لو لم محتاجين ناخد موقف معين هاتلاقيني بردة إن شاء الله

بس لما يكون التيل عاندي مش بيصفر و أتصل و أقوله انا عاندي شكوى هاقولوه ايه؟

أو لما يسألني عن رقم شاسية عربيتي و أقولوه و يقولي حضرتك المفروض ما عندكش المشكلة ديه بردة هاقولوه ايه؟

هو ده قصدي

اما مثلا لو محتاجين نروح كلنا عند التوكيل علشان أكشن معين، هاتلاقين جي إن شاء الله
او لو لم محتاجين ناخد موقف معين هاتلاقيني بردة إن شاء الله

دي روح طيبة يا محمد باشكرك عليها
بس ماتعتقدش إنهم هايسألوك الأسئلة دي في التليفون، لأنك مابتلاقيش حد محترم وفاهم يرد عليك دا غير مابيقعد التليفون يرن ساعة على بال ماحد يرد

لأ ماهو انا رأيي إن حضرتك ما تتصلش بمراكز الصيانة

إللي يتصل يتصل على الخط الساخن بتاعهم و يبلغ شكوى، و أكيد هايسألوه

او يتصل على نمر خدمة العملاء في المركز الرئيسي و يبلغ شكوى

علشان مراكز الصيانة بتشتغل بناءا على التعليمات إللي جاية من الإدارة

و إحنا لازم نوصل مشكلتنا للإدارة، مش لمسؤل في فرع من فروع مراكز الصيانة

يعني مثلا بالنسبة لموضوع التارة ده، لو ما غيروهوش في الميعاد إللي حضرتك حددته، ما تتكلمش معاهم و روح قدم شكوى (ولو بالتليفون) في المركز الرئيسي (أظن المعادي)

احنا لازم يكون لينا واقفه مع التوكيل ده

لأن حرام اللى بيحصل واللى هيحصل فينا

يا اخوانا لازم نتجمع ونشوف حل لسعر الصيانه وقطع الغيار والتيل وكل المشاكل

امال اسبرانزاوية ايه بئه

يا اخوانا لازم نتجمع ونشوف حل لسعر الصيانه وقطع الغيار والتيل وكل المشاكل

يعني انت يا جيمي عندك مشكلة التيل؟
طيب ياريت تكلم التوكيل وتعرفهم بيها
ولو كلمت مركز جسر السويس دا اطلب تكلم المدير ورخم عليهم لغاية لما يرد، وقوله على المشكلة دي واذكر له موقفي معاه بإسمي مش هايقدر ينكر
عرفه إن الشكوى مش فردية ولا بسبب الاستهلاك

[align=justify:3d80575303]العيب الازلى فينا كمصريين هو الانتظار يمكن حد تانى يروح ويخلص المشكله ولو اتاكدنا ان محدش هيخلص المشكله وان لازم ان احنا الى نتحرك يبقه يا اما بعد فوات الاوان او فى اخر لحظه .
عندما كتب اللورد كرومر تقرير عن الحاله المصريه كتب قائلا انه لا يمكننا اللعب على ورقه الفتنه الطائفيه لانه لا يمكنك ان تفرق بينهما فى الشارع حيث ان الشكل واحد والطباع واحده والثقافه واحده كل ما هنالك ان كل منهما عند الصلاه يذهب احدهما الى الكنيسه والاخر الى الجامع . اما النقطه التى فى صالحنا ( حكومة جلالة الملكه ) هى ان المصريين ينتظرون من ياتى اليهم بحقوقهم ولا يسعون اليها بانفسهم .وذكر اغنية عبد الوهاب ( يا من يجبلى حبيبى ) للدلاله على الحاله.
انا اسف طبعا انا عارف ان هذا ليس مجاله ولكنى ذكرت هذا المثل للدلاله على الموقف فانا متاكد ان الجميع بداية قد اعتمد على الاستاذ/ وائل فى مسالة الاتصال بالتوكيل ثم ثانيا اذا لم يتصل وائل فهناك من سيتصل غيرى بناء على طلب وائل والجميع اعتمد على من سياتى له بحقه وبالتالى لم يتصل .انا اسف للاطاله ولكنه الفعل الملازم لنا فى جميع نواحى حياتنا الاقتصاديه والاجتماعيه سواء منها الداخلى او الخارجى .[/align:3d80575303]
ان الله لا يغير ما بقوم حتى يغيروا ما بانفسهم.

يا جماعه اسمحولي اوضح حاجه

انا اشتكيت من التيل في صيانة الالف و مهندس الاستقبال قالي انه هيتغير للكل لما التيل الجديد يجي
و بعدين رحت في صيانة ال 5000 و قالولي لسه التيل مجاش و كنت اتصلت اكتر من مره لاسباب اخرى و كنت في كل مره باسال على التيل ( كل الكلام اللي فات ده كان في الصحراوي مش جسر السويس)
لكن الواضح من كلام الاخ وائل ان التيل الجديد موجود و بنوعيه افضل من القديم
يبقى كده انا لو حد بعد كده قالي ان التيل مجاش انا اقدر احط صوابعي في عينيه
انا ان شاء الله رايح يوم السبت علشان موضوع تعديل دورة التبريد اللي كنت قلت عليه و علشان في صوت في العربيه قلتلهم عليه في صيانة ال 5000 و لما خرجت بالعربيه لقيت الصوت رجع تاني.

لما ارجع ان شاء الله هاقولكم على اللي حصل معايا.