بعرف أسوق بس مبعرفش أسوق!

**p r i n c e** · 20-01-2013 12:53 PM

السلام عليكم أولا
بصو يا رجالة انا لسة متعلم سواقة جديد
و مصبرتش لحد متعلم كويس و جبت فيرنا مانيوال 2010 الحمدلله
و بمشي على مهلي لحد متعلم كويس و عملت مشاوير ف الزحمة و عادي بوصل و من غير مشاكل فيما عدا ان الناس ال ماشية ورايا بيكرهو نفسهم عشان بمشي بالراحة خالص و آخري الغيار التالت مش بعدي ال 60 و بعد ما بيعدو مني بيبصو عليا و بيشوحولي :-d كل دا مش مهم

المشكلة بقى؛
انا بمشي عادي بس في صعوبه بالنسبالي ف نقل الغيارات مش عارف بعد ما أدي الغيار التاني و التالت اشيل رجلي من على الدبرياش على طول؟ ولا أشيلها بالراحة؟ و أدوس بنزين إمتى بعد ما اغير الغيار؟ أدوس بعد ما أشيل رجلي من على الدبرياش خالص ولا إيه بالظبط؟
العربية بتتنطط مني و أنا بغير الغيارات

**S O P H O S** · 20-01-2013 01:53 PM

بص يا باشا
سيبك من الناس خالص فالاول
اما عن تشيل رجلك امته بص فالغيار الاول بتشيل رجلك ببطئ شوية وفالماقبل بتزود بنزين بردوا ببطئ
علاقة عكسية متساوية فالقوة
اما الغيار التاني والثالث والرابع الخ بتدوس دبرياج تنقل الغيار وتشيل رجلك بشكل طبيعي
لكن مش ببطئ اوي يعني لكن بشكل طبيعي لا سريع ولا هو بطئ زي اول غيار
وتزود بنزين بشكل تصاعدي بعد ما تشيل رجلك مباشرة
وطبعا دي عاوزة منك تعود واحساس بالغيارات اكتر يعني تنقل وتزود بنزين بشكل تصاعدي مش مرة واحدة
علشان العربية متجريش منك مرة واحدة ونفس الوقت مش العربية تاخد غيار ومتزودش بنزين
كده العربية هتفضل تتنطط منك لانك اديت غيار فلازم تكون سرعتك تكون متناسبة مع الغيار
وفالاول والاخر الامر محتاج منك تكرار ومتوترش نفسك ومع الوقت هتتعود علي العربية
وتعرف نفس كل غيار وامته تنقل المهم الهدوء وعدم القلق من شئ واتعود علي العربية براحتك
مش لازم السرعة
وربنا يبارك يا باشا ..

**akmm** · 21-01-2013 10:11 AM

المشاركة الأصلية كتبت بواسطة s o p h o s

بص يا باشا
سيبك من الناس خالص فالاول
اما عن تشيل رجلك امته بص فالغيار الاول بتشيل رجلك ببطئ شوية وفالماقبل بتزود بنزين بردوا ببطئ
علاقة عكسية متساوية فالقوة
اما الغيار التاني والثالث والرابع الخ بتدوس دبرياج تنقل الغيار وتشيل رجلك بشكل طبيعي
لكن مش ببطئ اوي يعني لكن بشكل طبيعي لا سريع ولا هو بطئ زي اول غيار
وتزود بنزين بشكل تصاعدي بعد ما تشيل رجلك مباشرة
وطبعا دي عاوزة منك تعود واحساس بالغيارات اكتر يعني تنقل وتزود بنزين بشكل تصاعدي مش مرة واحدة
علشان العربية متجريش منك مرة واحدة ونفس الوقت مش العربية تاخد غيار ومتزودش بنزين
كده العربية هتفضل تتنطط منك لانك اديت غيار فلازم تكون سرعتك تكون متناسبة مع الغيار
وفالاول والاخر الامر محتاج منك تكرار ومتوترش نفسك ومع الوقت هتتعود علي العربية
وتعرف نفس كل غيار وامته تنقل المهم الهدوء وعدم القلق من شئ واتعود علي العربية براحتك
مش لازم السرعة
وربنا يبارك يا باشا ..

ده صح ... وبالممارسه وواحده واحده هتتعلم السواقه .. السواقه المحترمه اللى تحافظ على حق الغير فى الطريق قبل حقك ...

**ABO MALEK** · 21-01-2013 10:39 AM

السؤال الذى يطرح نفسه:
هو حضرتك معاك رخصة علشان تمشى بالعربية ؟

**S O P H O S** · 21-01-2013 12:04 PM

**abdulhafeez** · 21-01-2013 12:14 PM

كل حاجة بالهداوة بتيجي
انقل براحتك من غير استعجال
سيبك من الوراك هيعمل ايه يعني هيزمر عادي جدا
انت بس ما تتهورش وخليك ماشي براحتك
وانا انصحك انك تسافر مشوار بالعربية مدة طويلة
علشان تسوق فترات طويلة فتتعود على التحكم

هتقلي طيب الطرق السريعة مش بنقل غيارات كتير
ايوه بس بتاخد ثقة اكتر وتحكم اكبر

وصدقني الغيارات دي هتبقى اقل اهتماماتك فيما بعد لدرجة انك هتنسى انت نقلت الغيار ولا لسة

