صيانة الـ 20 ألف..ويوم طويل جداً !! (وائل عطية)

**fady** · 27-06-2007 09:35 AM

يا وائل انا اللي كان مصبرني انهم كانوا بيقولوا التيل مش موجود
لكن من كلامك انا فهمت ان التيل الجديد موجود و انا عربيتي لسه عامله 5500 كيلو بس فمعتقدش ان اي حد هيقولي ان التيل استهلك و عايز يتغير على حسابي علشان ده معناه انه مكانش تيل اصلا ده كان بسكويت من ابو صفاره :)

انا مش باحب المشاكل و لكن في نفس الوقت عيب قوي ان توكيل المفروض انه محترم يضحك على العملاء بتوعه.
انا هاروح يوم السبت ان شاء الله و ربنا يدبر الخير .

**kamel mahmoud kamel** · 27-06-2007 09:40 AM

يا جماعه انا عندى فكره بس مش عارف حيبقى ايه رأيكم فيها
متيجوا نتفق كلنا نروح مع بعض مره واحده التوكيل مجموعه على الصحراوى و مجموعه على جسر السويس بس نجمع عدد محترم و من غير حجز كمان و اللى يقدر يحجز يحجز و نتكلم كلنا مع مدير المركز او الناس اللى موجوده هناك و نقدم شكوه جماعيه على موضوع التيل و اى حاجه تانيه هما متباطئين فيها و نقف كلنا مع بعض و اكيد محدش حيكدب المجموعه
و كده احسن ما كل واحد يروح لوحده و يسوفوله و بدال منقعد نقول استاذ فلان كان عندكو و اشتكى او فلان انتوا غيرتولو حاجه و بتقولولى مش موجوده اهو كله يبقى موجود و على عينك يا تاجر و نزنقهمو نشوف رد فعلهم ايه
مجبتش نتيجه نعمل تجمع تانى فى الأداره نفسها و نطلب نقابل حسن ابو الفتوح بس كلنا نبقى ايد واحده مع بعض
ايه رأيكم ؟؟؟؟؟
مهندس كامل محمود
اسبرانزاوى رقم 3

**fady** · 27-06-2007 09:45 AM

فكره كويسه
انا رايح الصحراوي يوم السبت ان شاء الله من بدري يعني على 8:30 ان شاء الله
حد عنده النيه تاني؟

**kamel mahmoud kamel** · 27-06-2007 09:58 AM

عايزين بس نتفق كلنا و نجمع اكبر عدد يا فادى علشان يبقى صوتنا مسموع
نشوف معاد يناسب اغلب الناس و انا كتبت الموضوع لوحده بره علشان الكل يشوف و يقول ايه رأيه

مهندس كامل محمود
اسبرانزاوى رقم 3

**وائل عطية** · 27-06-2007 10:12 AM

أقترح إن كل مجموعة اسكندرية والجيزة والهرم تطلع على الصحراوي
وباقى القاهرة على جسر السويس
ويكون الكلام دا في يوم واحد وساعة واحد
ويُستحسن يكون بحجز مسبق (من أجل شكوى عامة)

**fady** · 27-06-2007 10:14 AM

ما فيش مشكله
انا باقول اني رايح يوم السبت ان شاء الله علشان لو حد عايز يجي
لو اتفقنا على يوم تاني يبقى مافيش اي مشكله و ان شاء الله انا هاكون موجود برضه لو اتفقنا على ميعاد تاني

شكرا لاهتمام حضرتك يا باشمهندس كامل

**fady** · 27-06-2007 10:17 AM

ويكون الكلام دا في يوم واحد وساعة واحد
ويُستحسن يكون بحجز مسبق (من أجل شكوى عامة)

ما اعتقدش يا وائل انهم هيقبلوا يعملوا حجوزات لاعداد كبيره في نفس الوقت بالاضافه كمان لحكاية شكوى عامه دي لا اعتقد انهم ممكن يعملوا حجز للسبب ده
اعتقد من الافضل نروح كلنا و نتجمع جوه مره واحده.

**وائل عطية** · 27-06-2007 10:40 AM

اعتقد من الافضل نروح كلنا و نتجمع جوه مره واحده.

مفيش مشكلة، يستحسن برده نطب عليهم زي القضا المستعجل ويعرفوا إننا مش أي كلام

**fady** · 27-06-2007 01:13 PM

انا كلمت الصحراوي دلوقتي و قلتلهم انا عندي ميعاد يوم السبت ان شاء الله
و سالتها مباشرة "انا التيل عندي بيصفر هيتغير ولا لا؟"
هيه قالت لي على حسب ما تتفق مع المهندس اللي بيستلم منك العربيه
اعتقد كده واضح ان الموضوع مافيهوش rules و ان اللي يقدر على حاجه يعملها
انا ناوي ارخم جامد يوم السبت ان شاء الله و ربنا يدبر اللي فيه الخير.

**fady** · 27-06-2007 01:15 PM

انا كلمت الصحراوي دلوقتي و قلتلهم انا عندي ميعاد يوم السبت ان شاء الله
و سالتها مباشرة "انا التيل عندي بيصفر هيتغير ولا لا؟"
هيه قالت لي على حسب ما تتفق مع المهندس اللي بيستلم منك العربيه
اعتقد كده واضح ان الموضوع مافيهوش rules و ان اللي يقدر على حاجه يعملها
انا ناوي ارخم جامد يوم السبت ان شاء الله و ربنا يدبر اللي فيه الخير.

الموضوع: صيانة الـ 20 ألف..ويوم طويل جداً !! (وائل عطية)

LinkBack

أدوات الموضوع

عرض

-

-

-

-

-

-

-

-

المواضيع المتشابهه

طويل العمر يطول عمره..!! (وائل عطية)

صيانة الـ5000 كم بقلم ooo!! (وائل عطية)

صيانة الـ20 ألأف=600 جنية!!!!!!! (وائل عطية)

10 نكت !! (وائل عطية)

هام وضروري جداً بخصوص انتخابات رابطة اسبيرانزا (وائل عطية)

الكلمات الدلالية لهذا الموضوع

المفضلات

المفضلات

ضوابط المشاركة