صيانة الـ 20 ألف..ويوم طويل جداً !! (وائل عطية)

**وائل عطية** · 27-06-2007 01:29 PM

اعتقد كده واضح ان الموضوع مافيهوش rules و ان اللي يقدر على حاجه يعملها
انا ناوي ارخم جامد يوم السبت ان شاء الله و ربنا يدبر اللي فيه الخير.

فعلاً مافيهاش أي rules واللي يقدر على حاجة يعملها، وهم كمان في التوكيل ماشيين بنفس المبدأ واللي يقدروا يطلعوه من جيوبنا يطلعوه

**معاذ الشرباصى** · 28-06-2007 12:04 AM

فعلاً مافيهاش أي rules واللي يقدر على حاجة يعملها، وهم كمان في التوكيل ماشيين بنفس المبدأ واللي يقدروا يطلعوه من جيوبنا يطلعوه

عدم وجود قواعد او اسس للتعامل ده بيصعب الامور على العملاء

مش كل واحد يقدر يزعق, او يناهد مع الناس دى, فى ناس بتتكسف, و فى ناس بتخاف و فى امثلة كتيرة

فأظن مهمة الرابطة فى الاساس المساعدة على حصول الناس على حقوقها, و وضع اسس للتعامل مع الوكيل بحيث كل طرف ياخد حقه

المفروض اعضاء الرابطة المختلفين لما يروحوا التوكيل يكلموا بقية العملاء هناك عن الموقع, و عن الهدف منها و عن ايه المشاكل اللى بتواجهم و ازاى ممكن تتكاتفوا جميعا لحل مشاكلكم و تنعموا بسيارتكم

**khalidsdk** · 28-06-2007 01:01 AM

" ودخلت لموظفة الاستقبال (رويدا) وسألتها هايعملوا إيه بالظبط قالت صيانة كاملة وتغيير فلاتر وفحص شامل للعربية عشان دي الصيانة الكبيرة (على حد قولها) "

تعليق :

قصدها دي الهبره الكبيره دي النصباية الكبيره بتاعت التوكيل ، يعنى انت فين ده التوكيل مستنيك ومستني أمثالك اللي جايين يعملوا صيانة ال_20000كم من زمان تعال ادخل يا حبيبي خلينا نشوف شغلنا ونلم الفلوس بقة

يا جماعة ده نصب رسمي وسرقة عيني عينك ما ينفعش كده .

وبعدين سؤال :

ايش ضمنك ان التيل اتغير ؟
ايش ضمنك ان الفلاتر اتغيرت ؟
هل أعطوك القديم أم احتفظوا به لأنفسهم ؟

لازم نعمل جميعا شكوى رسمية يا جماعة ، لازم وقفة يا جماعة ما ينفعش يتنصب علينا بالطريفة دي واحنا ساكتين ، ده احنا دافعين فلوس ومعنا الحق

**baher** · 28-06-2007 02:58 AM

طيب والعربيه عموما عامله مع حضرتك ايه خصوصا انها مشت 20 الف كيلو لحد الان

**وائل عطية** · 28-06-2007 11:55 AM

ياجماعة قلت قبل كد كتير جداً
العربية معقولة قوي وسحبتها معايا ممتازة واستهلاك البنزين كويس والعربية بياعة يعني ممكن الواحد يبيعها دلوقتي وهو حاطط رجل على رجل
المشكلة الوحيدة هو الاعتقاد الراسخ في أذهاننا بأن " دي صيني " ومحدش ينكرويقول لأ
لأن كل ماأبقى مبسوط من العربية كل ما ألاقي هاتف داخلى بيقولي " انت هاتصدق نفسك ولا إيه ..دي صيني يابني "
بس في الواقع لغاية دلوقتي وبفضل الله ما قلتش بأصلها .. ربنا يكملها بالستر

**tarek2** · 29-06-2007 11:55 PM

ربـنـا يـسـترهـا معـاك يا أسـتاذ / وائـل ويبـارك لك فيـهـا وهوه ده الكـلام اللى يطمئـن ويثـبـت وجـود السـيارة وعن تـجـربـة حـقـيـقــيـة عـمـــرهـا 20 ألـف كـم ، الـلـهــم لاحـســد ...

**محمد صبري ابراهيم** · 01-07-2007 06:27 PM

والله يا جماعة انا العربية عملت بيها في 6 أيام أكثر من 1200 كم (لظروف إضطرتني اتحرك بيها جامد اليومين دول) و العربية بسم الله ما شاء الله زي الفل

و زي ما بقول يا جماعة 1200 كم في 6 أيام يعني حوالي 200 كم في اليوم الواحد

**PAYOO** · 01-07-2007 06:48 PM

لفت نظري أكثر من نقطه مهمه في الموضوع ده يا جماعه

أولا :- أستاذ وائل عطيه غلط أنه دفع ثمن "التيل" لأن من يوم ما وعينا على الدنيا ماشوفناش تيل بيتغير بعد 20ألف أبدا ، يبقى كان المفروض أنه يتمسك بحقه وأنه يصر على تغيير التيل بدون دفع ثمنه لأنه التيل ده لو معمول من القماش مش ممكن يتاكل بعد 20ألف حتى لو أستاذ "وائل" كل مايمشي متر يدوس فرامل

ثانيا :- أستاذ وائل مش لاقي حد معاه ياخد موقف بالرغم من تعرض البعض لنفس القصه زي أ/ جمال أبو شنب و أ/فادي

ثالثا :- زي ما استاذ خالد قال طالما أنك بتغير حاجه وبتدفع تمنها يبقى لازم تاخد التالف معاك (وده بيحصل في كل الأماكن المحترمه والغير محترمه كمان)

أخيرا لازم ياجماعه نتحمس كلنا لمحاربة الأستغلال والوقوف موقف موحد ولازم يبقى فيه صيغة للاتفاق على أتخاذ موقف واحد