ولو عايز تدرب على غيارات الاول والتاني كويس
عليك على المحور اتجاه اكتوبر ميدان لبنان الساعة 5 العصر
هتنقل اولاني تاني ولا 200 مرة .... تدريب تدريب يعني
كمان المحور انضف في السواقة لان كله ملاكي ومفيش ميكروباص

انا لما بعلم حد على الاولاني كويس بمشيه على المحور في الزحمة

**MOHAMED OSAMA** · 21-01-2013 12:15 PM

فعلا زى ماقال استاذ S O P H O S

وخلى بالك اوعه تشيل رجلك من على الدبرياج بسرعه عشان

العربيه مش تنتش منك خلى حركتك متوسطه ومع الوقت هاتتعود

وبالتوفيق ان شاء الله

**S O P H O S** · 21-01-2013 12:19 PM

يا باشا معلش ازاي يبقي فالبداية
وتقول انه يسافر علشان يتعلم وياخد ثقة ؟؟
ده كده مش غلط عليه هو بس لا ده غلط علي الناس الي فطرق السفر معاه !!
ده طرق سفر والناس طيارة فالطريق والشعب كله بيجري
يعني مفيش فرصة لغلطة واحدة ولو بسيطة فطريق زي ده
مجرد رأي ..

**ahmedesmat1987** · 21-01-2013 12:49 PM

المشاركة الأصلية كتبت بواسطة s o p h o s

يا باشا معلش ازاي يبقي فالبداية
وتقول انه يسافر علشان يتعلم وياخد ثقة ؟؟
ده كده مش غلط عليه هو بس لا ده غلط علي الناس الي فطرق السفر معاه !!
ده طرق سفر والناس طيارة فالطريق والشعب كله بيجري
يعني مفيش فرصة لغلطة واحدة ولو بسيطة فطريق زي ده
مجرد رأي ..

مع كامل احترامى ليك ........بس انت غلطان

اولا ستر ربنا فى كل شى وزى ما ممكن يعمل حادثه على سفر ممكن يعملها تحت بيتو وبردو فى خطر على حياه الناس نسبه الخطر فى السواقه موجوده بس بنسب.........

ثانيا : السفر هو عنصر السحر وطفره التحول فى حياه المبتدئين فى السواقه:

1. بيقوى تركيز المبتدى وبيحطه فى ظروف مختلفه تماما عن ظروف المدينه
2. بيحسن من سرعه رد فعل المبتدى فى السواقه وسرعهالتعامل مع الا خرين
3. كسر رهبه السرعه العاليه على الطريق واكتساب مهاره المراوغه على الطرق السريعه
4. كسب عنصر الخبره فى التعامل مع العربيه نفسها(يعنى المبتدى بوصل لمرحله الراحه فى السواقه واحساسه انو مش سايق وان هو والعربيه كيان واحد )
5. يزيد من عدد ساعات السواقه المتواصله وبالتاالى بيزيد من عنصر الخبره وبيعود الجسم زات نفسه على السواقه الطويله فابالتالى لما يرجع يسوقفى المدينه تانى فى زحمهاو مشوار طويل مش بيحس بالوقت ومش بيتعب.

**S O P H O S** · 21-01-2013 03:33 PM

المشاركة الأصلية كتبت بواسطة ahmedesmat1987

مع كامل احترامى ليك ........بس انت غلطان

اولا ستر ربنا فى كل شى وزى ما ممكن يعمل حادثه على سفر ممكن يعملها تحت بيتو وبردو فى خطر على حياه الناس نسبه الخطر فى السواقه موجوده بس بنسب.........

ثانيا : السفر هو عنصر السحر وطفره التحول فى حياه المبتدئين فى السواقه:

1. بيقوى تركيز المبتدى وبيحطه فى ظروف مختلفه تماما عن ظروف المدينه
2. بيحسن من سرعه رد فعل المبتدى فى السواقه وسرعهالتعامل مع الا خرين
3. كسر رهبه السرعه العاليه على الطريق واكتساب مهاره المراوغه على الطرق السريعه
4. كسب عنصر الخبره فى التعامل مع العربيه نفسها(يعنى المبتدى بوصل لمرحله الراحه فى السواقه واحساسه انو مش سايق وان هو والعربيه كيان واحد )
5. يزيد من عدد ساعات السواقه المتواصله وبالتاالى بيزيد من عنصر الخبره وبيعود الجسم زات نفسه على السواقه الطويله فابالتالى لما يرجع يسوقفى المدينه تانى فى زحمهاو مشوار طويل مش بيحس بالوقت ومش بيتعب.

علي فكرة انا كلامي مفيش فيه اي جزء من ان الخطر فالسفر فقط
لان ربنا هو الحارس والي نصيبه فشئ هيشوفه ولو حتي وهو بيدور العربية
كلامي واضح فيه انه علي جزء السفر كاختلاف طرق
واكيد دي وجهة نظر وكلام حضرتك بردوا وجهة نظر لها التقدير بدون ما هقول انك غلطان
تحياتي ليك ..